Yohane 14:9 - Tonga Bible 1986

⁹ Yesu wamnene, “Nyengo yitali yaviyo ndaŵa pamoza namwe, ndipo kumbi ulive kundiziŵa, Filipu? Yo wawona ine, wawona Ada. Ukamba uli iwe, ‘Tirongoni Dada’?

Yohane 14:9 ပူးပေါင်းရင်းမြစ်များ

Chiyambo 26:9

Viyo Abimeleke wangudana Yisaki, ndi wanguti, “Ehe, ndi muwoli wako; nanga ungukamba uli kuti, ‘Ndi mzichi wangu’?” Yisaki wanguti kwaku iyo, “Chifukwa ndingughanaghana, vinu ndingafwa chifukwa chake.”

Sumu 11:1

Mwaku Chiuta ndidingang'a; undineniyenge uli iwe kuti, “Thaŵiya ku mapiri nge nchiyuni.

Yeremiya 2:23

Kumbi mungakamba uli kuti, ‘Ndakazuzgika cha, kuti ndandondoloska ŵaBala cha.’? Lereskani pa nthowa yinu muchidika, ziŵani cho mwachita, gamila mu mana wa mtafu wakwendayenda kosekose.

Marko 9:19

Ndipo wakuŵamuka wanguti, “A mphapu yambura chivwanu, mpaka zuŵanji nkhajanga namwe? Mpaka zuŵanji nkhakunthiyangapo namwe? Mtoleni kwaku ine.”

Luka 12:56

Mwaŵakufuvya, chisku cha charu ndi cha kuchanya muziŵa kurozga; kweni mureka uli kuziŵa kurozga nyengo yeniyi?

Yohane 1:14

Ndipo Mazu yo wanguŵa munthu, ndipo wajanga mwaku ifwe wakuzala wezi ndi uneneska; ndipo tinguthoŵa unkhankhu wake, unkhankhu nge ngwa wakuwayija ku Dada.

Yohane 10:30

Ine ndi Ada te ŵamoza.”

Yohane 12:45

Ndipo yo wawona ine wawona Wakundituma.

Yohane 14:20

Mu zuŵa liya muziŵenge imwe kuti ine ndemu Dada, ndi imwe mwaku ine, ndi ine mwaku imwe.

Yohane 14:7

Asani munguziŵa ine, mphanyi Ada nawo mwaŵiziŵa: kutuwa ku sono muŵaziŵa, ndipo mwaŵawona.”

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

1 ŴaKorinte 15:12

Kweni asani Kristu wataulika kuti wakuyuskika ku ŵakufwa, ŵakamba uli ŵanyake mwaku imwe kuti chiyuska cha ŵakufwa palive?

ŴaFilipi 2:6

mweniyo pakuŵa mu muŵiru waku Chiuta, wengavi kulipima yanu lake ndi Chiuta kanthu kakuphangika,

ŴaKolose 1:15

Ndiyo chikozgu chaku Chiuta wambura kuwoneka, wakupapika danga wa ulengi wose.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.