Yohane 17:21 - Tonga Bible 1986

²¹ kuti wose ŵaŵe ŵamoza uli ndimo imwe, Ada, muliri mwaku ine, ndi ine mwaku imwe, kuti nawo so ŵaŵe mwaku ifwe; alinga kuti charu chivwane kuti imwe mungundituma.

Yohane 17:21 ပူးပေါင်းရင်းမြစ်များ

Yeremiya 32:39

Ndiŵapaskenge mtima umoza ndi nthowa yimoza, mwakuti ŵandopenge ine muyaya, chifukwa cha umampha waku iwo ŵeneko ndi umampha wa ŵana ŵawo ŵa pavuli pawo.

Zefaniya 3:9

“Pa nyengo yo nding'anamuwenge karongororedu ka ŵanthu kuŵa kamampha, mwakuti wose ŵadanenge pa zina la Ambuya ndi kumuteŵete iyo ndi mtima umoza.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.

Marko 3:24

Asani ufumu ungagaukana mwaku wija, kuti ngwanthazi ku ufumu wo cha.

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yohane 10:30

Ine ndi Ada te ŵamoza.”

Yohane 10:38

Kweni asani ndizu ndichita, chingana mureke kuvwaniya mwangu, vwaniyani mu nchitu so; alinga kuti muziŵe ndi kufikapo mtima kuti Dada we mwaku ine, ndi ine mu Dada.”

Yohane 11:42

Ine ndaziŵanga kuti nyengo zose mutindivwa: kweni pa chifwa cha mzinda wo wama pano ndikamba, alinga kuti ŵavwane kuti imwe mukundituma.”

Yohane 13:32

ndipo asani Chiuta wakankhuskika mwaku iyo wamkankhuskiyenge mwaku iyo yija.

Yohane 13:35

Mwaku ichi ŵanthu wose ŵaziŵenge kuti mwe ŵasambizi ŵangu, asani mwe ndi chanju yumoza ku munyake.”

Yohane 17:11

Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

Yohane 17:18

Mo mungutumiya ine mu charu, ine nane ndaŵatuma iwo mu charu.

Yohane 17:20

“Ndipo kuti ndirombe iwo pe cha, kweni ŵeniwo so ŵavwaniya mwangu chifukwa cha mazu ghawo;

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 17:8

Pakuti mazu gho mungupaska ine, ndaŵapaska iwo; ndipo iwo ŵagharonde; ŵaziŵadi kuti mbuneneska kuti ndingutuliya kwaku imwe, ndipo ŵavwana kuti imwe mungundituma.

Yohane 3:17

Chifukwa Chiuta wengavi kumtuma Mwana wake mu charu, kuti weruzge charu; kweni kuti charu chitaskikiye mwaku iyo.

Yohane 5:23

alinga kuti wose ŵamtumbike Mwana, uli ndimo watumbikiya Dada. Yo wareka kutumbika Mwana, kuti watumbika Dada wakumtuma cha.

Machitidu gha Ŵakutumika 2:46

Ndipo zuŵa ndi zuŵa, pakujaririya kwachitatata ndi mtima umoza mu kasopi ŵakumenya chiŵande, ŵarghanga, chaukurgha mu chimwemwe ndi chiyanamtima,

Machitidu gha Ŵakutumika 4:32

Ndipo wenga umoza mtima ndi mzimu wa urapasi waku wo ŵanguvwana, ndipo pengavi so yumoza yo wakambanga kuti kanthu kaku vyo wenga navyo, kenga kaku yija; kweni vyawo vyose vyenga vyamasanga.

ŴaRoma 12:5

Viyo nanga teŵanandi te liŵavu limoza mwaku Kristu, kweni tose teviŵaru chimoza cha chinyake.

1 ŴaKorinte 1:10

Kweni ndikuŵeyereni, mwa ŵabali, mu zina la Ambuyafwe Yesu Kristu, kuti mose mukambe chakuyanayana, ndi kuti mwinu muŵevi magaukanu; kweni kuti muŵe ŵakumangana pamoza mu chinjeru chakuyana ndi mu cheruzgu chakuyana.

1 ŴaKorinte 12:12

Chifukwa uli ndimo liŵavu ndimoza, ndipo le navyo viŵaru vinandi, kweni vyose viŵaru vyo vya liŵavu, nanga vinandi, vye liŵavu limoza; viyo so ndi Kristu nayo.

1 ŴaKorinte 6:17

Kweni yo ngwakurungikana ndi Mbuya watuŵa ndi mzimu umoza ndi iyo.

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

1 Yohane 1:3

chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

1 Yohane 5:7

Ndipo Mzimu yo ndiyo wasimikizga, pakuti Mzimu yo ndiyo Uneneska wo.