Yohane 7:28 - Tonga Bible 1986

²⁸ Viyo Yesu, wachisambizga mu kasopi wangukambura, “Ine mutindiziŵa, ndipo muziŵa ko ndatuwa; kuti ndaza mukhumbo laku ine ndamweni cha, wakundituma ngwakuneneska, mweniyo imwe kumziŵa.

Yohane 7:28 ပူးပေါင်းရင်းမြစ်များ

Sumu 9:10

Ndipo wo ŵaziŵa zina linu ŵaŵika chigomekezgu chawo mwaku imwe, Ambuya, kuti mwaŵajowo cha akumupenjani.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Yeremiya 9:6

Ŵaunjika kuyuzga pachanya pa kuyuzga, ndikupusika pachanya pakupusika, ŵakana kundiziŵa ine, atiti Ambuya.

Hoseya 4:1

Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Hoseya 5:4

Nchitu zawo kuti ziwazomerezga cha kuwere kwaku Chiuta wawo. Chifukwa mzimum waureŵi we mukati mwawo, ndipo ŵalivi kuŵaziŵa Ambuya.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Mateyu 2:23

Ndipo wanguza ndi wanguja mu muzi wakuzumbulika Nazarete: viyo kuti lifiskike nenedu la ŵamchimi, kuti, “Wazumbulikenge mu Nazarene.”

Mateyu 26:55

Mu ora liya wanguti Yesu ku mizinda yo, “Kumbi mwatuliya nge mpha munkhungu ndi malipanga ndi zindodo kuzachindiko? Zuŵa ndi zuŵa mu kasopi ndajanga pasi wakusambizga, ndipo kuti mungundiko cha.

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Luka 2:11

pakuti wakuwiyani le, mu muzi waku Davidi, Mtaski mweniyo ndi Kristu Mbuya.

Luka 2:39

Ndipo penipo ŵangufiska vyose vya mwa dangu la Mbuya, ŵanguwere ku Galile, ku muzi wawo Nazarete.

Luka 2:4

Ndipo Yosefe nayo, kutuwa ku Galile, ku muzi Nazarete, wangukwere ku Yuda, ku muzi waku Davidi, wo uzumbulika Betelehemu, chifukwa kuti wenga wamunyumba ndi wa mbumba yaku Davidi;

Luka 2:51

Ndipo wangusikiya pamoza nawo, ndi ŵangufika ku Nazarete; ndipo wenga wakuthera kwaku wo: ndipo nyina wasungirizganga makani ghose gho mu mtima wake.

Yohane 1:46

Natanaele wangumnene, “Ku Nazarete kungatuwa kanthu kamampha nthu?” Filipu wamunene, “Zanga uziwone.”

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

Yohane 12:49

Chifukwa ine kuti ndajirongorore gha paku ndija cha; kweni Dada wakundituma, ndiyo wandilanguliya cho ndikambenge, ndi cho ndirongoronge.

Yohane 14:10

Asi uvwana kuti ine nde mu Dada, ndi kuti Dada we mwaku ine? Mazu gho nditukukambiyani kuti ndirongoro ghakutuwa kwaku ndamweni cha; kweni Dada wakujaririya mwangu watata nchitu zake.

Yohane 14:31

kweni alinga kuti charu cho chiziŵe kuti nditanja Dada, ndicho chifukwa ndichita vyose nge ndimo watindilanguliya. Yukani, tituwepo panu.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 3:2

Munthu uyu wanguza kwaku Yesu ndi usiku, wangumnene, “Rabi, tiziŵa kuti ndimwe msambizgi wakutuwa kwaku Chiuta: chifukwa palive yumoza yo waziŵa kuchita visimikizgu vyo imwe muchita, kwambura kuti Chiuta we nayo.”

Yohane 3:33

Yo waronde chipanikizga chake, watijizighiriya kuti Chiuta ndiyo mneneska.

Yohane 5:32

Kwe munyake yo ngwakusimikizgiya paku ine; ndipo ndiziŵa kuti chisimisimi cho watindisimikizgiya nchakuneneska.

Yohane 5:43

Ine ndaziya mu zina la Ada, ndipo kuti mutindironde cha; asani munyake wangaziya mu zina laku yija, mumrondiyenge mweniyo.

Yohane 6:42

Ŵanenanga, “Asi uyu ndi Yesu, mwana waku Yosefe, awiske ndi anyina ŵaku mweniyo ifwe tituŵaziŵa? Wakamba uli sono, ‘Ndasika kuchanya?’ ”

Yohane 7:14

Kweni pakati pa dghera lo Yesu wangukwere mu kasopi ndipo wasambizganga.

Yohane 8:14

Yesu wangwamuka, wangŵanene, “Chingana ndijisimikizgiya, ndamweni, chisimisimi changu nchakuneneska; pakuti ndiziŵa ko ndikutuwa, ndi ko nditiya; imwe kuti muziŵa ko ndikutuwa, pamwenga ko nditiya cha.

Yohane 8:16

Ndikweni asani ndingeruzga ine, cheruzgu changu nchakuneneska; pakuti kuti nde ndija cha, kweni ine ndi Dada wakundituma.

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

Yohane 8:26

Nde navyo vinandi kurongoro ndi kweruzga paku imwe; kweni Wakundituma yo ngwakuneneska; ndipo ine ndirongoro ku charu vyo ndavwa kwaku iyo.”

Yohane 8:42

Yesu wanguŵanene, “Asani Chiuta wenga uskemwe, mphanyi mwandanja ine: chifukwa ine ndaza kutuwa kwaku Chiuta; chifukwa kuti ndikuza mukhumbo laku ine ndija cha, wakundituma ndiyo.

Yohane 9:29

Tiziŵa ifwe kuti Chiuta wangurongoro kwaku Mosese, kweni ghapa munthu uyu, kuti tiziŵa cha ko watuwa.”

Machitidu gha Ŵakutumika 17:23

“MwaŵaAthene, ndiwona kuti mwaku vyose mwe ŵakusopa ukongwa, chifukwa ndichisorotapo ndi kuthoŵa vyo musopa ndingusaniya chisoperu nacho, po pangulembeka, ‘Kwaku Chiuta Wambura Kuziŵikwa.’ Viyo mweniyo musopa mwambura kumziŵa, ine ndikutauliyani iyo.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

ŴaRoma 3:4

Kungaŵa viyo cha! Kweni waŵe muneneska Chiuta chingana munthu yose waŵa mtesi; nge ndimo kwalembeke, “Alinga kuti murunjiskike mu mazu ghinu, ndi mupunde mucheruzgika imwe.”

2 ŴaKorinte 1:18

Kweni ngwamagomekezgeka Chiuta, viyo kuti mazu ghidu kwaku imwe kuti ngakuti Inya! ndi Awa! cha.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

Tito 1:2

mu chigomezgu cha umoyo wamuyaya, weniwo Chiuta mzirautesi wangupangana kali ku nyengo za muyaya,

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

1 Yohane 5:10

Mweniyo wavwaniya mu Mwana waku Chiuta we nacho chisimisimi mwaku yija: mweniyo wareka kuvwaniya mwaku Chiuta wamchita mtesi; pakuti wareka kuvwaniya mu chisimisimi chenicho Chiuta wamsimikizgiya Mwana wake.

1 Samuele 2:12

Ŵana ŵaku Eli ŵenga ŵanthu ŵambura kwenere; ŵengavi kuchitiya ulemu Ambuya.