Yohane 11:24 - Tonga Bible 1986

²⁴ Wamnene Marta, “Ndiziŵa kuti wayukenge so mu chiyuka cho cha mu zuŵa lakumariya.”

Yohane 11:24 ပူးပေါင်းရင်းမြစ်များ

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

Yesaya 26:19

Ŵakufwa ŵinu ŵakaŵanga ŵamoyo, maliŵavu ghawo ghakayukanga. Okwe mwa ŵakuja mu fuvu imwe! Yukani, mbani gha chimwemwe! Pakuti dungwi linu ndi dungwi la ukweru, ndipo charu chikatoriyanga so ku umoyo mizimu yaku wo ŵakufwa kale.

Hoseya 13:14

Kumbi nkhaŵawombonga ku nthazi ya muunda? Kumbi nkhaŵawombonga ku nyifwa? Wa nyifwa we, urwirwi wako we pani? Wa muunda we, kuparghang'a kwako kwe pani? Lisingu labisika ku maso ghangu.

Hoseya 6:2

Pavuli pa mazuŵa ghaŵi atizizimuskenge; pa zuŵa la chitatu atiyuskenge, mwakuti tije ŵamoyo pa maso pa wo.

Luka 14:14

Ndipo uŵenge wakutumbikika; pakuti ŵalive chakuwerezgiyapo kwako: chifukwa kuwerezgekiyenge kwaku iwe mu chiyuka cha ŵarunji.”

Yohane 11:23

Wamnene Yesu, “Wayukenge so mzichi wako.”

Yohane 6:39

Ndipo ili ndi khumbo la wakundituma yo kuti mwaku wose ŵeniwo wandipaska ndingatayapo cha yumoza, kweni kuti ndimyuske pa zuŵa lakumariya.

Yohane 6:40

Chifukwa ili ndi khumbo la Ada, kuti yose wakuwona Mwana, ndi wakuvwana mwaku iyo, waŵe ndi umoyo wamuyaya; ndipo ndimyuskenge pa zuŵa lakumariya.”

Machitidu gha Ŵakutumika 24:15

pakuŵa ndi chigomekezgu mwaku Chiuta, chenicho iwo nawo ŵeneko ŵalereze, kuti chiŵengepo chiyuka cha ŵarunji ndi ŵaziraurunji.

ŴaHebere 11:35

Ŵanthukazi ŵangutondoleka ŵambura kuronde uwombozi; alinga ŵafikepo pa chiyuka chakuruska.