Yohane 15:16 - Tonga Bible 1986

¹⁶ Kuti ndimwe mungusankha ine cha, kweni ndine ndingusankha imwe, ndipo ndingukumikani, kuti mukapase vipasi, ndi kuti vipasi vinu vijaririye; alinga kuti chose cho mungapempha Dada mu zina langu, wakupaskeninge.

Yohane 15:16 ပူးပေါင်းရင်းမြစ်များ

Chiyambo 18:18

pakuti Abrahamu wakaŵanga mtundu ukuru ndi wanthazi, ndipo mitundu yose ya pano pasi yikatumbikikiyanga mwaku iyo?

Sumu 145:4

Vyo mwachita vikarumbikanga kutuwa ku mgonezi umoza kuya ku mgonezi unyake; ŵataulenge vya milimu yinu ya nthazi.

Sumu 71:18

Sono po nde khongwe, nyivu zeku mutu, rekani kundijowo, A Chiuta. Muŵenge nane po ndimemeza nthazi zinu ndimazaza ghinu, mpaka ku migonezi yo yituza.

Nthanthi 11:30

Chipasi cha ŵakurunjika ndi muti wa umoyo, kweni uchikanamaranga utuzgapo maumoyo.

Yesaya 27:6

Mu mazuŵa gha ghatuza Yakobe wakajinthanga misisi, Yisraele wakachitanga maluŵa ndi kumezga, ndi kuzaza charu chose ndi vipasi.

Mika 5:7

Viyo wakujako waku Yakobe wakaŵanga mukati mu ŵanthu ŵanandi nge ndi dungwi lakutuwa kwa Ambuya, nge ndi vuwa pa uteka, kuti yiziulikiya munthu cha, pamwenga kulindizga ŵana ŵa ŵanthu.

Mateyu 21:22

Ndipo vyose vyo mungapempha mu kuromba ŵakuvwana murondenge.”

Mateyu 7:7

“Pemphani, ndipo kupaskikenge kwaku imwe; lembeni, ndipo musaniyenge, gong'askani, ndipo kujurikiyenge imwe.

Luka 6:13

Ndipo penipo kungucha, wangudana ŵasambizi ŵake: ndipo wangusankhamu mwaku wo chumi ndi ŵaŵi, ŵeniwo nawo wanguŵatamula ŵakutumika;

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Yohane 15:19

Asani mwenga ŵa charu ichi, mphanyi charu chamwanjani nge mbanthu ŵapa mtima wake: kweni chifukwa kuti mwe ŵa charu cha, ine ndakusankhani mu charu, chifukwa chenichi chikutinkhani charu cho.

Yohane 15:5

Ine ndine mphereska yo, imwe mwe mphanda zo; wakujaririya mwaku ine, ndi ine mwaku iyo, mweniyo ndiyo wapasa vinandi: chifukwa kwambura ine kuti muziŵa kuchita kanthu cha.

Yohane 6:70

Wanguwamuka Yesu, “Asi ine ndakusankhani mwachumi ndi ŵaŵi, ndipo mwaku imwe yumoza ndi diabolo?”

Machitidu gha Ŵakutumika 1:24

Ndipo ŵanguromba, ŵakuti, “Imwe, Ambuya, mwaŵakuziŵa mitima yaku wose,

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Machitidu gha Ŵakutumika 10:41

ku khamu lo lose cha, kweni ku ŵakaboni ŵakusankhikiya limu ndi Chiuta, nadi kwaku ifwe taŵenifwe tingurgha ndi tingumwa pamoza nayo, wanguti wayuka iyo ku ŵakufwa.

Machitidu gha Ŵakutumika 22:14

Ndipo iyo wanguti, ‘Chiuta yo wa auskefwe wakutondo iwe kuziŵa khumbo lake, ndi kuwona Murunji yo, ndi kuvwa liu lakutuwa ku mlomo wake.

Machitidu gha Ŵakutumika 9:15

Kweni Ambuya angumunene, “Rutanga, pakuti mweniyo nchiyaŵi chakusankhikiya ine, kwachipingiya zina langu pa Mitundu yo ndi so ŵakaronga, ndi ŵana ŵaku Yisraele;

ŴaRoma 1:13

Kweni kuti ndikhumba cha mureke kuziŵa, mwa ŵabali, kuti panandi ndingukhumba kuzako kwinu (ndipo mpaka sono ndamikika), alinga kuti ndiŵe nacho chipasi mwaku imwe namwe, uli ndi mu ŵaMitundu ŵanyake.

ŴaRoma 1:5

mwaku mweniyo tarondere wezi ndi utumiki waku mvwiyu wa chivwanu mu ŵaMitundu wose, pa chifukwa cha zina lake;

ŴaRoma 15:4

Pakuti vyo vyose vingulembeke limu, vingulembeke kusambizgika kwidu, alinga kuti mu unkhunthiya ndi mu uchiska wa malembo tiŵe ndi chigomekezgu.

ŴaRoma 9:21

Pamwenga, kumbi muumbi walive mtufu pa dongu, kuchita ndi burunga lenilo pe chiyaŵi chimoza ku rumbu, ndi chiyaŵi chinyake ku myuyu?

1 ŴaKorinte 10:11

Ivi vinguŵaŵiya ŵa nge nchakuteskiyapo; ndipo vingulembeke kutichenjezga ifwe, paku taŵenifwe wafikiya umari wa migonezi.

ŴaGalatia 1:15

Kweni penipo kungumkondweska Chiuta, mweniyo wangundipatuwa kutuwa ku kawi kangu, ndipo wangundidana mu wezi wake,

ŴaEfeso 2:10

Chifukwa te kachitidu kake, taŵakulengeke mwaku Kristu Yesu ku milimu yamampha, yeniyo wangurongosole limu Chiuta, kuti mwaku yo tendengemo.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 1:6

uli ndimo mu charu chose ngwakupasiya vipasi ndi kukuliya, viyo so ndimo wachitiya mwaku imwe, kutuwa ku zuŵa lo munguvwiya ndi kuziŵiska wezi waku Chiuta mu uneneska,

1 Timote 2:7

waku cho ndingumikikiya ine mumemeza ndi wakutumika, (ndineneska, kuti nditetacha), msambizgi wa ŵaMitundu mu chivwanu ndi uneneska.

2 Timote 1:11

kwaku weniwo ndingumikikiya ine mumemeza ndi wakutumika ndi msambizgi.

2 Timote 2:2

Ndipo vyenivyo wavwa kwangu mu ŵakaboni ŵanandi, vyenivyo sambizganga ŵanthu ŵamagomekezgeke, wo ŵaŵenge ŵakwenere kwachisambizga ŵanyake nawo.

Tito 1:5

Chifukwa chenichi ndingureka iwe mu Krete, alinga kuti urulike vyo vyenga vikufiskika, ndipo kuti ujarike ŵara mu msumba wose, uli ndimo ine ndungukulanguliya;

ŴaHebere 11:4

Ndi chivwanu Abelu wangupereka kwaku Chiuta mpasku wamamphako kwakuruska Kaini, mwaku weniwo wangusimikizgikiya kuŵa murunji, Chiuta iyo wachimsimikizgiya pa mipasku yake; mwaku chenicho nacho chingana wakufwa wacharongoro.

Yakobe 3:18

Ndipo chipasi cha urunji chimijikiya mu chimangu kwaku ŵeniwo mbakutata chimangu.

1 Petro 3:15

Kweni patuwani Kristu uli ndi Mbuya mu mitima yinu: pakurongosoleke nyengo zose kumwamuka yose wakumfumbani chifukwa cha chigomezgu chamwinu, kweni ndi upovu ndi wofi;

1 Petro 3:2

ŵachithoŵa kajaridu kinu kakutowa kamu chopu.

1 Yohane 4:10

Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.

1 Yohane 4:19

Ifwe titanja, pakuti iyo danga wangwanja ifwe.