Yohane 17:11 - Tonga Bible 1986

¹¹ Ndipo sono kuti nde mu charu cha, kweni iwo ŵemu charu, ine ndituza kwaku imwe, Ada Wakupaturika, wasungiyeni mu zina linu wo imwe mwandipaska, alinga kuti ŵaŵe ŵamoza, nge ndifwe

Yohane 17:11 ပူးပေါင်းရင်းမြစ်များ

Sumu 79:9

Tovyeni, A Chiuta, mtaski widu, chifukwa cha unkhankhu wa zina linu.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Yesaya 27:3

Ine Ambuya nde msungi waku wo, nyengo ndi nyengo ndituyidiliya maji kopa kuti vinu ungamira. Usiku ndi msana nditiusunga.

Yesaya 64:2

uli ndi moto utocha tumphanda pamwenga mo moto uŵiriskiya maji kuchitiska zina linu kuti liziŵikwe ku ŵakupindikana ŵinu, ndi kuti mitundu yinjenjeme pa uŵapo winu!

Yeremiya 14:21

Rekani kutitaya, chifukwa cha zina linu; rekani kuyuyuwa chitengo chinu cha unkhankhu; kumbukani phanganu linu ndi ifwe, rekani kuliswa.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Ezekiele 20:22

Kweni ndingukanizga janja langu, ndipo ndinguchita chifukwa cha zina langu, alinga kuti lireke kufipiskika mu maso gha ŵamitundu, mu maso ghaku ŵeniwo ndinguŵatuzga iwo.

Ezekiele 20:44

Ndipo mukaziŵanga kuti ine ndine Ambuya, po ndikakuchitiyanga pa chifukwa cha zina langu, kuti kwakuyana ndi nthowa zinu ziheni cha, pamwengakwakuyana ndi nchitu zinu zakuvunda cha. Owe nyumba yaku Yisraele, atiti Ambuya Chiuta.”

Ezekiele 20:9

Kweni pa chifukwa cha zina langu, ndingureka alinga kuti lireke kufipiskika mu maso gha mitundu yo iwo ŵaja mukati mwawo, mu maso ghaku ŵeniwo ndingujiwoneska pakuŵatuzga iwo mu charu cha Egipiti.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Mateyu 5:48

Viyo muŵenge ŵarunji imwe, nge ndimo Auskemwe ŵakuchanya ŵaliri ŵarunji.

Mateyu 6:9

Imwe rombani viyo: Auskefwe mwa ŵakuchanya, lipaturike zina linu.

Yohane 13:1

Lenga lindaze dghera la Phaska, wanguziŵa Yesu kuti laza ora lake lakutuwa mu charu chino, kuruta ku Dada; po wanguti waŵanja ŵapa mtima wake ŵamu charu, wanguŵanjiya limu mpaka ku umari.

Yohane 13:3

Yesu, wanguziŵa kuti Dada wapaska vyose mu manja mwake. Wanguziŵa kuti watuwa kwaku Chiuta, ndi kwaku Chiuta warutenge.

Yohane 14:20

Mu zuŵa liya muziŵenge imwe kuti ine ndemu Dada, ndi imwe mwaku ine, ndi ine mwaku imwe.

Yohane 16:28

Ndikutuwa ku Ada, ndipo ndaza mu charu: ndipo so ndireka charu ichi ndiruta ku Ada.”

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 17:6

“Zina linu ndalivumbuwa ku ŵanthu wo mwandipaska; ndipo ŵasunga mazu ghinu.

Yohane 7:33

Yesu wanguti, “Nyengo yimanavi ndeche namwe pamoza, ndipo ndiruta kwaku yo Wakundituma.

Machitidu gha Ŵakutumika 3:21

ndiyo Yesu: mweniyo kutenere kuchanya kumronde mpaka nyengo za chiwerezga chaku vyose, vyenivyo Chiuta wangurongorole ndi mlomo wo ŵamchimi ŵake wose wakupaturika kutuwa ku mwaka.

ŴaRoma 12:5

Viyo nanga teŵanandi te liŵavu limoza mwaku Kristu, kweni tose teviŵaru chimoza cha chinyake.

ŴaRoma 9:17

Chifukwa lembo lo lititi kwaku Farao, “Kwaku chenichi ndicho ndingukuyuskiya, chakuti ndirongolenge mwako nthazi yangu, ndipo chakuti zina langu liwandiyenge mu charu chose chapasi.”

1 ŴaKorinte 1:10

Kweni ndikuŵeyereni, mwa ŵabali, mu zina la Ambuyafwe Yesu Kristu, kuti mose mukambe chakuyanayana, ndi kuti mwinu muŵevi magaukanu; kweni kuti muŵe ŵakumangana pamoza mu chinjeru chakuyana ndi mu cheruzgu chakuyana.

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

ŴaEfeso 4:4

Kwe liŵavu limoza ndi Mzimu yumoza, uli ndimo so mungudanikiya mu chigomekezgu chimoza cha mdanu winu;

ŴaFilipi 2:9

Chifukwa chenicho so Chiuta wamtumphuskiya pachanya limu, ndipo wampaska kwawanangwa zina lapachanya pa zina le lose;

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaHebere 9:24

Chifukwa Kristu walive kusere mu malo ghakupaturika ghakwatika ndi ŵanthu, cho nchikozgu cha malo gheneko. Kweni wanguruta kuchanya iko, kweniko sono wawoneka paurongo paku Chiuta pa chifwa chidu:

Yakobe 4:4

Mwaŵareŵi, asi muziŵa kuti kukondana ndi charu mbumawongu paku Chiuta? Viyo mweniyo yose wakhumba kuŵa wachikondana ndi charu wajisanduska wamawongu waku Chiuta.

1 Petro 1:5

mwaŵakusungika ndi nthazi yaku Chiuta mu chivwanu ku utaski wakurongosoleke kuvumbulikiya mu nyengo yaumari.

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

1 Yohane 5:19

Tiziŵa kuti te ŵakwaku Chiuta, ndipo charu chose chira mu nthazi ya mbeni yo.

Yuda 1:1

Kalata wakutuwa kwaku Yuda mteŵeti waku Yesu Kristu, ndi mhurwa waku Yakobe, ku ŵakudanika wo ŵakwanjiwa mwaku Chiuta Dada, ndi ŵakusungikiya mwaku Yesu Kristu:

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Chivumbuzi 19:12

Maso ghake ghenga uli ndi mlipu wa moto, ndi pa mutu pake penga vifuku vinandi; we ndi zina lakulembeka, lenilo palive yumoza waziŵa kweni mwenecho yija.

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”