Yohane 15:12 - Tonga Bible 1986

¹² “Lenili ndi languli langu, lakuti, mwanjane, nge ndimo ine ndakwanjiyani.

Yohane 15:12 ပူးပေါင်းရင်းမြစ်များ

Malaki 1:2

Ambuya atiti, “Ndamwanjani.” Kweni imwe mutiti, “Mwatanja uli?” Ambuya atiti, “Kuti Esau ndi mbali waku Yakobe cha? Ndipuuli ndanja Yakobe,

Yohane 13:34

dangu lifya ndikupaskani, kuti mwanjane; nge ndimo ine ndakwanjiyani, imwe so mwanjane.

Yohane 15:17

Ichi ndicho nditukulanguliyani, kuti mwanjane.

ŴaRoma 12:10

Mu chanju chaubali mwanjani.

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

1 ŴaTesalonika 3:12

Ambuya akukuzgeni ndi akwandaniskeni mu chanju yumoza ku munyake, ndipo so kwaku wose, uli ndimo ifwe titanjiya imwe;

1 ŴaTesalonika 4:9

Kweni kuti mukavuka cha kuti yumoza walembe kwaku imwe ghapa kwanja-ŵabali: chifukwa mwaŵeni mwasambizgika ndi Chiuta kwanjana;

2 ŴaTesalonika 1:3

Titenere kumwonga Chiuta nyengo zose pa chifukwa chinu, mwa ŵabali; uli ndimo nadi nkhwakwenere, pakuti chikuliyakuliya ukongwa chivwanu chinu, ndipo chanju chaku mose, yumoza ndi yumoza, chifurwiya yumoza ku munyake;

1 Petro 1:22

Mwati mwatozge mauzima ghinu mu muvwiyo wa uneneska ku kwanjaŵabali kwambura fuvyu, mwanjane kwamtima ndi kwakufwiririyapo:

1 Petro 3:8

Ndipo pakumariya, mose muŵe ŵakuyana mumtima, ŵakuvwiyapo pamoza, ŵakwanja ŵabali, ŵa chitima chamampha, ŵa mitima yakujiyuyuwa;

1 Petro 4:8

Pachanya paku vyose muŵe ndi chanju chakufikapo mwaku mwaŵeni, pakuti chanju chivimba muru wa vilakwa.

1 Yohane 3:23

Ndipo lenili ndi dangu lake, kuti tivwaniyenge mu zina la Mwana wake Yesu Kristu, ndi kuti tanjane, uli ndimo wangutilanguliya.

1 Yohane 4:21

Ndipo dangu lenili tenalo kutuliya kwaku iyo, lakuti mweniyo ngwakumwanja Chiuta, wanjenge so mbali wake.

2 Yohane 1:5

Ndipo sono ndipempha imwe, Fumukazi, kuti ndilemba kwinu dangu lifya cha, kweni lo taŵa nalo kutuwa ku mtendeku, kuti tanjane.