Yohane 10:15 - Tonga Bible 1986

¹⁵ Nge ndimo ŵatindiziŵiya Ada, ine nane ndituŵaziŵa iwo; viyo so ndimu ndiziŵiya mberere zangu, ndipo sangu ziziŵa ine; chifukwa ichi ndiŵika pasi umoyo wangu pa chifwa cha mberere zo.

Yohane 10:15 ပူးပေါင်းရင်းမြစ်များ

Yesaya 53:10

Kweni lenga khumbo la Ambuya kumukomweska; amuŵika viyo mukuŵaŵa; penipo watijipereka iyo yija mpasku wapa ulakwi, wakawonanga ŵana ŵake, wakarutilizganga mazuŵa ghake; khumbu la Ambuya likasakatanga mu janja lake;

Yesaya 53:8

Ndi kuyuzgika ndi cheruzgu wangutoreka; ndipo nge mpha mugonezi wake, njani wangughanaghanapo, kuti wangudumulikako ku charu cha ŵamoyo, wangupumika chifukwa cha vyakulakwa vya ŵanthu ŵangu?

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Mateyu 20:28

ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”

Luka 10:21

Mu ora leniliya Yesu wangukondwere mu Mzimu Wakupaturika, ndipo wanguti, “Ndikurumbani, Ada, Mbuya wa kuchanya ndi panupasi, kuti mungubisa vyenivi ku ŵazeru ndi ŵakawamo ndi munguvivumbuliya ku malitema: inya, Ada, pakuti viyo kunguŵa kwakukondweska paurongo pinu.

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 10:11

Ine ndine nliska mweneko; mliska mweneko waŵikiya pasi umoyo wake chifukwa cha mberere.

Yohane 15:13

Chanju chikuru kwakuruska cho munthu wangaziŵa kuŵa nacho pa ŵabwezi ŵake, nkhupereka umoyo wake ku chifwa chaku wo.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 6:46

Kuti yumoza wamwona Dada cha, kweni yo ngwakutuwa ku Dada, ndiyo wamwona Dada.

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

ŴaGalatia 1:4

yo wangujipereka pa chifukwa cha vilakwa vidu, mwakuti watitaske ku mgonezi uwu uheni, kwakulingana ndi khumbu laku Chiuta widu, Auskefwe;

ŴaGalatia 3:13

Kristu watiwombo ifwe ku tembo la chilangulu cho, pakuŵa wakutembeka pa chifukwa chidu: chifukwa kwalembeka, “Ngwakutembeka yose yo ngwakupayikika pa muti”:

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;

1 Yohane 2:2

iyo nayo ndi mphepeska pa chifukwa cha vilakwa vidu; ndipo pa vidu pe cha, kweni so pa chifukwa chaku vya charu chose.