Yohane 14:12 - Tonga Bible 1986

¹² “Nadidi ndikuneneskiyani, wakuvwana mwaku ine, nchitu zo ine ndichita, wachitenge iyo nayo; ndipo zikuru zakuzungura izi wakachitanga; chifukwa ine nditiya ku Dada.

Yohane 14:12 ပူးပေါင်းရင်းမြစ်များ

Mateyu 21:21

Kweni wakwamuka Yesu wanguti, “Nadi ndikuneneskiyani, asani mungaŵa ndi chivwanu, ndi mungadonda cha, kuti muchitenge cho cha mkuyu wo pe cha, kweni chingana munganene phiri ili, ‘Uzulike ndi upong'eke mu nyanja,’ chikachitikanga.

Marko 11:13

Ndipo wati wawona mkuyu kutari, wakuvwalira mane, wanguza kuti vinu wangasaniyamo kanthu; wati waza pafupi kuti wangusaniyamo kanthu cha kweni mani pe; chifukwa kuti yenga nyengo ya nkhuyu cha.

Marko 16:17

Ndipo visimikizgu vyenivi vikarondonga ŵeniwo ŵavwana: mu zina langu ŵakatuzgiyanga ŵademone; ŵakarongoronga ndi malilime ghafya;

Yohane 14:28

Munguvwa mo ndingukuneniyani, ‘Ndiruta, ndipo ndamukuza so kwaku imwe.’ Asani mungundanja, mphanyi mwakondwere, chifukwa ndiruta ku Dada; pakuti Dada ndi muraku kwaku ine.

Yohane 16:7

Nakweni naku ndikuneniyani uneneska, nkhwamampha kwaku imwe kuti ine ndirute: chifukwa asani ndiruta nkhamutumanga kwaku imwe.

Yohane 4:37

Chifukwa chenichi mazu ngakuneneska, ‘Yumoza ngwakumija, ndi munyake ngwakuvuna.’

Yohane 5:20

Chifukwa Dada watumwanja mwana, ndipo watumrongo vyo vyose yija wachita: ndipo wamrongonge nchitu zikuru kwaku zenizi, alinga kuti muzizwe imwe.

Yohane 7:33

Yesu wanguti, “Nyengo yimanavi ndeche namwe pamoza, ndipo ndiruta kwaku yo Wakundituma.

Yohane 7:39

Kweni wanenanga yagha pa Mzimu, mweniyo wakuvwaniya mwake watinge warondiyenge, chifukwa mzimu wenga wandapaskike; pakuti Yesu ndiyo wenga wandayukiye ku unkhankhu.

Machitidu gha Ŵakutumika 10:46

Chifukwa ŵaŵavwanga kurongoro ndi malilime, ndi kumkuzga Chiuta.

Machitidu gha Ŵakutumika 16:18

Ndipo wachitanga chenichi mazuŵa ghanandi. Kweni Paulo pakusororeka mtima, wangung'anamuka ndi wanguunene mzimu, “Ndikulanguliya mu zina laku Yesu Kristu tuwamo mwake.” Ndipo ungutuwamo pa ora leniliya.

Machitidu gha Ŵakutumika 19:12

viyo kuti saru zakuleske kutuwa ku liŵavu lake pamwenga zo mpangu zingutoreke ku ŵarwali nthenda zinguŵataya, ndipo so mizimu yiheni yingutuwamo.

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

Machitidu gha Ŵakutumika 2:41

Viyo ŵeniwo ŵanguronde mazu ghake ŵangubatizika, ndipo kungukuskikiyako kwaku wo mu zuŵa liya mizimu ankhumba vikwi vitatu (3,000).

Machitidu gha Ŵakutumika 4:16

ŵakuti, “Tichitengenji kwaku wo ŵanthu? Chifukwa kuti chisimikizgu chakuziŵikwa cho chachitikiya mwaku iwo chawoneka kwaku wose ŵakuja mu Yerusalemu; ndipo kuti tiziŵa kuchikana cha.

Machitidu gha Ŵakutumika 4:33

Ndipo ndi nthazi yikuru ŵakutumika ŵapaskanga ukaboni wa chiyuka cho cha Ambuya Yesu, ndipo wezi ukuru wenga paku wo wose.

Machitidu gha Ŵakutumika 4:4

Kweni ŵanandi ŵaku wo ŵangughavwa mazu ŵanguvwana; ndipo unandi wa ŵanthurumi ungufika akhumba vikwi vinkhonde (5,000).

Machitidu gha Ŵakutumika 5:15

viyo kuti chingana mbarwali ŵanguŵapingiya ku miseu, ndipo ŵanguŵaŵika pa vita ndi pa mphasa, alinga kuti, pakuzako Petro chiduduzi chake vinu chingavimba yumoza waku wo.

Machitidu gha Ŵakutumika 6:7

Ndipo mazu ghaku Chiuta ghawandanga; ndipo unandi wa ŵasambizi mu Yerusalemu ungwandana ukongwa; ndipo so ŵazukuru ŵanandi ŵavwiyanga ku chivwanu cho.

Machitidu gha Ŵakutumika 8:7

Pakuti mizimu yawiyu, yakukambura ndi liu likuru, yingutuwa mu ŵanandi ŵakuŵa nayo: ndipo ŵanandi ŵavinjenje ndi ŵakupunduka ŵanguchizgika.

Machitidu gha Ŵakutumika 9:34

Ndipo Petro wangunena nayo, “Eneya, Yesu Kristu wakuchizga; yuka, ndi tanduwa chita chako.”

Machitidu gha Ŵakutumika 9:40

Kweni Petro, wati waŵatuzgiya wose kubwaro, wangugwada pasi, ndi wanguromba; ndipo pakung'anamukiya ku thupi lo, wanguti, “Tabita, yuka!” Ndipo iyo wangubanuwa maso ghake; ndipo wachiwona Petro, wanguja songa.

ŴaRoma 15:19

mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,