Yohane 15:20 - Tonga Bible 1986

²⁰ Kumbukani, mazu gho ndingukuneniyani, ‘Muŵanda kuti ndi muraku ku mbuyake cha.’ Asani ŵanguŵemba ine, imwe namwe ŵamkukuŵembani, asani ŵangusunga mazu ghangu, ghinu nagho ŵamsunga.

Yohane 15:20 ပူးပေါင်းရင်းမြစ်များ

Ezekiele 3:7

Kweni nyumba yaku Yisraele kuti yikakuvwanga cha; chifukwa kuti ŵakhumba kuvwa ine cha; pakuti nyumba yose yaku Yisraele yendi mutu wakulimba ndi mtima unonono.

Mateyu 10:24

“Kuti msambizi we pachanya pa msambizgi wake cha, chingana ndi mteŵeti pachanya pa mbuyake cha.

Marko 10:39

Ndipo iwo ŵangumnene, “Te ŵanthazi.” Yesu wanguti kwaku wo, “Nkhombo yo nditumwa ine, mumwenge; ndipo ndi chibatizo chenicho ine ndibatizikiya, mubatizikenge.

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Luka 6:40

Kuti msambizi we pachanya pa msambizgi wake cha: kweni wakufiskika yose waŵenge nge ndi msambizgi wake.

Yohane 10:31

ŴaYuda ŵangusoska so mya, kuti ŵampong'e.

Yohane 11:57

Kweni ŵazukuru ŵara ndi ŵaFarisi ŵangulanguliya ŵanthu, kuti, asani yumoza wangaziŵa po wangaŵa ŵatenere kukamba alinga kuti ŵamko.

Yohane 13:16

Nadidi ndikuneneskiyani, Muŵanda kuti ndi mraku ku Mbuyake cha; chingana ndi nthumi kuti njiraku ku wakuyituma cha.

Yohane 5:16

Chifukwa ichi ŵaYuda ŵangumuŵemba Yesu, chifukwa wanguchita ichi pa Sabata.

Yohane 7:32

ŴaFarisi wanguvwa mzinda uchidinginika paku iyo; ndipo ŵazukuru ŵara ndi ŵaFarisi ŵangutuma ŵamirizi mwakuti ŵamko.

Yohane 8:51

Nadidi ndikuneneskiyani, asani yumoza wangasunga mazu ghangu, kuti wamuwona nyifwa cha.”

Yohane 8:52

Ŵangumnene ŵaYuda, “Sono tiziŵiska kuti we ndi demone. Abrahamu wakufwa ŵamchimi ŵakufwa, kweni iwe utiti, ‘Asani yumoza wangasunga mazu ghangu, kuti wamkwesa nyifwa cha muyaya!’

Yohane 8:59

Viyo ŵangusoska mya kuti ŵampong'e: kweni Yesu wangubisama, ndipo wangutuwako ku kasopi.

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

1 ŴaKorinte 4:12

titakataka ndi manja ghaku taŵeni. Po titokoskeka, ifwe titumbika; po tiŵembeka, ifwe tikunthiyapo;

2 ŴaKorinte 4:9

te ŵakuŵembeka, kweni ŵakujowoleka cha, te ŵakutesulika, kweni ŵakujowoleka cha, te ŵakutesulika, kwani ŵakwanangika cha;

1 ŴaTesalonika 2:15

Wo nawo ŵangubaya Ambuya Yesu ndi ŵamchimi, ndipo ŵangutidikiska ifwe, ŵambura kumkondweska Chiuta, ndipo mbakumikirana ndi ŵanthu wose;

2 Timote 3:12

Nadidi, ndipo wose ŵakukhumba kujariya kwauwopa Chiuta mvyaku Kristu Yesu ŵayuzgikenge.

1 Samuele 8:7

Pakwamuka Ambuya anguti, “Vwiya mazu gha ŵanthu mwaku vyose vyo ŵakambenge nawe chifukwa kuti ŵapata iwe cha, kweni ŵapata ine kuti ndiŵe karonga wawo.