Yohane 4:15 - Tonga Bible 1986

¹⁵ Munthukazi wanguti, “Ambuya, ndipaskeni maji gho, alinga kuti nyota yireke kundiko so, ndi kuti ndireke kuza so kuno kuzachinegha maji.”

Yohane 4:15 ပူးပေါင်းရင်းမြစ်များ

Sumu 4:6

Mbanadi wo ŵatiti, “Owe mphanyi tinguwona cho nchamampha! Kwezgiyani kungweruka kwa chisku chinu paku ifwe, A Chiuta!”

Yohane 4:16

Yesu wangumnene, “Kamdane mrumi wako, ndi uwere kuno.”

Yohane 6:26

Yesu wanguŵamuka, ndi wanguti, “Nadidi ndikuneneskiyani, mutindilembe, chifukwa munguwona visimikizgu cha, kweni chifukwa mungurgha viŵande vyo, ndi munguguta.

Yohane 6:34

Viyo ŵangumnene, “Ambuya, nyengo zose tipaskeni chiŵande chenichi.”

Yohane 6:35

Wanguŵanene Yesu, “Ine ndine Chiŵande cho cha umoyo yo watuza kwaku ine kuti waŵenge wanja cha, ndipo wakuvwana mwaku ine kuti waŵenge so wanyota cha muyaya.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

ŴaRoma 8:5

Wo ŵaja kwakuyana nge ndimo kaŵiro kawo ka unthu katuŵanene, makhumbu ghawo gharongozgeka ndi vyo kakhumba. Wo ŵaja kwakuyana ngendimo Mzimu wawo utuŵanene, vinjeru vyawo virongozgeka ndi vyo Mzimu ukhumba.

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

Yakobe 4:3

Mupempha, ndipo kuti muronde cha, chifukwa kuti mupempha uheni, alinga kuti muvimariye pa malikondwa ghinu.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.