Yohane 15:5 - Tonga Bible 1986

⁵ Ine ndine mphereska yo, imwe mwe mphanda zo; wakujaririya mwaku ine, ndi ine mwaku iyo, mweniyo ndiyo wapasa vinandi: chifukwa kwambura ine kuti muziŵa kuchita kanthu cha.

Yohane 15:5 ပူးပေါင်းရင်းမြစ်များ

Nthanthi 11:30

Chipasi cha ŵakurunjika ndi muti wa umoyo, kweni uchikanamaranga utuzgapo maumoyo.

Hoseya 4:8

Waturgha kwananga kwa ŵanthu ŵangu; ŵaŵika mtima pa kulakwa kwawo.

Mateyu 13:21

kweni walive nkhorozu mwaku yija, wakunthiyapo kwa kanyengo; ndipo pakuŵapo suzgu pamwenga fingu pachifwa cha mazu, ruŵi waguŵiskika.

Yohane 12:24

Nadidi ndikuneneskiyani, kwambura kuti nje ya trigu yawa mu charu ndi kufwa, yijaririya yija pe, kweni asani yingafwa, yipasa vipasi vinandi.

Yohane 15:16

Kuti ndimwe mungusankha ine cha, kweni ndine ndingusankha imwe, ndipo ndingukumikani, kuti mukapase vipasi, ndi kuti vipasi vinu vijaririye; alinga kuti chose cho mungapempha Dada mu zina langu, wakupaskeninge.

Yohane 5:19

Yesu wanguŵamuka wanguŵanene, “Nadidi, ndikuneneskiyani, Mwana walive nthazi kuchita kanthu pa khumbo lakuyija, kweni keniko wawona Dada wachita: chifukwa vyenivyo wachita Dada, vyenivyo ndivyo Mwana wachita kwakulingana.

Yohane 9:33

Asani munthu uyu wengavi kutuwa kwaku Chiuta, mphanyi wengavi nthazi kuchita kanthu.”

Machitidu gha Ŵakutumika 4:12

Ndipo kuti mwe utaski mu munyake cha, chifukwa chingana nkhuti kwe zina lamwenga cha pasi pa kuchanya, lakupaskika mu ŵanthu, mwaku lenilo tingataskikiya.”

ŴaRoma 12:5

Viyo nanga teŵanandi te liŵavu limoza mwaku Kristu, kweni tose teviŵaru chimoza cha chinyake.

ŴaRoma 6:22

Kweni sono mwati mwafwatulika ku ulakwi, ndi so mwati mwaŵa ŵaŵanda kwaku Chiuta, mwe nacho chipasi chinu kuya ku kupaturika, ndi umari wa umoyo wamuyaya.

ŴaRoma 7:4

Eviyo, mwa ŵabali ŵangu, namwe so mungufiskikiya ku chilangulu cho mu liŵavulo laku Kristu; alinga kuti muŵirwiskike ku munyake yo wanguyuskika ku ŵakufwa, mwakuti tipasiye Chiuta vipasi.

1 ŴaKorinte 10:16

Chandi cha chitumbiku cho titumbika, asi tisangana mu ndopa zaku Kristu? Chiŵande cho timenya, asi tisangana mu liŵavu laku Kristu?

1 ŴaKorinte 12:12

Chifukwa uli ndimo liŵavu ndimoza, ndipo le navyo viŵaru vinandi, kweni vyose viŵaru vyo vya liŵavu, nanga vinandi, vye liŵavu limoza; viyo so ndi Kristu nayo.

1 ŴaKorinte 12:27

Kweni imwe mwe liŵavu laku Kristu, chiŵaru che chose mu chigaŵa.

2 ŴaKorinte 13:8

Chifukwa kuti tiziŵa cha kuchitiya kanthu pa uneneska, kweni chifukwa cha uneneska.

2 ŴaKorinte 9:10

Ndipo mweniyo wapaska mbeu ku ŵakumija ndi chiŵande nge nchakurgha, wamkuskiyako ndi kwandaniska mbeu yinu yakumija, ndipo wamkuzga vipasi vya urunji winu.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

ŴaEfeso 5:9

(chifukwa chipasi cha kungweruka ko nchamu umampha wose ndi urunji ndi uneneska),

ŴaFilipi 1:11

pakuzazika ndi vipasi vya urunji, vyamwaku Yesu Kristu, ku unkhankhu ndi rumbu laku Chiuta.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

ŴaFilipi 4:17

Kuti nchakuti ndipenjapo mpasku cha; kweni ndipenja chipasi chakuzariya ku mbiri yinu.

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

ŴaKolose 1:6

uli ndimo mu charu chose ngwakupasiya vipasi ndi kukuliya, viyo so ndimo wachitiya mwaku imwe, kutuwa ku zuŵa lo munguvwiya ndi kuziŵiska wezi waku Chiuta mu uneneska,

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

1 Petro 2:4

Muzenge na kwaku mweniyo, mwa wamoyo, wakupatika nadi ndi ŵanthu, kweni kwaku Chiuta wakusankhika, wakuzirwa;

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.