Yohane 19:34 - Tonga Bible 1986

³⁴ Kweni yumoza wa wankhondu wo wangugwaza mbaghara yake ndi mkondu, ndipo sosonukweni kungutuwa ndopa ndi maji.

Yohane 19:34 ပူးပေါင်းရင်းမြစ်များ

Sumu 51:7

Ndiphotoni ndi hisope, ndipo nditowenge, ndisukeni, ndipo nditowenge kwakuruska nyankhuŵinda.

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Zekariya 13:1

“Mu zuŵa lo chisima chijurikiyenge nyumba yaku Davidi ndi ŵakuja mu Yerusalemu, kuŵatoweska ku ulakwi ndi utimbanizi.

Mateyu 27:62

Ndipo ndi mlenji, weniwo wenga zuŵa la pavuli pa Chirongosole, ŵazukuru ŵara ndi ŵaFarisi ŵanguwunjikana kwaku Pilato,

Yohane 19:33

kweni ŵachiza kwaku Yesu, po ŵanguwona kuti iyo wafwa kali, kuti ŵangufyo marundi ghake cha.

Yohane 20:20

Ndipo wachikamba chenichi, wanguŵarongo manja ghake ndi liŵaghara lake. Viyo ŵangukondwere ŵasambizi wo, ŵachiŵawona Ambuya.

Machitidu gha Ŵakutumika 22:16

Ndipo sono usweriyanji? Soka, ubatizike, ndi usambe vilakwa vyako, wakudaniya pa zina lake.’

1 ŴaKorinte 1:30

Mweniyo ndi funda ya umoyo winu mwaku Kristu Yesu, mweniyo Chiuta wamuchita kuŵa vinjeru vidu, urunji widu, utozi widu ndi uwombozi widu;

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

ŴaEfeso 5:26

alinga kuti walipatuliske, wati walitozge mu chibatizo ndi mazu,

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

ŴaHebere 9:13

Chifukwa asani ndopa za mbuzi ndi nkhuzi, ndi choto cha thokazi vyakumijiya pa ŵakukazuzgika, vipatuliskiya ku chiphoto cha liŵavu:

ŴaHebere 9:22

Ndipo mwa dangu lo viŵiviŵi vyose viphotoleka ndi ndopa, ndipo kwambura kudika ndopa chireke palive.

1 Petro 3:21

maji ghenagha chenga chikozgu, chakurongo ubatizo wo sono umutaskani kusuka lisilu la liŵavu cha, kweni niniziku la njuŵi yamampha kuchiri kwaku Chiuta ndi chiyuka chaku Yesu Kristu,

1 Yohane 5:6

Mwenuyu ndiyo wanguziya mu maji ndi ndopa, Yesu Kristu; mu maji gho pe cha, kweni mu maji gho ndi mu ndopa zo.

1 Yohane 5:8

Pakuti mbatatu ŵeniwo ŵasimikizga, Mzimu yo, ndi maji gho, ndi ndopa zo; ndipo ŵatatu yaŵa mba kumoza.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Chivumbuzi 7:14

Ndingunena nayo, “Fumu, muziŵa ndimwe.” Ndipo wangunena nane, “Yaŵa mbeniwo ŵatuwa mu suzgu yikuru yo, ndipo ŵasuka makhanju ghawo ndi ŵaghatuŵiska mu ndopa za Mwana-mberere yo.