Yohane 3:27 - Tonga Bible 1986

²⁷ Wangwamuka Yohane ndi wanguti, “Kuti munthu wangaronde kanthu cha, kwambura kuti kapaskika kwaku iyo kutuwa kuchanya.

Yohane 3:27 ပူးပေါင်းရင်းမြစ်များ

Yeremiya 1:5

“Ndenga ndindakupange mu chibali ndingukuziŵa kale, ndipo wenga undapapike ndingukupatuwa kale; ndingukusankha kuŵa mchimi ku mitundu.”

Yeremiya 17:16

Ndirivi kumukakamizgani kutuma chiheni, chingana nkhuti ndanweke zuŵa lasoka cha, imwe muziŵa; vyo vingutuwa mu milomo yangu, vyenga paurongo pa chisku chinu.

Amosi 7:15

ndipo Ambuya angundidana kutuwa ku uliska wangu wa mskambu, ndi anguti kwaku ine, ‘Ruta, ukachimi ku ŵanthu ŵangu ŵaYisraele!’

Maŵerengedu 17:5

Ndipo ndodo ya munthu yo ndikamusankhanga yikamenga; umu ndimo ndimariskeyenge madinginiku gha ŵaYisraele, gho ŵadinginikiya paku iwe.”

Mateyu 21:25

Ubatizo waku Yohane ungutuliya nunkhu? Kutuwa kuchanya, pamwenga ku ŵanthu?” Kweni iwo ŵangususkana mwaku ŵija, ŵakuti, “Asani tititi, ‘Kutuwa kuchanya’; watineniyenge, kuti, ‘Na chifukwa chine mungureka kuvwana mwake?’

Mateyu 25:15

Ku yumoza wangupaska matalente ghakhonde, ku munyake ghaŵi, ndi ku munyake limoza; kwaku yose kwakulingana ndi nthazi yakuyija. Ndipo wangutuwako.

Marko 13:34

Uli ndimo munthu wakuŵa pa ulendo, wachisiya nyumba yake, ndi wachipaska mtufu ku ŵaŵanda ŵake, ku yumoza ndi yumoza nchitu yake, walanguliya mlindakhomu nayo kuti wakhazge.

Yohane 10:41

Ndipo ŵangumziya ŵanandi; ndipo ŵakambanga, “Yohane wengavi kuchita chisimikizgu: kweni vyose vyo Yohane wangukambiya paku uyu munthu, vyenga vyakuneneska.”

Yohane 6:65

Ndipo watinge, “Chifukwa chenichi ndakuneniyani, kuti waziŵa yumoza kuza kwaku ine cha kwambura kuti kwapaskika kwaku iyo ndi Dada.”

ŴaRoma 1:5

mwaku mweniyo tarondere wezi ndi utumiki waku mvwiyu wa chivwanu mu ŵaMitundu wose, pa chifukwa cha zina lake;

ŴaRoma 12:6

Ndipo pakuŵa navyo vyawezi vyakupambanapambana uli ndi wezi wo wakupaskika kwaku ifwe, pamwenga utaula, titaule kwakulingana ndi mweso wa chivwanu;

1 ŴaKorinte 1:1

Kalata wakutuwa kwaku Paulo, wakudanikiya kuŵa wakutumika waku Yesu Kristu mu khumbu laku Chiuta, ndi Sosthene mbali widu,

1 ŴaKorinte 12:11

Kweni vyose ivi wachita ndi Mzimu mweniyo yumoza pe, wakugaŵiya we yose uli ndimo wakhumbiya.

1 ŴaKorinte 15:10

Kweni ndi wezi waku Chiuta nde ine mo ndiliri: ndipo wezi wake wakwaku ine kuti unguŵa wawaka cha; pakuti ndatakataka kwa nthazi ukongwa kwakuruska iwo wose; ndipuuli ine cha, kweni wezi waku Chiuta wo we nane.

1 ŴaKorinte 3:5

Apolo nkhane? Ndipo Paulo nkhane? Mbateŵeti mwaku ŵeniwo munguvwaniya; uli ndimo Ambuya angupaskiya kwaku yose.

1 ŴaKorinte 4:7

Chifukwa njani yo wawona kupambana kwinu? Ndipo we ndi chine iwe cho ulive kuronde? Kweni asani ukuchita kuronde, utumbwiyanji na nge kuti nchawanangwa cha?

ŴaGalatia 1:1

Kalata wakutuwa kwaku Paulo, wakutumika pamwenga wakumikika ndi munthu cha, kweni ndi Yesu Kristu, ndi Chiuta Dada, mweniyo wangumyuska ku ŵakufwa.

ŴaEfeso 1:1

Kalata wakutuwa kwaku Paulo, wakutumika waku Kristu Yesu mu khumbu laku Chiuta, ku ŵakupaturika wo ŵe mu Efeso, ŵamagomekezgeka mwaku Kristu Yesu.

1 Timote 2:7

waku cho ndingumikikiya ine mumemeza ndi wakutumika, (ndineneska, kuti nditetacha), msambizgi wa ŵaMitundu mu chivwanu ndi uneneska.

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.