Yohane 12:13 - Tonga Bible 1986

¹³ ŵanguto mphanda za ŵakanchindu, ŵangutuwa kwachikumana nayo, ndipo Wakamburanga, “Hosana! Ngwakutumbikika yo watuza mu zina la Mbuya, Karonga waku Yisraele!”

Yohane 12:13 ပူးပေါင်းရင်းမြစ်များ

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

ŴaLevi 23:40

Pa zuŵa lakundanga mukatonga vipasi vya mu miti ya mampha, ndi mphanda za kanchindu, ndi malombo gha mu msinji, ndipo mukakondwanga paurongo pa Ambuya Chiuta winu mazuŵa ghankhonde ndi ghaŵi.

Zefaniya 3:15

Ambuya atuzgako vyeruzgu vyakumikana nawe; apong'a kubwalo ŵarwani wako. Karonga waku Yisraele, Ambuya, ŵe mukati mwako; kuti, uwopenge kaheni so cha.

Mateyu 23:39

Chifukwa ndikuneniyani, kutuwa ku sono kuti mukawonanga ine so cha, mpaka penipo mwazamunena, ‘Ngwakutumbikika yo watuza mu zina la Ambuya!’ ”

Mateyu 27:42

“Wangutaska ŵanyake; walive nthazi kujitaska yija. Ndiyo karonga waku Yisraele! Wasike sono ku mphinjika yo, ndipo tivwanenge mwake.

Yohane 1:49

Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Yohane 12:14

Ndipo Yesu, wanguti wasaniya kambunda, wangujapo; mo kwalembeke,

Yohane 12:15

“Mungopanga cha, mwa ŵanthu ŵaku Zioni: awona, Karonga wako watuza, wakugara pa mwana wa mbunda.”

Yohane 19:15

Wangukamba iwo, “Mtuzgepo! Mtuzgepo! Mpayike!” Pilato waŵanene, “Kumbi ndipayikenge karonga winu?” Wangwamuka ŵazukuru ŵara, “Tirive karonga kweni Kaisare ndivo.”

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Chivumbuzi 7:9

Pavuli paku ivi ndingulereska, ndipo, onani, mzinda ukuru, weniwo pengavi munthu wanguziŵa kuŵerenga ŵakutuwa, mu mtundu we wose, ndi mu mafuku, ndi makamu, ndi marongoroledu, ŵamanga paurongo pa chitengu chaufumu cho, ndi paurongo pa Mwana-mberere yo, ŵakuvwara makhanju ghatuŵa, ndi ŵakukoreze ŵakanchindu mu manja ghawo,