Yohane 17:25 - Tonga Bible 1986

²⁵ Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 17:25 ပူးပေါင်းရင်းမြစ်များ

Yesaya 45:21

Taulani ndi longoni mulando winu; ŵarekeni ŵapangane fundu pamoza! Njani wangukamba ichi kale ukongwa? Njani yo wangutaula gha mwaka? Kuti ndenga ine cha Ambuya? Ndipo palivi Chiuta munyake pade paku ine, Chiuta murunji ndi Mtaski; palivi munyake pade paku ine.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 10:15

Nge ndimo ŵatindiziŵiya Ada, ine nane ndituŵaziŵa iwo; viyo so ndimu ndiziŵiya mberere zangu, ndipo sangu ziziŵa ine; chifukwa ichi ndiŵika pasi umoyo wangu pa chifwa cha mberere zo.

Yohane 15:21

Kweni vyose ivi ŵakakuchitiyaninga pa chifwa cha zina langu, pakuti ŵalive kumuziŵa yo wangundituma.

Yohane 16:27

Chifukwa Ada iwo ŵeneko atukwanjani, atukwanjani pakuti imwe mwandanja ine, ndipo mwavwana kuti ine ndikutuwa ku Ada.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yohane 16:30

Sono tiziŵa kuti muziŵa vyose, ndipo kuti mukavuka cha kuti yumoza wakufumbeni: mwaku chenichi tivwana kuti mungutuliya kwaku Chiuta.”

Yohane 17:11

Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

Yohane 17:18

Mo mungutumiya ine mu charu, ine nane ndaŵatuma iwo mu charu.

Yohane 17:21

kuti wose ŵaŵe ŵamoza uli ndimo imwe, Ada, muliri mwaku ine, ndi ine mwaku imwe, kuti nawo so ŵaŵe mwaku ifwe; alinga kuti charu chivwane kuti imwe mungundituma.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 17:8

Pakuti mazu gho mungupaska ine, ndaŵapaska iwo; ndipo iwo ŵagharonde; ŵaziŵadi kuti mbuneneska kuti ndingutuliya kwaku imwe, ndipo ŵavwana kuti imwe mungundituma.

Yohane 3:17

Chifukwa Chiuta wengavi kumtuma Mwana wake mu charu, kuti weruzge charu; kweni kuti charu chitaskikiye mwaku iyo.

Yohane 6:19

Viyo ŵati ŵavuŵa akhumba mitunda yitatu pamwenga yinayi, ŵanguwona Yesu watenda pa nyanja, waŵandika ku ngaraŵa yo; ndipo ŵangopa.

Yohane 7:29

Ine nditumziŵa, pakuti ndatuwa kwaku iyo, ndipo ndiyo wangundituma.”

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

Machitidu gha Ŵakutumika 17:23

“MwaŵaAthene, ndiwona kuti mwaku vyose mwe ŵakusopa ukongwa, chifukwa ndichisorotapo ndi kuthoŵa vyo musopa ndingusaniya chisoperu nacho, po pangulembeka, ‘Kwaku Chiuta Wambura Kuziŵikwa.’ Viyo mweniyo musopa mwambura kumziŵa, ine ndikutauliyani iyo.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

ŴaRoma 3:11

palive wakuwamo, palive wakumpenjapenja Chiuta.

ŴaRoma 3:26

kwachirongo urunji wake mu nyengo yamakono; kuti waŵe iyo mweneko murunji, ndi so warunjiska we yose wakuvwana mwaku Yesu.

1 ŴaKorinte 1:21

Chifukwa kwakulingana ndi zeru yaku Chiuta charu cho mu zeru yake chengavi kumziŵa Chiuta, kungukondweska Chiuta mu kupusa kwa chitaula kwachitaskiya ŵakuvwana.

1 ŴaKorinte 15:34

Yukiyani ku urunji, ndi kuti mungalakwa cha; chifukwa ŵanyake mbajira mu kumuziŵa Chiuta; ndikamba namwe ichi alinga kuti mulengeke lilengu.

2 ŴaKorinte 4:4

Mwaku ŵeniwo Chiuta wa mgonezi uno waburumutizga vinjeru vya ŵambura chivwanu, viyo kuti ungaŵaŵaliya cha ukweru wo wa evangeli wa unkhankhu waku Kristu, yo nchikozgu chaku Chiuta.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

ŴaHebere 8:11

ndipo kuti ŵarunguchizganenge chamunthu yose ndi mwanase wake, ndi munthu yose ku mbali wake, kuti, ‘Ziŵanga Ambuya.’ Pakuti wose ŵakandiziŵanga ine, kutuwa ku mumana mpaka ku mura waku wo.

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Chivumbuzi 16:5

Ndipo ndingumuvwa mungelo wa maji gho, wakuti, “Ŵarunji Ndimwe, Mwaŵakuŵapo, ndi mwenga, mwaŵakupaturika, mwe, pakuti mweruzga viyo!