Yohane 16:14 - Tonga Bible 1986

¹⁴ Iyo wazamkankhuska ine: pakuti watongeko vyangu, ndipo wamkuvivumbiliya kwaku imwe.

Yohane 16:14 ပူးပေါင်းရင်းမြစ်များ

Zekariya 12:10

“Ndipo ndipunguliyenge pa nyumba yaku Davidi ndi pa ŵakuja mu Yerusalemu mzimu wangu wachisungu-sungu ndi wakuŵeyere, viyo kuti asani ŵalereska paku yo ŵangumugwaza, ŵamuliriyenge, nge ndimo munthu waliriya kananda wake, ndipo wamuliriya ukongwa, nge ndi munthu yo waliriya mwana wake wakudanga.

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Yohane 15:26

Kweni penipo Nkhoswi yo yitakuti yaza, yeniyo ine nkhatumanga kwaku imwe kutuwa ku Dada, Mzimu yo wa uneneska, yo watuwa ku Dada, iyo wamsimikizga vyapaku ine;

Yohane 7:39

Kweni wanenanga yagha pa Mzimu, mweniyo wakuvwaniya mwake watinge warondiyenge, chifukwa mzimu wenga wandapaskike; pakuti Yesu ndiyo wenga wandayukiye ku unkhankhu.

1 ŴaKorinte 12:3

Chakumziŵiskani nchakuti palive yumoza, wakukambiya mu Mzimu waku Chiuta, yo watiti, “Yesu ngwakutembeka”; ndipo palive yumoza waziŵa kukamba kuti, “Yesu ndi Mbuya,” kweni mu Mzimu Wakupaturika.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

ŴaGalatia 5:5

Chifukwa ifwe mu Mzimu tilindizgiya mu chivwanu chigomekezgu cha urunji.

1 Petro 2:7

Viyo kwaku imwe mwaŵakuvwana kwe kuzirwa ko: kweni ku ŵamtafu, “Mwa weniwo ŵakuzenga ŵangupata, weniwo waŵa mutu wa nyondo”;

1 Yohane 3:23

Ndipo lenili ndi dangu lake, kuti tivwaniyenge mu zina la Mwana wake Yesu Kristu, ndi kuti tanjane, uli ndimo wangutilanguliya.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.

1 Yohane 5:6

Mwenuyu ndiyo wanguziya mu maji ndi ndopa, Yesu Kristu; mu maji gho pe cha, kweni mu maji gho ndi mu ndopa zo.

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.