Yohane 6:40 - Tonga Bible 1986

⁴⁰ Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Yohane 6:40 ပူးပေါင်းရင်းမြစ်များ

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Yesaya 53:2

Pakuti wangukuwa paurongo pakenge nkhamuti kateta, uli ndi msisi wakutuwa pa nyata yakumira; iyo wengavi kawonekedu pamwenga unozgi kuti timulereske, ndipo wengavi kutowa kuti timukhumbe.

Maŵerengedu 21:9

Sono Mosese wanguchita njoka ya mkuŵa, ndipo wanguyipayika pa muti; ndipo asani njoka yinguruma munthu, po wangulereska pa njoka ya mkuŵa wanguchira.

Mateyu 10:15

Nadidi ndinene imwe, mu zuŵa la cheruzgu kuŵenge kwamakunthirikako ku charu cha Sodomu ndi Gomora, kwakuruska ku muzi muwa.

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Marko 16:16

Yo wavwana ndi wabatizika wataskikenga; kweni yo wareka kuvwana wasuskikenge.

Luka 2:30

pakuti ghawona maso ghangu utaski winu,

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 10:28

Ine nditizipaska umoyo wamuyaya; kuti zikafwanga cha, ndipo kuti yumoza wazikwamphuwenge mu janja langu cha.

Yohane 11:24

Wamnene Marta, “Ndiziŵa kuti wayukenge so mu chiyuka cho cha mu zuŵa lakumariya.”

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

Yohane 12:45

Ndipo yo wawona ine wawona Wakundituma.

Yohane 12:50

Ndipo ndiziŵa kuti langulu lake mbumoyo wamuyaya. Viyo cho ndirongoro ndicho Dada wandikambiya, kuti ndirongoro.”

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Yohane 14:19

Kachalipo kanyengo kamanavi, ndipo charu cho kuti chindiwonenge so cha; kweni imwe mundiwonenge; chifukwa ine ndi wamoyo namwe so muŵenge ŵamoyo.

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Yohane 3:36

Yo ngwakuvwana mu Mwana we nawo umoyo wamuyaya; kweni yo wareka kuvwana mu Mwana, kuti wamwona umoyo cha, kweni kandundu kaku Chiuta kajaririya paku iyo.

Yohane 4:14

kweni mweniyo yose wangwamwapo maji gho ndimpaskenge ine, kuti nyota yikamkonga so cha muyaya: maji gho Ine ndimpaskenge ghaŵenge mwake chisima cha maji ghakubwibwitukiya ku umoyo wamuyaya.”

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

Yohane 6:39

Ndipo ili ndi khumbo la wakundituma yo kuti mwaku wose ŵeniwo wandipaska ndingatayapo cha yumoza, kweni kuti ndimyuske pa zuŵa lakumariya.

Yohane 6:44

Kuti yumoza waziŵa kuza kwaku ine cha, kwambura kuti Ada wo angundituma anguza: ndipo Ine ndimyuskenge mu zuŵa lakumariya.

Yohane 6:54

Wakurgha nyama yangu ndi wakumwa ndopa zangu we ndi umoyo wamuyaya; ndipo ine ndimyuskenge mu zuŵa lakumariya.

Yohane 8:56

Abrahamu, auskwemwe, wangukondwere kuliwona zuŵa langu; wanguliwona, ndipo wangusekere.”

ŴaRoma 5:21

alinga kuti, uli ndimo ulakwi wo unguwusiya ku nyifwa, viyo so wezi wo unguwusiya mu urunji ku umoyo wamuyaya mwaku Yesu Kristu Ambuyafwe.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

ŴaHebere 11:1

Kweni chivwanu nchimbondu cha vyakugomekezgeka vyo, chirozgu cha vinthu vyambura kuwoneka.

ŴaHebere 11:27

Ndi chivwanu wangureka Egipiti, kwambura kopa kandundu ka karonga yo; chifukwa wangukunthiyapo, uli ngwakumuwona yo ngwambura mawoneka.

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

1 Yohane 2:25

Ndipo chenichi nchipanganu chenicho iyo wangupangizgiya ifwe, Umoyo wo wamuyaya.

Yuda 1:21

mujisunge mu chanju chaku Chiuta, ndi kulereze lisungu la Ambuyafwe Yesu Kristu la ku umoyo wamuyaya.