Yohane 10:27 - Tonga Bible 1986

²⁷ Mberere zangu zituvwa liu langu, ine nditiziziŵa, ndipo zitindirondo;

Yohane 10:27 ပူးပေါင်းရင်းမြစ်များ

1 ŴaKaronga 18:21

Ndipo Eliya wanguza pafupi ndi ŵanthu wose, wanguti, “Mpaka zuŵanji mwendenge ŵakuganthiyaganthiya ndi makhumbo ghaŵi ghakupambana? Asani Ambuya ndiwo Chiuta, murundoni, kweni asani ndi Bala, iku rondoni mweniyo.” Ndipo ŵanthu kuti wangumwamuka nanga ndi mazu cha.

Yesaya 66:22

“Pakuti nge ndi machanya ghafya ndi charu chapasi chifya, vyenivyo ndikachitanga, vikajaliriyanga paurongo pangu, atiti Ambuya; viyo ndimu mphapu zinu ndi zina linu vikajaliriyanga.

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Mateyu 25:12

Kweni wakwamuka wanguti, ‘Ndikuneniyani, kuti ndikuziŵani cha.’

Mateyu 7:23

Ndipo penipo nkhakananga kwaku, wo, ‘Ndengavi kukuziŵani kose: tuwaniko kwangu, mwaŵakuchita uchikana marangu.’

Marko 10:21

Ndipo Yesu, pakumlereska, wangumwanja, wangunena nayo, “Chinthu chimoza usoŵa; kanga, kasaske chose cho wenacho, paska ku ŵakavu, ndipo ukaŵanga nayo mbiku kuchanya: ndipo zanga, ndirondo!”

Marko 8:34

Ndipo wangudana mzindawo pamoza ndi ŵasambizi ŵake, wangunena nawo, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondonge ine.

Luka 13:27

ndipo wanenenge, ndikukambiyani, ‘Kuti ndiziŵa cha kweniko mutuliya; tuwaniko kwangu mose mwakuchita uchikanamarangu.’

Luka 9:23

Ndipo waŵaneniyanga wose, “Asani yumoza wakhumba kuza kuvuli kwangu, wajikanizge, ndi wajitole mphinjika yake zuŵa ndi zuŵa, ndi warondonge ine.

Yohane 10:14

Ine ndine mliska mweneko.

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yohane 10:8

Wose wo ŵanguza paurongo pangu mbankhungu ndi ŵakuphanga; ndipo mberere kuti zinguŵavwa cha.

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 21:22

Yesu wangunena nayo, “Asani ndingakhumba kuti waje ndi umoyo mpaka po ine nthuza, nchine kwaku iwe? Iwe, rondo ine.”

Yohane 5:25

“Nadidi ndikuneneskiyani kuti lituza ora, ndipo sono liripo penipo ŵakufwa ŵavwenge liu la Mwana waku Chiuta; ndipo wo ŵamkuvwa ŵaŵenge ŵamoyo.

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

Yohane 8:43

Chifukwa chine mureka kuwamu mu kakambidu kangu? Nchifukwa chakuti mulive kuziŵa kughavwa mazu ghangu.

Machitidu gha Ŵakutumika 3:23

Ndipo kukaŵanga kuti mzimu wose wo ukarekanga kumuvwa Mchimi yo ukanangikiyanga limu mu khamu lo.’

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

ŴaGalatia 4:9

Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi?

2 Timote 2:19

kweni chiŵanja cho chakurama chaku Chiuta chituma gwa, pakuŵa ndi chiŵali chenichi, “Waŵaziŵa Mbuya ŵeniwo mbake”: ndi “Wagaukeko ku uwura-urunji yose wakutamula zina lo la Ambuya.”

ŴaHebere 3:7

Viyo na, uli ndimo wanene Mzimu Wakupaturika, “Le asani muvwenge liu lake,

Chivumbuzi 14:4

Yaŵa mbeniwo ŵengavi kukazuzgika ndi ŵanthukazi; chifukwa ndi zimbeto. Yaŵa mbeniwo ŵarondo Mwana-mberere yo kweniko kose watiya. Yaŵa mbeniwo ŵakuwomboleka mu ŵanthu, kuŵa mruwuku kwaku Chiuta ndi ku Mwana-mberere yo.

Chivumbuzi 3:20

Awona, ndama pa khomu ndipo ndigong'oska: asani munthu watuvwa mazu ghangu, ndi wajura ku khomu, ndiserenge kwaku iyo, ndirghenge pamoza nayo, ndi iyo pamoza nane.