Yohane 18:20 - Tonga Bible 1986

²⁰ Yesu wangumwamuka, “Ine ndakambiya pakwero ku charu; nyengo zose ndasambizga mu masinagoge, ndi mu kasopi, mwenimo ŵatongana ŵaYuda wose, ndipo kuti ndakamba kanthu mu ubende cha.

Yohane 18:20 ပူးပေါင်းရင်းမြစ်များ

Sumu 22:22

Ndikonkhomenge vya zina linu ku ŵabali ŵangu; mukati mu ungano ndikurumbeninge:

Sumu 40:9

Ndataulamakani gha likondwa gha utaski mu ungano ukuru; ehe, kuti ndikonge milomo yangu cha, Ambuya, imwe muziŵa.

Yesaya 45:19

Kuti ndingukamba mu ubendi cha, mu charu cha mdima; ndengavi kukamba ku mphapu yaku Yakobe, ‘Ndipenjeni mu soka linu.’ Ine Ambuya ndikamba uneneska, nditaula chenicho ncha kurunjika.

Yesaya 48:16

Ndereni kwangu kufupi, avwani ichi; kwamba pa mtendeko ndilivi kukamba ku ubende, kwamba pa nyengo yo chingwamba kuŵako ndenga penipa.” Ndipo sono Ambuya Chiuta wandituma ine ndi Mzimu wake.

Mateyu 24:26

Viyo asani ŵangakuneniyani, ‘Onani, wemu bozwa’; mungatuliyangako cha: ‘Onani, we muvipinda vyamukati’; mungavwananga cha.

Mateyu 26:55

Mu ora liya wanguti Yesu ku mizinda yo, “Kumbi mwatuliya nge mpha munkhungu ndi malipanga ndi zindodo kuzachindiko? Zuŵa ndi zuŵa mu kasopi ndajanga pasi wakusambizga, ndipo kuti mungundiko cha.

Mateyu 26:65

Sono mzukuru mura wanguparuwa minjirira yake, wakuti, “Watokota: na, tikavukiyanji so ŵakaboni ŵanyake? Awonani, mwavwa kutokota kwake?

Mateyu 4:23

Ndipo Yesu wazunguliyanga Galile yose, wakusambizga mu masinagoge ghawo, ndi wakumemeza evangeli wa ufumu wo, wakuchizga nthenda yose ndi unthomboru wose mukati mu ŵanthu.

Mateyu 9:35

Ndipo Yesu wazunguliyanga misumba yose ndi mizi, kusambizga mu masinagoge ghawo wakumemeza evangeli wa ufumu wo, ndi wakuchizga nthenda yose ndi urwali wose.

Marko 8:32

Ndipo warongoronga ivi pakweru. Sono Petro wangumto ndi wangwamba kumususka.

Luka 21:37

Ndipo mu mazuŵa gho waŵanga mu kasopi wakusambizga; ndipo usiku ndi usiku watuliyanga ndi kutandara mu phiri lakutamulika Olivete.

Luka 4:15

Ndipo mweneko wasambizganga mu masinagoge ghawo, wakukankhuskika ndi wose.

Yohane 18:21

Chifukwa chine ufumba ine? Fumbanga wo ŵavwa cho ndinguŵakambiya: ŵaziŵa iwo vyo ndingukamba.”

Yohane 6:59

Vyenivi wangukamba mu sinagoge, wachisambizga mu Kapernaumu.

Yohane 7:14

Kweni pakati pa dghera lo Yesu wangukwere mu kasopi ndipo wasambizganga.

Yohane 7:26

Onani, warongoro pakweru, ndipo kuti ŵakamba kanthu cha. Kumbi ŵara ŵaziŵadi kuti mwenuyu ndi Kristu?

Yohane 7:28

Viyo Yesu, wachisambizga mu kasopi wangukambura, “Ine mutindiziŵa, ndipo muziŵa ko ndatuwa; kuti ndaza mukhumbo laku ine ndamweni cha, wakundituma ngwakuneneska, mweniyo imwe kumziŵa.

Yohane 7:4

Pakuti palive yumoza wachita kanthu ku ubende, asani wapenja kuziŵikwa pakweru. Asani uchita ivi, ujirongo ku charu.”

Yohane 8:2

Ndi mlenjilenji wanguza so mu kasopi, ndipo khamu lose linguwungana kwaku iyo; ndipo wati waja pasi, waŵasambizganga.

Yohane 8:26

Nde navyo vinandi kurongoro ndi kweruzga paku imwe; kweni Wakundituma yo ngwakuneneska; ndipo ine ndirongoro ku charu vyo ndavwa kwaku iyo.”

Machitidu gha Ŵakutumika 26:26

Chifukwa wativiziŵa vyenivi karonga, kwaku mweniyo ndikamba ine kwawanangwa; chifukwa ndichichizgika kuti palive kanthu kakuvyenivi kabisika kwake; chifukwa chenichi chengavi kuchitika mu chingodya.