Yohane 4:23 - Tonga Bible 1986

²³ Kweni ora lituza, ndipo sono liripo penipo ŵasopi ŵenecho ŵamsopenge Dada mu mzimu ndi mu uneneska: pakuti nadi Dada wapenja ŵakumsopa ŵaviyo.

Yohane 4:23 ပူးပေါင်းရင်းမြစ်များ

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Sumu 147:11

Kweni Ambuya akondwere ndi ŵakuwopa, wo ŵagomekezga mu chanju chawo chakufikapo.

Sumu 17:1

Avwani vya urunji wangu, Ambuya; tegherezgani ku kuliya kwangu! Avwani rombu langu lo lituwa mu milomo yambura chinyengo!

Sumu 32:2

Wakutumbikika ndi munthu yo Ambuya kuti atimpimiya kubende cha, yo mu mzimu wake mulivi urghargha.

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Sumu ya Zisumu 2:14

Owe nkhunda yangu, mu vinkhwawu vya jarawi, mu mazenje ghakubisika, mphanyi ndawona chisku chako, ndivwi mazu ghako, pakuti mazu ghako ngakunowa, ndipo chisku chako nchakunozga.

Yesaya 10:20

Mu zuŵa leniliya ŵakujapo ŵa ŵaYisraele ndi ŵakujapo ŵa nyumba yaku Yakobe kuti ŵakayegamiyanga so paku yo wanguŵakoso cha, kweni wakayegamiyanga pa Ambuya, mtuŵa Yumoza waku Yisraele, mu uneneska.

Yesaya 29:13

Ambuya anguti: “Chifukwa ŵanthu yaŵa ŵandere pafupi ndi milomo yawo, kunditumbika ndi malilime ghawo, penipo mitima yawo ye kutali ndi ine, ndipo chopu chawo paku ine ndi langulu, la ŵanthu wo ŵakusambira chinkhumbu;

Yesaya 43:21

ŵanthu ŵeniwo ndingwata chifukwa chaku ndamweni kuti ŵataule rumbu langu.

Yesaya 58:2

Kweni ŵatindipenja zuŵa ndi zuŵa, ndipo ŵakondwere kuziŵa nthowa zangu, ulaka nge ndi mtundu wo uchita ukongorekwa wo ulivi kujowo malangulu ghaku Chiuta wawo; ŵatindipempha vyeruzgu vya kunyoroka ŵakondwa kundere kwaku Chiuta.

Yeremiya 3:10

Kweni paku vyose ivi Yuda mzichi wake phula kuti wanguwere kwangu ndi mtima wake wose cha, kweni ndi chiphamaso, atiti Ambuya.”

Yeremiya 4:2

ndipo asani mukarapanga, ‘Mo ŵajaliya Ambuya ŵamoyo,’ mu uneneska, mu urunji, ndi mu kunyoroka, sono ndipo mitundu yikatumbikikiyanga mwaku imwe, ndipo mwaku imwe yikatumbwiyanga.”

Ezekiele 22:30

Ndipo ndingupenjapenja munthu mukati mwawo yo wangwenere kuzenga linga ndi kuma mwakupasuka paurongo pangu chifukwa cha charu, mwakuti ndireke kuchipasuwa; kweni ndengavi kumusaniya.

Yohane 1:17

Pakuti langulu lo lingupaskikiya mwaku Mosese, wezi ndi uneneska vinguziya mwaku Yesu Kristu.

Yohane 12:23

Ndipo Yesu wanguŵamuka, “Ora lo laza, lakuti wakankhuskike Mwana wa munthu.

Yohane 16:2

Wamkukusezgani ku masinagoge: inya, lituza ora, la kuti yose wakukubayani imwe wapimenge kuti wateŵete Chiuta.

Yohane 16:32

Awonani, ora lituza, ndipo nadi lafika, lakuti mumbininikenge imwe munthu yose ku nyumba yake, ine mundisiyenge ndija: ndikweni kuti nde ndija cha, pakuti Ada we nane pamoza.

Yohane 4:21

Wamnene Yesu, “Wamunthukazi, vwananga mwaku ine kuti lituza ora, penipo chingana ndi mu phiri ili, chingana ndi mu Yerusalemu, kuti musopenge Dada cha.

Yohane 5:25

“Nadidi ndikuneneskiyani kuti lituza ora, ndipo sono liripo penipo ŵakufwa ŵavwenge liu la Mwana waku Chiuta; ndipo wo ŵamkuvwa ŵaŵenge ŵamoyo.

Yohane 5:28

Mungarwitanga paku chenichi cha pakuti lituza ora lenilo wose ŵamu miunda ŵakavwanga liu lake.

ŴaRoma 1:9

Chifukwa Chiuta ndi kaboni wangu, mweniyo ndimteŵete mu mzimu wangu mu evangeli wa Mwana wake, kuti kwambura kulekezga ndizumbuliya imwe mu marombo ghangu,

ŴaRoma 8:15

Chifukwa kuti munguronde cha mzimu wa uŵanda wa chofyu, kweni munguronde mzimu wa ulezi, mwaku wo tikutiya, “Aba, Ada!”

ŴaRoma 8:26

Ndipo kwakulingana viyo Mzimu nayo watovya unthomboru widu: pakuti tirive kuziŵa cho tirombenge mo kutenere, kweni Mzimu iyo watininizikiya ndi mitamanthu yambura makambika;

ŴaGalatia 4:6

Ndipo pakuti mwe ŵana, Chiuta watuma Mzimu wa Mwana wake mu mitima yinu, wakubongo, “Aba, Ada!”

ŴaEfeso 6:18

Mu kuromba ndi kuninizika murombiyenge nyengo zose mu Mzimu, ndi kucherezga kwakufwiririyapo limu kuninizikiya pa chifukwa chakuwose ŵakupaturika,

ŴaFilipi 3:3

chifukwa ifwe te ŵamchinju ŵa uneneska wo mbakusopa Chiuta mu Mzimu, ndi mbakutumbwiya mwaku Kristu Yesu, ndi ŵambura kugomekezga mu liŵavu.

Yoswa 24:14

“Viyo sono wopani Ambuya, ndipo mteŵetiyeni mu uneneska ndi mu kugomezgeka; tayani ŵachiuta wo auskemwe ŵangutataliya kusirgha ku Msinji, ndi mu Egipiti, teŵetiyani Ambuya.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

1 Samuele 12:24

Opani Ambuya ndipo ŵateŵetiyeni kwamagomekezgeka ndi mtima winu wose, ghanaghanani pa vinthu vikuru vyo ŵamuchitiyani.