Yohane 14:7 - Tonga Bible 1986

⁷ Asani munguziŵa ine, mphanyi Ada nawo mwaŵiziŵa: kutuwa ku sono muŵaziŵa, ndipo mwaŵawona.”

Yohane 14:7 ပူးပေါင်းရင်းမြစ်များ

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Yohane 16:3

Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yohane 17:21

kuti wose ŵaŵe ŵamoza uli ndimo imwe, Ada, muliri mwaku ine, ndi ine mwaku imwe, kuti nawo so ŵaŵe mwaku ifwe; alinga kuti charu chivwane kuti imwe mungundituma.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Yohane 17:26

Ndaŵaziŵiska zina linu, ndipo ndikaliziŵiskanga; alinga kuti cho chanju chenicho mwandanja nacho, chiŵe mwaku iwo, ndi ine mwaku iwo.”

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 17:6

“Zina linu ndalivumbuwa ku ŵanthu wo mwandipaska; ndipo ŵasunga mazu ghinu.

Yohane 17:8

Pakuti mazu gho mungupaska ine, ndaŵapaska iwo; ndipo iwo ŵagharonde; ŵaziŵadi kuti mbuneneska kuti ndingutuliya kwaku imwe, ndipo ŵavwana kuti imwe mungundituma.

Yohane 6:46

Kuti yumoza wamwona Dada cha, kweni yo ngwakutuwa ku Dada, ndiyo wamwona Dada.

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

1 Yohane 2:13

Ndikulembiyani mwaŵada chifukwa mumziŵa mweniyo ngwakutuliya ku mtendeku. Ndikulembiyani, mwamadoda, chifukwa mwampunda mheni yo. Ndikulembiyani, mwaŵampupuka, chifukwa mumziŵa Dada.