Yohane 5:17 - Tonga Bible 1986

¹⁷ Kweni Yesu wanguŵamuka, “Mpaka sono Ada ŵachita nchitu, ndipo ine nani ndichita.”

Yohane 5:17 ပူးပေါင်းရင်းမြစ်များ

Sumu 65:6

Ndi nthazi yinu mwamika mapiri, kurongo nthazi zinu zakuzungura.

Yesaya 40:26

Yinuskiyani maso ghinu kuchanya mulereske: njani wangulenga ivi? Mweniyo watuzga liŵanja lawo ndi kuliŵerenga, watividana vyose mazina; ndi ukuru wa kulimba kwake; ndipo chifukwa ngwakulimba mu nthazi palivi cho chisoŵapo.

Mateyu 10:29

Asi twaphwitu tuŵi tugurika katambala kamoza? Ndipo kuti kamoza kaku to kawenge pasi cha, kwambura khumbo la Auskemwe.

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

Yohane 14:10

Asi uvwana kuti ine nde mu Dada, ndi kuti Dada we mwaku ine? Mazu gho nditukukambiyani kuti ndirongoro ghakutuwa kwaku ndamweni cha; kweni Dada wakujaririya mwangu watata nchitu zake.

Yohane 5:16

Chifukwa ichi ŵaYuda ŵangumuŵemba Yesu, chifukwa wanguchita ichi pa Sabata.

Yohane 5:18

Viyo chifukwa chenicho ŵaYuda ŵapenjanga ukongwa kumbaya, chifukwa kuti Sabata pe cha, kweni so chifukwa wakambanga kuti Chiuta ndi Wiske wapamtima wake, wakujiyaniska ndi Chiuta.

Yohane 9:4

Titenere kuzitata nchitu za Wakundituma, kweche msana: kutuza usiku, penipo palive yumoza waziŵa kutata nchitu.

Machitidu gha Ŵakutumika 14:17

Ndikweni kuti wajireka ŵaka cha wambura chisimisimi, mwakuti wanguchita umampha, pakupaska imwe kutuwa kuchanya vuwa ndi nyengo zakupasiya, ndi pakugutiska mitima yinu ndi vyakurgha ndi likondwa.”

Machitidu gha Ŵakutumika 17:28

Chifukwa, ‘Mwaku iyo tijariya ŵamoyo, ndi titenda, ndi tiripo,’ mo so ŵanyake ŵakwata sumu ŵaku imwe ŵakambiya, ‘Chifukwa te mbumba yake.’

1 ŴaKorinte 12:6

Ndipo ghalipo mapambanu gha machitidu, kweni Chiuta yumoza, mweniyo ngwakuchitiyamo vyose mwaku wose.

ŴaKolose 1:16

Pakuti mwaku iyo vingulengeka vinthu vyose, vya kuchanya ndi vyapa charu, vyakuwoneka ndi vyambura kuwoneka, pamwe vitengu vyaufumu, pamwe maumbuya, pamwe maufumu, pamwe mitufu; vyose vyo vikulengeke mwaku iyo, ndi kwaku iyo.

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.