Yohane 14:23 - Tonga Bible 1986

²³ Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yohane 14:23 ပူးပေါင်းရင်းမြစ်များ

Chiyambo 1:26

Ndipo Chiuta wanguti, “Tiyeni tilenge munthu mu chikozgu chidu, wakukozgana nafwe; ndipo watufuliye somba zamu nyanja ndi viyuni vya mude, ndi ng'ombe ndi pa charu chose chapasi; ndi pa chakukwaŵa chose cho chikwaŵa pa charu chapasi.”

Chiyambo 11:7

Sono ndisikiye pasi, ndipo ndikatimbanizge lilime lawo, kuti ŵatondeke kuziŵa cho wakamba munyake.”

Sumu 90:1

Ambuya mwaŵiya ifwe chakujamo mu migonezi ndi migonezi.

Sumu 91:1

Yose wakuja mu chakubisamamo cha Wapachanya Limu, wakujaririya mumduzi wa Wanthazi Zose,

Yesaya 57:15

Pakuti viyo watiti wapachanya ndi Mutali yo, mweniyo waja mu umuyaya, yo zina leke ndi Wakupaturika: “Ndija pachanya pa malo ghakupaturika, ndipo so pamoza ndi yo ngwa mtima wakupe ndi wakujiyuyuwa, kusisipuska mzimu wa wakujiyuyuwa, ndi kuyuska so mtima wa wakupe.

Yohane 10:30

Ine ndi Ada te ŵamoza.”

Yohane 14:15

“Asani mutindanja, musungenge marangu ghangu.

Yohane 14:17

Mzimu yo wa uneneska; mweniyo charu kuti chiziŵa kumuronde cha, chifukwa kuti chitumuwona cha, chingana nkhumuziŵa: imwe mutumuziŵa; pakuti waja namwe, ndipo waŵenge mwaku imwe.

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Yohane 14:24

Wakureka kundanja kuti wasunga mazu ghangu cha: ndipo mazu gho mutuvwa, kuti ngangu cha, kweni nga Ada wakundituma.

Yohane 15:10

Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Yohane 16:27

Chifukwa Ada iwo ŵeneko atukwanjani, atukwanjani pakuti imwe mwandanja ine, ndipo mwavwana kuti ine ndikutuwa ku Ada.

Yohane 6:56

Wakurgha nyama yangu ndi wakumwa ndopa zangu waja mwaku ine, ndi ine mwaku iyo.

Yohane 8:51

Nadidi ndikuneneskiyani, asani yumoza wangasunga mazu ghangu, kuti wamuwona nyifwa cha.”

Yohane 8:52

Ŵangumnene ŵaYuda, “Sono tiziŵiska kuti we ndi demone. Abrahamu wakufwa ŵamchimi ŵakufwa, kweni iwe utiti, ‘Asani yumoza wangasunga mazu ghangu, kuti wamkwesa nyifwa cha muyaya!’

2 ŴaKorinte 6:16

Ndipo ndine yanu lapa kasopi waku Chiuta ndi vyangoza? Chifukwa ndifwe kasopi waku Chiuta wamoyo; nge ndimo Chiuta wanene, “Nkhajariyanga mwaku wo, ndipo nkhendeyanga mwaku wo, ndipo nkhaŵanga Chiuta wawo, ndipo iwo ŵakaŵanga khamu langu.

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

1 Yohane 2:24

Imwe, chenicho mwavwa kutuwa ku mtendeku chijaririye mwinu. Asani chingajaririya mwinu chenicho mwavwa kutuwa ku mtendeku, namwe so mujaririyenge mu Mwana ndi mu Dada.

1 Yohane 2:5

kweni mweniyo yose wasunga mazu ghake, nadidi mwaku iyo chanju chaku Chiuta chifiskika. Mwaku chenichi tiziŵiska kuti te mwaku iyo;

1 Yohane 4:4

Mwe ŵakwaku Chiuta imwe, mwatwana twangu, ndipo mwaŵapunda; pakuti mweniyo we mwinu ndi mkuruku kwakuruska yo we mu charu.

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

2 Yohane 1:6

Ndipo chenichi nchanju cho kuti tende kwakuyana ndi marangu ghake. Lenili ndi dangu lo uli ndimo mwavwiya kutuwa ku mtendeku, kuti mwende mwaku lo.

Chivumbuzi 21:22

Kweni ndengavi kuwona kasopi mwenimo: chifukwa Ambuya Chiuta Wanthazizose ndi Mwana-mberere yo, ndi kasopi wake.

Chivumbuzi 21:3

Ndinguvwa mazu ghakuru kutuliya ku chitengu-chaufumu cho, ghakuti, “Awonani, hema lo laku Chiutale mukati mu ŵanthu, ndipo wagoŵiyenge mukati mwawo, ndipo iwo ŵaŵenge makamu ghake, ndipo Chiuta iyo waŵenge pamoza nawo, Chiuta wawo.

Chivumbuzi 22:3

Ndipo kuti chikaŵangapo so cha chakutembeka chose: kweni chitengu-chaufumu chaku Chiuta ndi cha Mwana-mberere chiŵenge mwenimo; ndipo ŵaŵanda ŵake ŵamteŵetiyenge;