Yohane 15:11 - Tonga Bible 1986

¹¹ Vyenivi ndakukambiyani, alinga kuti chimwemwe changu chiŵe mwinu, ndi kuti chimwemwe chinu chifiskike.

Yohane 15:11 ပူးပေါင်းရင်းမြစ်များ

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

Yesaya 62:4

Kuti mukadanikanga so Ŵakujoworeka cha ndipo charu chinu kuti chikadanikanga Mapopa cha; kweni mukadanikanga likondwa Langu le mwake (Hefiziba), ndi charu chinu Wakuŵirwa (Beula); pakuti Ambuya akondwere mwaku imwe, ndipo charu chinu chikaŵirwanga.

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Luka 15:23

ndipo toni tholi lakututuŵa, kabayeni, ndipo tirghe, tikondwenge:

Luka 15:32

Kweni kungwenere kukondwere ndi kumwemwete: pakuti uyu mhurwa wako wenga wakufwa, ndipo wawere mu umoyo; wenga wakutayika, ndipo wabowozgeka.’ ”

Luka 15:5

Ndipo wachiyibowozga, wayiŵika pa maphwewa ghake, wakukondwere.

Luka 15:9

Ndipo wati wayibowozga wadaniya pamoza ŵabali ŵake ndi ŵananse, wakuti, ‘Kondwereni pamoza nane, pakuti ndabowozga ndrama yeniyo ndingutaya.’

Yohane 16:24

Kweni mpaka sono kuti mwapempha kanthu mu zina langu cha: pemphani ndipo murondenge, mwakuti chimwemwe chinu chiŵe chakuzala.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Yohane 17:13

kweni sono ndituza kwaku imwe; ndipo vyenivi ndirongoro mu charu, kuti ŵaŵe ndi chimwemwe changu chakufiskika mwaku iwo ŵija.

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

2 ŴaKorinte 1:24

kuti nchakuti titufuliyenge pa chivwanu chinu cha, kweni titataliye ifwe pamoza namwe chimwemwe chinu; pakuti mu chivwanu chinu mutuma gwa!

ŴaEfeso 5:18

Ndipo mungaloŵenga ndi vinyo cha, mwaku yo mwe utayisi kweni muzazike ndi Mzimu;

ŴaFilipi 1:25

Ndipo pakugomekezga chenichi, ndiziŵa kuti nkhajaririyanga ndi kutandara pamoza ndi mose, ku kakiyakiyidu kinu ndi chimwemwe mu chivwanu;

1 ŴaTesalonika 5:16

Kondwani nyengo zose;

1 Petro 1:8

mweniyo mwaŵambura kumwona mutumwanja; mwaku mweniyo sono mwaŵambura kumlereska, kweni mwaŵakuvwana nayo, mukankhaŵiya ukongwa ndi chimwemwe chambura makambika ndi chakuzara unkhankhu,

1 Yohane 1:4

Ndipo vyenivi tikulembiyani, kuti chimwemwe chidu chifisike.

2 Yohane 1:12

Pakuŵa navyo vinandi kumlembiyani, kuti ndikhumba cha kulemba nanga ndi kalata ndi inke. Kweni ndigomekezga kuza kwinu ndi kurongoro chisku ku chisku, alinga kuti chimwemwe chinu chizare.