Yohane 3:29 - Tonga Bible 1986

²⁹ Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

Yohane 3:29 ပူးပေါင်းရင်းမြစ်များ

Sumu ya Zisumu 3:11

Tuwani, mwaŵana ŵanthukazi ŵaku Zioni, ndipo wonani karonga Solomoni, ndi chifuko cho anyina ŵakumufuka nacho pa zuŵa la nthengwa yake, pa zuŵa la kukondwa kwa mtima wake.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Yesaya 54:5

Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.

Yesaya 66:11

alinga monkhe ndi kukhorwa ndi naŵe gha ghasangaruska, kuti mumwe ukongwa ndi kukondwa kwakutuwa ku kuzala kwa unkhankhu wake.”

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Hoseya 2:19

Ndikujaliyenge kuti uŵe wangu muyaya; ndikujaliyenge kuti uŵe wangu mu urunji, mu weruzgi, muchanju chakufikapo ndi lisungu.

Mateyu 22:2

“Ufumu wa kuchanya ukozgana ndi munthu karonga, mweniyo wangubikiya mwana wake zowara,

Mateyu 25:1

“Penipo ufumu wa kuchanya ulinganizgikenge ku mbeta chumi, zenizo zinguti zato nyali zawo, zingutuwa kwachikumana ndi mweni-nthengwa.

Mateyu 9:15

Yesu wanguŵanene, “Kumbi ŵangatenje ŵana ŵanthengwa, penipo mweninthengwa we nawo pamoza? Kweni ghazenge mazuŵa ndipo wampokeka kwaku wo mweni-nthengwa, ndipo ŵafungenge penipo.

Luka 15:6

Ndipo wati waza kwake, waŵadaniya pamoza ŵabali ŵake ndi ŵanase, wakuŵanene, ‘Kondwereni pamoza nane, pakuti ndabowozga mberere yangu yakutayika yo.’

Yohane 15:11

Vyenivi ndakukambiyani, alinga kuti chimwemwe changu chiŵe mwinu, ndi kuti chimwemwe chinu chifiskike.

Yohane 16:24

Kweni mpaka sono kuti mwapempha kanthu mu zina langu cha: pemphani ndipo murondenge, mwakuti chimwemwe chinu chiŵe chakuzala.

Yohane 17:13

kweni sono ndituza kwaku imwe; ndipo vyenivi ndirongoro mu charu, kuti ŵaŵe ndi chimwemwe changu chakufiskika mwaku iwo ŵija.

Yohane 3:30

Kutenere iyo kukuwa, kweni ine kusika.”

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

ŴaFilipi 2:2

Fiskani chimwemwe changu, chakuti mughanaghane chimoza, pakuŵa ndi chanju chakulingana, ŵa mtima umoza, ŵakurunguruka chimoza.

1 Yohane 1:4

Ndipo vyenivi tikulembiyani, kuti chimwemwe chidu chifisike.

2 Yohane 1:12

Pakuŵa navyo vinandi kumlembiyani, kuti ndikhumba cha kulemba nanga ndi kalata ndi inke. Kweni ndigomekezga kuza kwinu ndi kurongoro chisku ku chisku, alinga kuti chimwemwe chinu chizare.

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”