Yohane 15:14 - Tonga Bible 1986

¹⁴ Imwe mwe ŵabwezi ŵangu, asani muchita vyenivyo ine ndikulanguliyani.

Yohane 15:14 ပူးပေါင်းရင်းမြစ်များ

1 ŴaKaronga 4:5

Azariya mwana waku Natani wenga wakutufuliya ŵarongozgi; Zabudu mwana waku Natani wenga mzukuru ndi bwezi la karonga;

2 ŴaKaronga 18:6

Pakuti iyo wangumeremete ukongwa ku Ambuya, wengavi kutuwako kukulondo iwo, kweni wangusunga marangu gho Ambuya angulanguliya Mosese.

2 Mikoka 20:7

Kumbi kuti ndimwe cha Chiuta widu yo wakudikiska ŵeneko ŵacharu ichi paurongo pa ŵanthu ŵino ŵaYisraele, kuchipaska ku mphapu yaku Abrahamu bwezi linu muyaya?

Chituwa 7:6

Ndipo Mosese ndi Aroni ŵanguchitadi viyo; ŵanguchita uli ndimo Ambuya anguŵalanguliya.

Nthanthi 18:24

Ghalipo mabwezi ŵeniwo ŵachitauli ndi mabwezi kweni pe bwezi lo libatikana pafupi kwakuruska mwana munyake.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Yesaya 41:8

Kweni iwe, Yisraele, muŵanda wangu, Yakobe, yo ndatondo, mphapu yaku Abrahamu, bwezi langu;

Yeremiya 32:23

ndipo ŵangusere ndi kuchihara. Kweni kuti ŵanguvwiya mazu ghinu cha chingana nkhwenda mudangu linu, ŵangukana kuchita vyo munguŵalanguliya kuchita. Chifukwa cho imwe mwaŵafikiskiya viheni ivi vyose.

Ezekiele 12:7

Ndipo ndinguchita ulaka ndimo ndingulangulikiya. Ndingutuzga katundu wangu ndi msana, nge ndi katundu wa umkoli, ku mazulo ndingukumba kutoro chimati ndi manja ghangu; ndingutuwa ndi mdima, ndingupinga katundu pa phewa langu, iwo ŵachiwona.

Mateyu 12:50

Chifukwa yose yo wachita khumbo la Ada ŵakuchanya mweniyo ndi mbali wangu, ndi mzichi ndi ama.”

Luka 12:4

“Ndipo ndikuneniyani mwa ŵabali ŵangu, mungopanga cha ŵakubaya liŵavu, ndipo pavuli pake mbakuŵavi kanyake kakuruska kwachichita.

Yohane 13:17

Asani muziŵa vyenivi, mwe ŵamwaŵi asani mutivichita.

Yohane 14:15

“Asani mutindanja, musungenge marangu ghangu.

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Yohane 14:28

Munguvwa mo ndingukuneniyani, ‘Ndiruta, ndipo ndamukuza so kwaku imwe.’ Asani mungundanja, mphanyi mwakondwere, chifukwa ndiruta ku Dada; pakuti Dada ndi muraku kwaku ine.

Yohane 2:5

Anyina ŵangunene ŵateŵete, “Chenicho chose wangamneniyani imwe, chitani.”

Yakobe 2:23

ndipo linguzazika lembo lo lakuti, “Ndipo Abrahamu wanguvwana mwaku Chiuta, ndipo kungumpimikiya nge mburunji,” ndipo wangutamulika bwezi laku Chiuta.

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

Ruti 3:6

Viyo wanguruta ku mbuli, ndi wanguchita uli ndimo mpongozi wake wangumpangizgiya.