Yohane 1:49 - Tonga Bible 1986

⁴⁹ Natanaele wangumwamuka, “Rabi imwe ndimwe Mwana waku Chiuta; imwe ndimwe Karonga waku Yisraele!”

Yohane 1:49 ပူးပေါင်းရင်းမြစ်များ

Sumu 110:1

Ambuya angunene ambuyangu, “Uje ku janja langu la kurghiya, mpaka po ndaŵika ŵamawongo ŵako kusi ku marwayo ghako.”

Sumu 2:6

“Ndamika karonga wangu pa Zioni, phiri langu lakupaturika.”

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Hoseya 3:5

Pavuli ŵana ŵaku Yisraele ŵawenge ndi ŵapenjenge Ambuya ŵawo, ndi Davidi karonga wawo; ndipo ŵazenge ndi mantha ku Ambuya ndi ku urunji wake mu mazuŵa ghakumariya.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Zefaniya 3:15

Ambuya atuzgako vyeruzgu vyakumikana nawe; apong'a kubwalo ŵarwani wako. Karonga waku Yisraele, Ambuya, ŵe mukati mwako; kuti, uwopenge kaheni so cha.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Mateyu 14:33

Ndipo ŵamu ngaraŵa ŵangumlambiya, ŵakuti, “Ndimwe nadi Mwana waku Chiuta.”

Mateyu 2:2

“We pani yo wakuwa Karonga wa ŵaYuda? Chifukwa ku vuma tinguwona nyenyezi yake, ndipo taziya kumlambiya.”

Mateyu 21:5

“Ŵaneniyeni ŵanthu ŵaku Zioni, Awonani, Karonga winu watukuziyani, mpovu, ndi wakugara pa mbunda, ndi pa kambunda, mwana wa mbunda.”

Mateyu 23:7

ndi matauzgo mu maluluwa gha maronda, ndi kutamulika ndi ŵanthu, Rabi.

Mateyu 23:8

Kweni imwe mungatamulika Rabi cha: chifukwa yumoza ndi msambizgi winu, ndipo mose imwe mwe ŵabali.

Mateyu 27:11

Ndipo Yesu wanguma paurongo pa nduna yo: ndipo nduna yingumfumba, yakuti, “Kumbi ndiwe karonga wa ŵaYuda?” Yesu wanguti kwaku iyo, “Iwe unena.”

Mateyu 27:42

“Wangutaska ŵanyake; walive nthazi kujitaska yija. Ndiyo karonga waku Yisraele! Wasike sono ku mphinjika yo, ndipo tivwanenge mwake.

Mateyu 4:3

Ndipo wakwesa yo wanguza wangunena nayo, “Asani we Mwana waku Chiuta, nene mya iyi kuti yiŵe viŵande.”

Marko 15:32

Kristu yo, Karonga waku Yisraele, wasike sono ku mphinjika yo, alinga tiwone ndi tivwane.” Ndipo wo ŵangupayikika pamoza nayo nawo ŵamuweranga.

Luka 1:35

Ndipo pakwamuka mungelo yo wanguti kwaku iyo, “Mzimu Wakupaturika wazenge paku iwe, ndi nthazi ya Wamdengwendi yikuvimbenge: viyo wakupaturika yo wakawanga, wakadanikanga Mwana waku Chiuta.

Luka 19:38

ŵakuti, “Ngwakutumbikika Karonga yo watuziya mu zina la Mbuya! Chimangu kuchanya, ndi unkhankhu mdengwendi.”

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Yohane 1:34

Ndawona ine, ndipo ndasimikizga kuti Mwenuyu ndi Mwana waku Chiuta.”

Yohane 1:38

Ndipo Yesu, wati wang'anamuka, ndi kuŵawona ŵakumrondo, watiti kwaku wo, “Mulembenji?” Iwo ŵangumnene, “Rabi” (cho chititi pakung'anamuka, Msambizgi), “muja pani?”

Yohane 1:50

Yesu wangwamuka, “Kumbi uvwana chifukwa ndakunene, ‘Kuti ndingukuwona msina mu mkuyu?’ Ukawonanga vikuruku kwaku vyenivi.”

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 4:31

Penipo ndipo ŵasambizi ŵake ŵamuŵeyerenga, ŵakuti, “Msambizgi rghani.”