Yohane 17:17 - Tonga Bible 1986

¹⁷ Wapatuliyeni mu uneneska wo: mazu ghinu mbuneneska.

Yohane 17:17 ပူးပေါင်းရင်းမြစ်များ

2 Samuele 7:28

Viyo sono, O, Ambuya Chiuta, imwe ndimwe Chiuta, mazu ghinu mbuneneska, mwapangana phanganu lamampha ili kwaku ndamteŵeti winu,

Sumu 119:104

Mu marangu ghinu nditanduwamo zeru, chifukwa cho nditinkha nthowa zose ziheni.

Sumu 119:11

Mazu ghinu ndasunga mu mtima wangu, alinga kuti ndireke kumunangiyani imwe.

Sumu 119:144

Virungu chizgu vinu vyakurunjika muyaya; ndipaskeni kuwamo, mwakuti ndiŵe ndi umoyo.

Sumu 119:160

Chisinkhu cha mazu ghinu mbuneneska, ndipo vyeruzgu vinu vyose virunji vya muyaya.

Sumu 119:9

Muhurwa wangatozga uli nthowa yake? Pakuvwiya visimisimivinu.

Sumu 12:6

Mapanganu ghaku Chiuta ndi mapanganu ghakutowa, siliva wakwengeka mu ng'anjo pa charu, kwengeka kankhonde ndi kaŵi.

Luka 8:11

“Kweni ntharika yo ndi iyi: Mbeu ndi mazu ghaku Chiuta.

Luka 8:15

Ndipo yo yamu charu cheneko mbeniwo wose pakuvwa mazu, ŵatighakoreska mu mtima uneneska ndi wamampha, ndi ŵapasa vipasi ndi chisisi.

Yohane 15:3

Imwe mwe ŵakutengulika kali chifukwa cha mazu gho ndarongoro namwe.

Yohane 17:19

Pa chifwa chaku wo ndijipatuliya, alinga kuti nawo so ŵaŵe ŵakupatulikiya mu uneneska.

Yohane 8:32

ndipo muziŵenge uneneska, ndipo uneneska wo usanduskenge imwe ŵanangwa.”

Yohane 8:40

Kweni sono mulembe kundibaya, ndamunthu ndamwenini ndarongoro namwe uneneska, wo ndinguvwa kwaku Chiuta: ndipo Abrahamu wengavi kuchichita ichi.

Machitidu gha Ŵakutumika 15:9

ndipo kuti wangupambaniska kanthu cha pakati paku ifwe ndi iwo, mu kutozga mitima yawo ndichivwanu.

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

ŴaEfeso 4:21

asani mwamuvwa, ndipo mwaku iyo mwasambizgika, mo uliri uneneska mwaku Yesu;

ŴaEfeso 5:26

alinga kuti walipatuliske, wati walitozge mu chibatizo ndi mazu,

2 ŴaTesalonika 2:13

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

Yakobe 1:21

Chifukwa chenichi pakuzuwa ukazuzi wose ndi uheni wakuwanda, rondani mu upovu mazu ghaku pandika, gho nganthazi kutaska mizimu yinu.