Yeremiya 9:7 - Tonga Bible 1986

⁷ Chifukwa chenichi atiti Ambuya ŵa maŵanja, “Ehe, ndiŵasongononge ndi ndiŵesenge, pakuti na nchine so cho ndingachita, chifukwa cha ŵanthu ŵangu.

Yeremiya 9:7 ပူးပေါင်းရင်းမြစ်များ

2 Samuele 13:26

Sono Absalomu wanguti, “Asani mwakana, ndimupemphani muzomerezgeni mbali wangu Amunone tirute tose.” Karonga wangumufumba, “Chifukwa nchine warutenge nawe?”

2 Mikoka 36:15

Ambuya Chiuta wa ŵambuyawo, wanguŵatumiya ma thenga ghake ruta-ruta, chifukwa wenga wachisungusungu pa ŵanthu ŵake ndi pa malo ghake ghakujamo.

Sumu 120:4

Ndi mivwi yakuthwa ya wankhondo, ndi maka gha moto gha muti wa muŵanga!

Sumu 55:22

Taya pa Ambuya mphingu yako, ndipo iwo akakuchirikizganga; kuti azomerezgenge nanga nkhamana cha kuti wakurunjika wawo wasukuniskike.

Sumu 62:5

Mzimu wangu ulindizga chisisi mwaku Chiuta; chigomezgu changu ndiŵika mwaku iyo.

Yesaya 1:25

Nding'anamuliyenge janja langu paku imwe ndikaphotonga uloso winu uli ndi maji ghakuphoto ndi kutuzgako mthovu winu.

Yesaya 48:10

Ehe, ndakusongononi, kweni uli ndi siliva cha; ndamwesani mu ng'anjo ya suzgu.

Yesaya 59:3

Pakuti manja ghinu ghakazuzgika ndi ndopa ndi minwe yinu ndi uheni; milomo yinu yirondoro mautesi, lilime linu ling'ung'uta utimbanizi.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Yeremiya 5:1

Chimbiriyani uku ndi uku mu miseu ya Yerusalemu, lereskani ndi teskani! Penjani uku ndi uku mwenimo! Kuwona vinu mungasaniya munthu, mweniyo wachita cheruzgu chirunji ndi wapenja uneneska; alinga kuti ndimugowoke.

Yeremiya 6:27

“Ndakuchita iwe kuŵa wakwesa ndi wakulaŵa mukati mu ŵanthu ŵangu alinga kuti uziŵenge ndi kwesa nthowa zawo.

Hoseya 4:1

Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Zekariya 13:9

Ndipo ndiŵikenge chigaŵa chachitatu ichi mu moto, ndi kuchisongono mo munthu wasongonore siliva, ndi kuchesa mo golide liteseke. Ŵadanange zina langu, ndipo ndiŵamukenge. Ndinenenge kuti, ‘Mbanthu ŵangu’; ndipo ŵanenenge kuti, ‘Ambuya ndi Chiuta widu.’ ”

Malaki 3:3

wajenge nge ngwakwenga ndi wakutozga siliva. Wakatozganga ŵana ŵaku Levi ndi kuŵayengetuwa nge ndi golide ndi siliva, mpaka ŵapereke mipasku yakwenere ku Ambuya.

1 Petro 1:7

alinga kuti chirozgu cha chivwanu chinu, chakuzirwa kwakuruska golide, lo litanangika chingana ndakweseka mu moto, chisanirike kutataliya rumbu ndi unkhankhu ndi thamu pa uvumbuzi waku Yesu Kristu;

1 Petro 4:12

Mwaŵakwanjiwa, mungazizwanga ndi kesedu ulaka nkha rufya lo lazamkwesa imwe, nge nkhuti kachilendo kamuwiyani: