Yohane 3:18 - Tonga Bible 1986

¹⁸ Wakuvwana mwaku iyo kuti wateruzgika cha, wakureka kuvwana weruzgika kali, chifukwa walive kuvwana mu zina la Mwana wakuwayija waku Chiuta.

Yohane 3:18 ပူးပေါင်းရင်းမြစ်များ

Marko 16:16

Yo wavwana ndi wabatizika wataskikenga; kweni yo wareka kuvwana wasuskikenge.

Yohane 1:12

Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 20:31

Kweni vyenivi vyalembeka, alinga kuti muvwane kuti Yesu ndiyo Kristu, Mwana waku Chiuta: ndikuti mwaŵakuvwana muŵendi umoyo mu zina lake.

Yohane 3:16

Pakuti Chiuta wangwanja viyo charu, viyo kuti wangupaska Mwana wake wakuwayija, alinga kuti yose wakuvwana mwaku iyo wareke kutayika, kweni waŵe ndi umoyo wamuyaya.

Yohane 3:36

Yo ngwakuvwana mu Mwana we nawo umoyo wamuyaya; kweni yo wareka kuvwana mu Mwana, kuti wamwona umoyo cha, kweni kandundu kaku Chiuta kajaririya paku iyo.

Yohane 5:24

Nadidi, ndikuneneskiyani, yo ngwakuvwa mazu ghangu, ndi ngwakuvwana mwaku yo wangundituma, we nawo umoyo wamuyaya, ndipo kuti watuza ku cheruzgu cha, kweni wajumpha kutuwa ku nyifwa kuya ku umoyo.

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Yohane 6:47

Nadidi ndikuneneskiyani, Wakuvwana we ndi umoyo wamuyaya.

ŴaRoma 5:1

Viyo pakurunjiskika ndi chivwanu, chimangu te nacho kuchiri kwaku Chiuta mu Ambuyafwe Yesu Kristu;

ŴaRoma 8:1

Viyo sono palive chisusa kwaku ŵeniwo mbamwaku Kristu Yesu.

ŴaRoma 8:34

Kristu Yesu ndiyo wangufwa, inya, ndiyo wanguyuskika ku ŵakufwa mweniyo we ku marghe ghaku Chiuta, mweniyo nayo waninizikiya pa chifukwa chidu.

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

ŴaHebere 2:3

tikapozomokanga uli ifwe taŵakujowo utaski weniukuru wo? Weniwo, pakukambika danga ndi Ambuya, ungukhozgeke kwaku ifwe ndi ŵeniwo ŵanguvwa;

ŴaHebere 3:19

Ndipo tiwona kuti ŵanguwuravi nthazi kwachisere chifukwa chakuŵavi chivwanu.

1 Yohane 3:23

Ndipo lenili ndi dangu lake, kuti tivwaniyenge mu zina la Mwana wake Yesu Kristu, ndi kuti tanjane, uli ndimo wangutilanguliya.

1 Yohane 4:9

Mwaku chenichi chingurongoleke kuchiri kwaku ifwe chanju cho chaku Chiuta, mwakuti Chiuta wangutumiya Mwana wake wakuwa viya mu charu, alinga kuti tiŵenge ndi umoyo mwaku iyo.

1 Yohane 5:10

Mweniyo wavwaniya mu Mwana waku Chiuta we nacho chisimisimi mwaku yija: mweniyo wareka kuvwaniya mwaku Chiuta wamchita mtesi; pakuti wareka kuvwaniya mu chisimisimi chenicho Chiuta wamsimikizgiya Mwana wake.

1 Yohane 5:12

Mweniyo we ndi Mwana yo we nawo umoyo; yo walive Mwana waku Chiuta walive umoyo.