Yohane 17:14 - Tonga Bible 1986

¹⁴ Ine ndaŵapaska mazu ghinu; ndipo charu cho chaŵatinkha, pakuti kuti mba charu cha, nge ndimo ine ndiriri wa charu cha.

Yohane 17:14 ပူးပေါင်းရင်းမြစ်များ

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

Nthanthi 29:27

Munthu wambura kuchita urunji mbukazuzi ku murunji, kweni mweniyo nthowa yake njakunyoroka mbukazuzi ku wamphulupulu.

Zekariya 11:8

Mu mwezi umoza ndingutuzgako ŵaliska ŵatatu. Kweni ndingukaripa nawo, iwo nawo ŵangunditinkha.

Marko 10:39

Ndipo iwo ŵangumnene, “Te ŵanthazi.” Yesu wanguti kwaku wo, “Nkhombo yo nditumwa ine, mumwenge; ndipo ndi chibatizo chenicho ine ndibatizikiya, mubatizikenge.

Yohane 17:16

Kuti mba charu cha, uli ndimo ine kuti ndiriri wa charu cha.

Yohane 17:8

Pakuti mazu gho mungupaska ine, ndaŵapaska iwo; ndipo iwo ŵagharonde; ŵaziŵadi kuti mbuneneska kuti ndingutuliya kwaku imwe, ndipo ŵavwana kuti imwe mungundituma.

Yohane 7:7

Kuti charu chingatinkha imwe cha; kweni chitinkha ine, pakuti ine ndisimikizgiya paku cho, kuti ziheni nchitu zake.

Yohane 8:23

Yesu wanguŵanene, “Imwe mwe ŵakutuwa pasi, ine ndi wakutuwa kuchanya; imwe mwe ŵa charu chino; ine kuti nde wa charu chino cha.

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

1 Yohane 3:13

Mwa ŵabali, mungazizwanga asani charu chikutinkhani.