Yohane 13:18 - Tonga Bible 1986

¹⁸ Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Yohane 13:18 ပူးပေါင်းရင်းမြစ်များ

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Yeremiya 41:2

Ishimaele mwana waku Netaniya ndi ŵanthu chumi ŵa pamoza nayo ŵangusoka ndi ŵangumutema Gedaliya mwana waku Ahikamu, mwana waku Shafani ndi lipanga, ndi ŵangumubaya; mweniyo karonga wa Babiloni wangumika kuŵa mumirizi mu charu chiya.

Mateyu 10:36

ndipo ŵamawongu ŵa munthu ŵaŵenge ŵamunyumba yake.

Mateyu 26:21

ndipo ŵachirgha iwo, wanguti, “Nadidi, ndikuneniyani kuti yumoza waku imwe wandipachiyenge.”

Mateyu 26:23

Kweni wakwamuka wanguti, “Wakubwenga pamoza nane janja lake mu mbali, ndiyo wandipachiyenge.

Marko 14:17

Ndipo ghanguti ghaza mazuro wanguza, pamoza ndi chumi ndi ŵaŵi wo.

Marko 14:18

Ndipo wachija pa gome ndi kurgha, Yesu wanguti, “Ndikuneneskiyani, yumoza waku imwe wandipachiyenge yo nayo waturgha nane pamoza.”

Marko 14:20

Kweni iyo wanguŵanene, “Njumoza wamu chumi ndi ŵaŵi, wakubwenga chiŵande mu mbali paoza nane.

Luka 22:21

Kweni wonani, janja la wakundikombo le nane pamoza pa gome.

Yohane 13:21

Wati wakamba vyenivi Yesu, wangwenjezgeka mu mzimu, ndipo wangusimikizga, wanguti, “Nadidi, ndikuneneskiyani, kuti yumoza wamwaku imwe wandipachiyenge.”

Yohane 13:22

Ŵasambizi ŵangulereskana, pakukangang'a wakambanga yani.

Yohane 13:26

Yesu wangwamuka, “Ndi mweniyo ine ndimubwengiyenge chinkhombe, ndi kumpaska.” Ndipo wati wachibwenga chinkhombe, wanguchipaska kwaku Yuda, mwana waku Simoni mKeriote.

Yohane 15:16

Kuti ndimwe mungusankha ine cha, kweni ndine ndingusankha imwe, ndipo ndingukumikani, kuti mukapase vipasi, ndi kuti vipasi vinu vijaririye; alinga kuti chose cho mungapempha Dada mu zina langu, wakupaskeninge.

Yohane 15:19

Asani mwenga ŵa charu ichi, mphanyi charu chamwanjani nge mbanthu ŵapa mtima wake: kweni chifukwa kuti mwe ŵa charu cha, ine ndakusankhani mu charu, chifukwa chenichi chikutinkhani charu cho.

Yohane 15:25

Kweni nchakuti ghafiskike mazu gho ghalembeka mu langulu lawo, ‘Wangunditinkha waka.’

Yohane 17:12

Penipo ndenge pamoza nawo, ndaŵasungiyanga ine mu zina linu wo mwandipaska; ndipo ndinguŵasungirizga, kwauravi yumoza waku wo watayika, kweni mwana wo chitayiku pe ndiyo; mwakuti lifiskike lembo lo;

Yohane 18:32

Ichi chenga chakuti ghafiskike mazu ghaku Yesu, gho wangukamba pakusimikizga ndi nyifwa yakutinkha yo wakafwanga.

Yohane 19:24

Viyo ŵangunenerana, “Tingaliparuwa ili cha, kweni tilipenduzge, liŵe laku yani,” alinga lifiskike lembo lo lakuti, “Wangugaŵizgana munjirira yangu, ndipo pa chivwaru changu wangupong'a mphenduzga.” Ndipo ichi ndicho ŵanguchita ŵankhondo.

Yohane 19:36

Chifukwa vinguŵapo vyenivi, alinga kuti lifiskike lembo lo, “Kuti chamufyoka chiwanga chaku iyo cha.”

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Yohane 6:70

Wanguwamuka Yesu, “Asi ine ndakusankhani mwachumi ndi ŵaŵi, ndipo mwaku imwe yumoza ndi diabolo?”

Machitidu gha Ŵakutumika 1:16

“Mwaŵanthu mwa ŵabali, lingwenere kufiskika lembo lo, lenilo Mzimu Wakupaturika wangukambiya limu mu mlomo waku Davidi la paku Yuda, yo wenga chirongozgi kwaku wo ŵangumko Yesu.

Machitidu gha Ŵakutumika 1:2

mpaka ku zuŵa lo wangurondeke kuchanya, wati waŵalanguliya mu Mzimu Wakupaturika ŵakutumika ŵeniwo wangusankha.

2 ŴaKorinte 4:5

Chifukwa vyo titaula kuti vyaku taŵeni cha, kweni Kristu Yesu nge ndi Mbuya, ndi taŵeni ulaka mbateŵeti ŵinu pa chifwa chaku Yesu.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.