Yohane 5:21 - Tonga Bible 1986

²¹ Chifukwa uli ndimo Dada wayuskiya ŵakufwa ndi kuŵasanduska ŵamoyo, viyo Mwana nayo waŵasanduskenge ŵamoyo ŵeniwo wakhumba.

Yohane 5:21 ပူးပေါင်းရင်းမြစ်များ

1 ŴaKaronga 17:21

Sono wangutambala pachanya pa mwana katatu, ndipo wangubangula ku Ambuya, “Ambuya mwe Chiuta wangu, chitani kuti mzimu wa mwana uyu uwere so mwake.”

2 ŴaKaronga 5:7

Ndipo penipo karonga waYisraele wanguŵerenga karata yuwa, wanguparuwa vyakuvwara vyake, wanguti, “Kumbi ine ndine Chiuta, wakubaya ndi wakupaska umoyo, po uyu munthu watuma mazu kwangu kuti ndichizge munthu ku makhate ghake? Kweni wonani, mukasaniyanga kuti wapenja mo wangarwiyana ndi ine.”

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Yohane 6:63

Mzimu ngwakupaska umoyo; liŵavu kuti litu vya kanthu cha; mazu gho ndarongoro namwe ndigho mzimu, ndipo ndigho umoyo.

Machitidu gha Ŵakutumika 26:8

Chifukwa chine chiteruzgika ndi imwe chambura magomekezgeka, chakuti Chiuta wayuska ŵakufwa?

ŴaRoma 8:11

Asani Mzimu waku Chiuta yo wanguyuska Yesu ku nyifwa, waja mwaku imwe, viyo yo wanguyuska Yesu ku nyifwa, wakapaskanga so umoyo ku maliŵavu ghino ghachifweni pakuŵa mu Mzimu mwaku imwe.

1 ŴaKorinte 15:45

Viyo so kwalembeka, “Munthu wakudanga yo Adamu, wanguŵa mzimu wakututa”; Adamu wakumariya yo wanguŵa mzimu wakupaska umoyo.

Marangu 32:39

“ ‘Wonani sono kuti ine, ine pe ndine iyo. Palivi chiuta munyake pade paku ine. Ine ndibaya ndi ndipaska umoyo, ndigwaza ndi ndichizga, ndipo palivi yumoza wangataska ku janja langu.