Yohane 2:19 - Tonga Bible 1986

¹⁹ Wangwamuka Yesu wanguŵanene, “Bwanganduwani kasopi uyu, ndipo mu mazuŵa ghatatu ndimuyuskenge.”

Yohane 2:19 ပူးပေါင်းရင်းမြစ်များ

Mateyu 12:40

Chifukwa uli ndimo Yona wanguŵiya mumoyu mwa chisomba cho mazuŵa ghatatu ndi mausiku ghatatu; viyo so ndimu Mwana wa munthu waŵiyenge mukati mu charu mazuŵa ghatatu ndi mausiku ghatatu.

Mateyu 16:21

Kwanda pa nyengo yeniyiya Yesu wangwamba kurongo ŵasambizi ŵake kuti kutenere iyo kuruta ku Yerusalemu, ndi kuvwiyapo vinandi ku ŵara ndi ŵazukuru ŵara ndi ŵalembi kubayika, ndipo pa zuŵa lachitatu kuyuskika so.

Mateyu 27:40

ŵakuti, “Wakubwanganduwa kasopi we, ndi wakumuzenga mu mazuŵa ghatatu, jitaske: asani we Mwana waku Chiuta, sika ku mphinjika yo.”

Mateyu 27:63

ŵakuti, “Abwana, takumbuka kuti mrandizgi yo weche wamoyo wanguti, ‘Pavuli pa mazuŵa ghatatu ndiyukenge.’

Marko 14:58

“Ifwe tingumuvwa wachikamba kuti, ‘Ine nkhabwanganduwanga kasopi uyu wakuzengeka ndi manja, ndipo mu mazuŵa ghatatu nkhazenganga munyake wambura kuzengeka ndi manja.’ ”

Marko 15:29

Ndipo ŵakudumuwapo ŵamtukanga, ŵakupuking'a mitu yawo, ŵakuti, “Aha! Wakubwanganduwa kasopi we, ndi wakumuzenga mu mazuŵa ghatatu;

Marko 8:31

Ndipo wangwamba kuŵasambizga, kuti kutenere Mwana wa munthu kuvwiyapo vinandi, ndi kukanika ndi ŵara, ŵazukuru ŵara ndi ŵalembi, ndi kubayika, ndipo pavuli pa mazuŵa ghatatu kuyuka.

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

Yohane 5:19

Yesu wanguŵamuka wanguŵanene, “Nadidi, ndikuneneskiyani, Mwana walive nthazi kuchita kanthu pa khumbo lakuyija, kweni keniko wawona Dada wachita: chifukwa vyenivyo wachita Dada, vyenivyo ndivyo Mwana wachita kwakulingana.

Machitidu gha Ŵakutumika 2:24

Kweni Chiuta wangumuyuska, wati wamasuwa maurwirwi gha nyifwa, chifukwa kuti kwenga kwamachitika cha kuti wagodeke nayo.

Machitidu gha Ŵakutumika 2:32

Yesu mwenuyu Chiuta wanguyuska, waku chenicho tose te ŵakaboni.

Machitidu gha Ŵakutumika 3:15

kweni chirongozgi wa Umoyo mungubaya, mweniyo Chiuta wanguyuska ku ŵakufwa; waku chenicho te ŵakaboni ifwe.

Machitidu gha Ŵakutumika 3:26

Chiuta wati wayuska Muŵanda wake, wangumtuma danga kwaku imwe kukutumbikani, mu kunyongo munthu yose waku imwe ku viheni vinu.”

Machitidu gha Ŵakutumika 6:14

chifukwa tamuvwa wachikamba kuti Yesu waku Nazareti mwenuyu wakabwanganduwanga malo ghano, ndipo wakasanduskanga, marusu ghenigho Mosese wangupereka kwaku ifwe.”

ŴaRoma 4:24

kweni pa chifwa chaku ifwe nafwe, kwaku taŵenifwe kwamkutipimikiya, pakuvwaniya mwaku yo wanguyuska Yesu Ambuyafwe ku ŵakufwa,

ŴaRoma 6:4

Viyo tinguŵikikiya pamoza nayo mu chibatizo mu nyifwa: alinga kuti, uli ndimo Kristu wanguyuskikiyako ku nyifwa ndi unkhankhu wa Awiske, viyo ifwe nafwe tendiyenge mu ufya wa umoyo.

ŴaRoma 8:11

Asani Mzimu waku Chiuta yo wanguyuska Yesu ku nyifwa, waja mwaku imwe, viyo yo wanguyuska Yesu ku nyifwa, wakapaskanga so umoyo ku maliŵavu ghino ghachifweni pakuŵa mu Mzimu mwaku imwe.

1 ŴaKorinte 15:12

Kweni asani Kristu wataulika kuti wakuyuskika ku ŵakufwa, ŵakamba uli ŵanyake mwaku imwe kuti chiyuska cha ŵakufwa palive?

ŴaKolose 2:12

mwati mwaŵikikiya pamoza nayo mu ubatizo, mwenimo so munguyuskikiya pamoza nayo mu chivwanu chamu kachitiru kaku Chiuta, mweniyo wangumuyuska ku ŵakufwa.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;