Yohane 1:31 - Tonga Bible 1986

³¹ Ine kuti ndingumziŵa cha; kweni alinga kuti warongoleke kwaku Yisraele, chifukwa chenichi ndikuziya ine wakubatiza ndi maji.”

Yohane 1:31 ပူးပေါင်းရင်းမြစ်များ

Malaki 3:1

“Nadi, ndatuma thenga langu kunozga nthowa panthazi pangu, ndipo Ambuya wo mupenja akazanga kwamabuchibuchi mu kasopi wawo; ehe lituza thenga la phanganu mwaku lenilo mukondwere, atiti Ambuya ŵa maŵanja.

Mateyu 3:13

Sono wanguza Yesu ku Yordane kwaku Yohane kutuwa ku Galile kwachibatizika ndi iyo.

Mateyu 3:6

ndipo ŵabatizikanga ndi iyo mu msinji Yordane, ŵakusumuwa vyakulakwa vyawo.

Luka 1:17

Ndipo iyo wadanjiriyenge pa maso pake mu mzimu ndi nthazi yaku Eliya, kwaching'anamuliya mitima ya ŵatate ku ŵana, ndi ŵamtafu ku vinjeru vya ŵarunji, kwachirongosole Ambuya khamu lakurongosoleka.”

Yohane 1:30

Mweniyo ndi yo ine ndakambanga kuti, ‘Kuvuli kwangu watuza munthu, mweniyo waŵa paurongo pangu, pakuti wenga wakudanga ndi ine.’

Yohane 1:32

Ndipo wangusimikizga Yohane, wakuti, “Ndinguwona Mzimu wakusoromoka kuchanya nge ndi nkhunda, unguja paku iyo.

Yohane 1:33

Ine nane kuti ndingumziŵa cha: kweni yo wangudituma kwachibatiza ndi maji, ndiyo wangundinene, ‘Paku mweniyo ungawona Mzimu kusoromoka ndi kuja pake, mweniyo ndiyo wabatiza ndi Mzimu Wakupaturika.’

Yohane 1:7

Iyo wanguziya ku simikizga, alinga wasimikizge Kungweruka ko, kuti wose ŵavwaniyenge mwaku iyo.

Machitidu gha Ŵakutumika 19:4

Ndipo wanguti Paulo, “Yohane wangubatiza chibatizo cha ching'anamuka, pakukambiya khamu lo, kuti ŵavwane mwaku yo wakhasanga kuza pavuli pake, ndiku kuti, paku Yesu.”