Yohane 16:20 - Tonga Bible 1986

²⁰ Nadidi ndikuneneskiyani, muliyenge ndi mutenjenge imwe, kweni charu chikondwenge: muchitenge chisungu imwe, kweni chisungu chinu, chisandukenge chimwemwe.

Yohane 16:20 ပူးပေါင်းရင်းမြစ်များ

Jobu 20:5

Kuti kujitukumuwa kwa munthu muheni nkhufupi mu charu, ndi likondwa la munthu wambura kuziŵa Chiuta nda kanyengo kafupivi?

Sumu 30:11

Imwe mwang'anamuwa kutenje kwangu kwaŵa kuvina; mwafwatuwa chigudulu changu ndipo mwandivwarika ndi likondwa;

Sumu 30:5

Pakuti ukari wawo ngwa kanyengo kamanavi, kweni chifundu chawo nchaku umoyo wose. Kuliya kungaŵapo usiku wose, kweni ku mlenji kuŵenge chimwemwe.

Sumu 97:11

Ukweru uŵaliya pa ŵakurunjika, chimwemwe che pa ŵakutowa mu mtima.

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Yesaya 66:5

Vwani mazu gha Ambuya, imwe mutenthema pa mazu ghawo: “Ŵabali ŵinu wo ŵatikutinkhani ndipo ŵatikudikiskani chifukwa cha zina langu ŵakuti, ‘Ambuya akankhuskike, kuti tiwone chimwemwe chinu,’ kweni ndiwo wo ŵakalengeskekanga.

Yeremiya 31:25

Pakuti ndikagutiskanga mzimu wakuvuka, ndi mtima wose wakuvuka ndikawukhorweskanga.”

Mateyu 21:38

Kweni ŵalimi wo, ŵachiwona mwana yo, ŵangukambirana mwaku ŵija, ‘Mwenuyu ngwakuhara; tiyeni tibaye, ndipo tito chihara chake.’

Mateyu 5:4

“Mbakutumbikika ŵakutenje, pakuti iwo ŵasanguruskikenge.

Marko 14:72

Ndipo soso nukweni tambala wangukokoŵereka kachiŵi. Sono Petro wangukumbuka nenedu lo, mo wangumnene Yesu, “Wandakokoŵereke kaŵi tambala, undikanenge katatu.” Ndipo wangusweka mtima, wanguliya masozi.

Marko 16:10

Wanguruta iyo ndipo wangwachitauliya wo ŵenga pamoza nayo, wachitenje ndi kuliya.

Luka 22:45

Ndipo wati wasokako ku rombo lo, wanguza ku ŵasambizi ndi wanguŵasaniya ŵakura tulo kwachisungu,

Luka 22:62

Ndipo wangutuliya kubwaro, wanguliya kwakuŵaŵa.

Luka 23:27

Ndipo kungumrondo mpingu ukuru wa khamu lo, ndi wa ŵanthukazi, ŵeniwo ŵamliriyanga ndi ŵamtenjerenga.

Luka 24:17

Ndipo wanguti kwaku wo, “Ngane mazu yagha, ghenigho mukambirana muchenda?” Ndipo ŵanguma ŵaka jo, ŵakuzimbwa.

Luka 24:21

Kweni ifwe tagomekezganga kuti ndiyo wakawombonga Yisraele, nadi, ndipo pachanya paku vyose le ndi zuŵa lachitatu kwanda penipo vinguŵiyapo vyenivi.

Luka 6:21

“Mwe ŵamwaŵi mwaŵanja sono; pakuti mugutiskikenge. “Mwe ŵamwaŵi ŵakuliya sono; pakuti musekenge.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Yohane 16:6

Kweni sono pakuti ndakukambiyani vyenivi, chisungu chazaza mtima winu.

Yohane 20:20

Ndipo wachikamba chenichi, wanguŵarongo manja ghake ndi liŵaghara lake. Viyo ŵangukondwere ŵasambizi wo, ŵachiŵawona Ambuya.

Machitidu gha Ŵakutumika 5:41

Viyo iwo ŵangutuwa ku upu wo, ŵakukondwere pakuti ŵangupima kuti ŵenga ŵakwenere kukomwa ndi kurengeskeka chifukwa cha zina lo.

ŴaRoma 5:11

Viyo pe cha, kweni so titumbwiya mwaku Chiuta mu Ambuyafwe Yesu Kristu, mwaku mweniyo tarondere sono muwoju wo.

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

1 ŴaTesalonika 1:6

Ndipo imwe munguŵa wakwezga ifwe ndi Ambuya, munguti mwaronde mazu mu suzgu yikuru, pamoza ndi chimwemwe cha Mzimu Wakupaturika;

Yakobe 1:2

Mwa ŵabali ŵangu, muchipime chimwemwe pe, penipo pose muŵiyamo mu mesedu ghamtundumtundu,

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

Chivumbuzi 11:10

Ndipo wo ŵaja pa charu ŵakakondwerenga pa nyifwa yaku wo ŵaŵi, ndi kusekere, ndipo ŵamtumirana vyawezi; chifukwa ŵamchimi wo ŵaŵi ŵanguyungwiska ŵakuja pa charu.

Chivumbuzi 18:7

Mupaskeni suzgu ndi chitenje: uli ndimo wangujivwarikiya dama ndi lifwenkhafwenkha: pakuti mu mtima watiti, ‘Ndija fumukazi ine, kuti ndine choko cha, ndipo kuti nkhawonanga chitenje cha.’