Yohane 11:52 - Tonga Bible 1986

⁵² Inya pa chifwa cha mtundu wo pe cha, kweni alinga kuti ŵana ŵaku Chiuta ŵakumwaranika waŵaungang'e mu liŵavu limoza.

Yohane 11:52 ပူးပေါင်းရင်းမြစ်များ

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Sumu 22:15

nthazi yangu yamira nge ndi zinga, ndi lilime langu lakaniriya ku chavu changu; imwe mutindigoneka mu fuvu la nyifwa.

Sumu 22:27

Vigoti vyose vya charu chapasi vikumbukenge ndi kuwere ku Ambuya; ndipo mafuku ghose gha mitundu ya ŵanthu gha sopenge paurongo pinu.

Sumu 72:19

Litumbikike zina lake la unkhankhu muyaya; unkhankhu wake uzaze mu charu chose, Ameni! Ameni!

Yesaya 49:18

Soska maso ghako kwakuzunguliya ndi wona; wose ŵawungana, ŵatuza kwaku iwe. Ndichiŵa wamoyo, atiti Ambuya, ukaŵavwaranga wose uli nchinozgeru, ukajimangiliyanga nawo uli ndimo wachitiya munthukazi wa nthengwa.

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 55:5

Ehe, ukadananga mitundu yo kuti utiyiziŵa cha, ndipo mitundu yo yengavi kukuziŵa yikachimbiyanga kwaku iwe, chifukwa cha Ambuya Chiuta wako, ndi cha Mtuŵa Yumoza waku Yisraele, pakuti wakukankhuska iwe.

Yesaya 56:8

Viyo atiti Ambuya Chiuta, mweniyo wawunjika ŵakutayika ŵaku Yisraele, ndikawunjikanga mbwenu ŵanyake kwaku iyo pade paku wo ŵakuwunjikika kale.”

Yesaya 60:4

Soska maso ghako kwakuzunguliya ndi wona; wose ŵawungana pamoza, ŵatuza kwako; ŵana ŵako ŵanthurumi ŵakatuwanga kutali, ndipo ŵana ŵako ŵanthukazi ŵakanyamulikanga mu manja.

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Luka 15:8

“Pamwenga njani munthukazi wakuŵa ndi ndrama chumi, yo asani wangataya ndrama yimoza, wareka kukozga limbuni, ndi kupeya nyumba yo, ndi kupenja wenguwengu, mpaka wangayibowozga?

Luka 2:32

ukweru wakuvumbuliya ŵaMitundu, ndi unkhankhu wa khamu linu Yisraele.”

Yohane 1:12

Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;

Yohane 1:29

Ndi mlenji wawona Yesu wachiza kwaku iyo, ndipo watiti, “Awonani, Mwana-mbere waku Chiuta, yo watuzgapo ulakwi wa charu!

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yohane 12:32

Ndipo ine, asani ndasoskeka panupasi, ndiguziyenge ŵanthu wose kwaku ndamweni.”

Machitidu gha Ŵakutumika 18:10

chifukwa ine nde nawe pamoza, ndipo paŵengevi yumoza wakudumiyenge kukuchitiya uheni, chifukwa nde nalo khamu likuru mu msumba uwu.”

ŴaRoma 3:29

Pamwenga kumbi Chiuta ngwa ŵaYuda pe? Asi ngwa ŵaMitundu nawo? Inya, ngwa ŵaMitundu so;

ŴaRoma 4:17

uli ndimo kwalembeke, “Ndakuŵika wiskeu wa mitundu yinandi,” paurongo paku Chiuta, mwaku mweniyo wanguvwaniya, mweniyo so wasanduska ŵakufwa ŵaŵe ŵamoyo, ndi wadana vyambura kuŵapo, ulaka nge vyengapo.

ŴaEfeso 1:5

Wangutiteme limu mu chanju kuŵa ŵana ŵake mwaku Yesu Kristu, kwakuyana ndi likondwa la khumbu lake,

ŴaEfeso 3:11

kwakulingana ndi chitema cha muyaya, chenicho wanguchitiya mwaku Kristu Yesu Ambuyafwe,

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.

1 Petro 1:1

Kalata wakutuwa kwaku Petro wakutumika waku Yesu Kristu, ku ŵalendo ŵakuchariya mu Pontu, Galatia, Kapadokia, Asia ndi Bithunia,

1 Yohane 2:2

iyo nayo ndi mphepeska pa chifukwa cha vilakwa vidu; ndipo pa vidu pe cha, kweni so pa chifukwa chaku vya charu chose.

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

1 Yohane 3:10

Mwaku chenichi ŵarongoleka ŵana wo ŵaku Chiuta ndi ŵana wo ŵaku diabolo: munthu yose wakuura kuchita urunji, kuti ngwa kwaku Chiuta cha, chingana ndi yo walive kumwanja mbali wake.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;