Yoele 1:9 - Tonga Bible 1986

⁹ Sembe ya vyakurgha ndi sembe ya vyakumwa zarekeka mu nyumba ya Ambuya. Ŵazukuru ŵatenje, ŵateŵeti ŵa Ambuya.

Yoele 1:9 ပူးပေါင်းရင်းမြစ်များ

2 Mikoka 13:10

Kweni nge ndifwe, Ambuya ndiwo Chiuta widu, tirivi kumjowo, tendi ŵazukuru wo ŵateŵete Chiuta mbana ŵaku Aroni ndi ŵaku Leyi, ŵalemetere ku nchitu yawo.

Chituwa 28:1

“Sono umutole kufupi ndi iwe Aroni mwana munyako, ndi ŵana ŵake ŵanthurumi pamoza nayo, kuŵatuzga mukati mu ŵaYisraele, kuŵa ŵazukuru kuti ŵanditatalive; Aroni ndi ŵana ŵanthurumi ŵaku Aroni, Nadaba, Abihu, Eleazara ndi Itamara.

Yesaya 61:6

kweni imwe mukadanikanga ŵazukuru ŵa Ambuya, ŵanthu ŵakamukambaninga kuti ŵamirizi ŵaku Chiuta widu; mukarghanga usambasi wa ŵamitundu ndipo mukalankhiyanga mu chuma chawo.

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Hoseya 9:4

Kuti ŵamupaska sembe za vinyo cha kwa Ambuya; ndipo kuti ŵakumukondweska iyo cha ndi sembe zawo. Chiŵande chawo chikaŵanga nge nchiŵande cha ŵakutenje; wose wo ŵakachirghanga ŵakakazuzgikanga chifukwa chiŵande chawo chiŵenge cha nja yawo pe; kuti chikaserenga mu nyumba ya Ambuya cha.

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Yoele 1:16

Kumbi vyakurgha asi vyamara pa maso pidu, mulive chimwemwe ndi likondwa mu nyumba yaku Chiuta widu?

Yoele 2:14

Njani waziŵa kuti wakawengako cha ndi kung'anamuka, ndikusiya thumbiko kuvuli kwake, mpasku wa vyakurgha ndi mpasku wa vyakumwa kupereka kwa Ambuya Chiuta winu?

Yoele 2:17

Pakati pakuserere ndi jochero ŵazukuru, ŵateŵeti ŵa Ambuya ŵaliye, ndi ŵanene kuti, “Ambuya, mungachitanga ŵanthu ŵinu kuŵa ŵakulengeskeka mukati mu mitundu. Chifukwa nchine cho ŵakaneniyanga mukati mu ŵanthu kuti, ‘Chiuta wawo wepani?’ ”