Yohane 14:11 - Tonga Bible 1986

¹¹ Vwanani ndi ine kuti nde mu Dada, ndi Dada mwaku ine; pamwenge ipu, chifukwa cha nchitu zo vwaniyani mwaku ine.

Yohane 14:11 ပူးပေါင်းရင်းမြစ်များ

Yohane 10:25

Yesu wanguŵamuka, “Ndakuneniyani, ndipo kuti muvwana cha; nchitu zo ndichita ine mu zina la Ada, zenizo zitindisimikizgiya;

Yohane 10:32

Yesu wanguŵamuka, “Nchitu zinandi zeneko ndakurongoni zakutuwa ku Ada; chifukwa cha nchitu yakutinji yaku zo mutindipong'e mya?”

Yohane 10:38

Kweni asani ndizu ndichita, chingana mureke kuvwaniya mwangu, vwaniyani mu nchitu so; alinga kuti muziŵe ndi kufikapo mtima kuti Dada we mwaku ine, ndi ine mu Dada.”

Yohane 14:10

Asi uvwana kuti ine nde mu Dada, ndi kuti Dada we mwaku ine? Mazu gho nditukukambiyani kuti ndirongoro ghakutuwa kwaku ndamweni cha; kweni Dada wakujaririya mwangu watata nchitu zake.

Yohane 14:20

Mu zuŵa liya muziŵenge imwe kuti ine ndemu Dada, ndi imwe mwaku ine, ndi ine mwaku imwe.

Yohane 5:36

Kweni ine nde nawo ukaboni mwakundamweni ukuruku kwakuruska wo waku Yohane; chifukwa nchitu zo Dada wandipaska kuti ndifiske, nchitu zo ine ndichita, zenizo zisimikizgiya ine, kuti Dada wandituma.

Machitidu gha Ŵakutumika 2:22

“Mwaŵanthu mwaŵa Yisraele, tegherezgani mazu yagha; Yesu waku Nazareti, munthu wakupanikizgikiya kwaku imwe, kuti wangutuwa kwaku Chiuta, ndi vyanthazi ndi minthondwi ndi visimikizgu, vyenivyo Chiuta wanguchitiya mwaku iyo mukati mwinu, nge ndimo mwaŵeni muziŵiya,

ŴaHebere 2:4

Chiuta nayo wakusimikizgiyapo ndi visimikizgundi so ndi minthondwi, ndi nthazi zamitundumitundu, ndipo ndi mipasku ya Mzimu Wakupaturika, kwakulingana ndi khumbo lake.