Yohane 10:1 - Tonga Bible 1986

¹ “Nadi, nadi ndikuneneskiyani, yo wareka kuserere pa khomo mu likutu la mberere, kweni wakwere kunyake, mweniyo ndi munkhungu ndi wakuphananga.

Yohane 10:1 ပူးပေါင်းရင်းမြစ်များ

Yeremiya 14:15

Chifukwa cho atiti Ambuya gha pa ŵamchimi ŵeniwo ŵachimiya mu zina langu, chingana ndengavi kuŵatuma, ŵeniwo ŵatiti, ‘Lipanga ndi chilala kuti vikazanga pacharu ichi cha’: Ndi lipanga ndi chilala ŵakamaranga ŵamchimi wo.

Yeremiya 23:21

“Ndengavi kuŵatuma ŵamchimi, kweni iwo ŵachimbiyanga, Kuti ndingurongoro nawo cha, kweni iwo ŵachimanga.

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Yoele 2:9

Wayingayingenge mu msumba, ŵaulukiya pa malinga; ndi ŵakwera pa zinyumba, ŵasere mu madangazi nge ndi munkhungu.

Mateyu 7:15

“Cheŵani ndi ŵamchimi ŵatesi, ŵeniwo ŵatuza kwaku imwe mu kavwaridu kamberere, kweni mukati ndi mphumphi zakufyonkhonyo.

Yohane 10:7

Viyo Yesu wanguŵanene so, “Nadidi ndikuneniyani, ine ndine khomo la mberere.

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

ŴaRoma 10:15

Ndipo ŵataulenge uli, kwambura kuti ŵatumika? Uli ndimo kwalembeke, “Nkhutowa nako marundi gha ŵakugozga vyamampha!”

ŴaRoma 16:18

Chifukwa ŵaviyo kuti ŵateŵete Ambuyafwe Kristu cha, kweni linweka laku ŵija; ndipo ndimakambidu ghausarazi ndi ghakufyafyalika ŵafuvya mitima ya ŵakujiyuyuwa.

Tito 1:11

Watenere kusunamiskika; ŵeniwo ŵabwanganduwa chivwanu cha nyumba zamphumphu, pakusambizga vyambura kwene chifukwa cha chanduka chasoni.

ŴaHebere 5:4

Ndipo palive munthu wajitole mlimu uwu waulemu, kweni yo ngwakudanika ndi Chiuta, uli ndimo wangudanikiya Aroni.

1 Petro 1:10

Pakuweniwo utaski ŵamchimi ŵangurembe ndi ŵangupenjeska, ŵeniwo ŵangutauliya limu ghapa wezi weniwo utazanga kwaku imwe;

2 Petro 2:1

Kweni so ŵanguŵa mu khamu lo ŵamchimi ŵatesi, uli ndimo mwaku imwe namwe muŵiyenge ŵasambizgi ŵatesi, ŵeniwo ŵaserengemu kwaudeke ndi mipambuku yakwananga, ndi kumkana Mweneko yo wanguŵawombo, ndi kujitole viyo kunanga kwa paruŵi.

2 Petro 2:3

Ndipo mu chiŵinu ndi mazu ghafuzi ŵakachitiyanga mwinu chanduku; chisusa paku ŵeniwo kutuliya ku mwaka chiura kukotoka, ndi wanangiku wawo uwura kugompho.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.