Yohane 5:44 - Tonga Bible 1986

⁴⁴ Mungavwana uli imwe, mwaŵakuronderana unkhankhu, ndipo unkhankhu waku tuwa kwaku Chiuta yija kuti mutiwulemba cha?

Yohane 5:44 ပူးပေါင်းရင်းမြစ်များ

2 Mikoka 6:8

Kweni Ambuya anguti kwaku Davidi ada, ‘Po chenga mu mtima wako kuzenge zina langu nyumba unguchita umampha kuti ichi chenga mu mtima wako;

Yeremiya 13:23

Kumbi mu Etiopia wangaziŵa kusintha liŵavu lake, pamwenga nyalubwe maŵanga ghake? Ipo namwe so mungaziŵa kuchita umampha mwa ŵakuziŵiriya kuchita uheni.

Mateyu 23:5

Kweni nchitu zawo zose ŵachitiya kuti ŵaŵoneke ku ŵanthu: chifukwa ŵasanuska mphonji zawo, ndipo ŵakuzga mikanu ya minjirira yawo,

Luka 19:17

Ndipo wanguti kwaku iyo, ‘Umampha, muŵanda wamampha we: pakuti mu kamanavi unguŵa wamagomekezgeka, uŵe wamtufu pa mizi chumi.’

Yohane 12:43

chifukwa ŵangwanja kurumbika ndi ŵanthu kwakuruska kurumbika ndi Chiuta.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 3:20

Pakuti yose wakuchita uheni watinkha Kungweruka ndipo kuti watuza ku Kungweruka ko cha, vinu nchitu zake zingasuskika.

Yohane 5:41

Unkhankhu kuti ndironde ku ŵanthu cha.

Yohane 8:43

Chifukwa chine mureka kuwamu mu kakambidu kangu? Nchifukwa chakuti mulive kuziŵa kughavwa mazu ghangu.

ŴaRoma 2:10

Kweni unkhankhu ndi rumbu ndi chimangu kwaku yose yo ngwakuchita umampha, ku muYuda danga ndi so ku muGriki:

ŴaRoma 2:29

kweni ndiyo muYuda yo ngwa mukati; ndipo mchinju ngwa mtima, mu mzimu, mu lembo cha; rumbu laku mweniyo kuti nda ku ŵanthu cha, kweni kwaku Chiuta.

ŴaRoma 2:7

Umoyo wamuyaya kwaku ŵeniwo ŵachita umampha kwalinthata, mbakulembe unkhankhu ndi rumbu ndi uwura chivuzi;

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

2 ŴaKorinte 10:18

Chifukwa yo ngwakujirumba yija kuti warumbika cha, kweni munthu yo warumbika ndi Ambuya ndiyo.

ŴaFilipi 2:3

Kuchita kanthu kose kwandeu cha, pamwenga kwathamu laŵaka cha, kweni kwakujiyuyuwa mu mtima; mose mupime ŵanyinu kuŵa ŵakuruska imwe.

1 ŴaTesalonika 2:6

chingana nkhuti tapenjanga unkhankhu ku ŵanthu cha, pamwenga kwaku imwe, pamwenga ku ŵanyake, chingana nge mbakutumika ŵaku Kristu tinguziŵa kujiŵangiya ulemu.

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

ŴaHebere 3:12

Cheŵani, mwa ŵabali vinu kokuli mu yumoza waku imwe uŵenge mtima uheni wambura chivwanu, mu kudezukako kwaku Chiuta wamoyo.

Yakobe 2:1

Mwa ŵabali ŵangu, mungaŵa nacho mu urumba chisku cha chivwanu cha Ambuyafwe Yesu Kristu, Mbuya wa Unkhankhu wo.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

Yuda 1:25

kwaku Chiuta yijayija pe, Ntaski widu, kuŵiye mwaku Yesu Kristu Ambuyafwe, unkhankhu, mazaza, ukumu ndi mtufu, uli ndimo kwaŵiyanga yindaŵepo migonezi, kuliri sono, ndipo kukaŵiyanga muyaya. Ameni.

1 Samuele 15:30

Sauli wanguti, “Ndalakwa; kweni ndipuuli ndichitiyeni ulemu paurongo pa ŵara ŵa ŵanthu ŵangu ndi paurongo paku Yisraele, muŵe pamoza nane, mwakuti ndikasope Ambuya Chiuta winu.”

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.