Yeremiya 9:16 - Tonga Bible 1986

¹⁶ Ndiŵambininiskiyenge mukati mu mitundu yeniyo iwo pamwenga auskeu kuti akuyiziŵapo cha; ndipo ndikatumanga lipanga pa ku iwo, mpaka penipo ndaŵamara.”

Yeremiya 9:16 ပူးပေါင်းရင်းမြစ်များ

Nehemiya 1:8

“Kumbukani mazu ghinu gho mungulanguliya mteŵeti winu Mosese ghakuti, ‘Asani mukaŵanga ŵambura magomekezgeka ndikakumbininiskiyaninga mu mitundu ya ŵanthu;

Sumu 106:27

ndi kumbininiskiya mphapu yawo mu mitundu, alinga kuti ŵakafwiye mu vyaru vya chilendo.

Wakutaula 12:5

ŵatopa so cho nchapachanya, ndipo vyakofya vye mu nthowa; muti wa zobala uchita maluŵa, phanana waruta kwakuzendazenda ndipo linweka limara; chifukwa munthu waruta ku muzi wake wa muyaya, ndipo wakutenje watendatenda ŵaka mu ŵagurwi.

Yeremiya 13:24

Ndimumbininiskeninge nge ndi mwere wakuputiskika ndi mphepo kutuwa ku bozwa.

Yeremiya 24:10

Ndipo ndikatumanga lipanga, chilala, ndi chideru paku wo, mpaka ŵakamaranga tetete mu charu chenicho ndinguŵapaska iwo ndi auskeu.”

Yeremiya 25:27

“Ndipo ukambenge kwaku iwo, ‘Viyo atiti Ambuya ŵa maŵanja, Chiuta waku Yisraele: Mwani, muloŵe ndipo muwukuwe, wani pasi mungayukanga so cha, chifukwa cha lipanga lo nditumenge mukati mwinu.’

Yeremiya 29:17

‘Viyo atiti Ambuya ŵa maŵanja, Ehe, ndituma paku wo lipanga, chilala, ndi chideru, ndipo ndikaŵachitanga kuŵa nge ndi nkhuyu ziheni, ziheni nadi zambura kurghika.

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

Yeremiya 8:19

Avwani, kuliya kwa ŵanthu ŵangu, kutuliya mu utali ndi mu usani wa charu: “Kumbi Ambuya mulivi mu Zioni? Kumbi karonga wake kuti we mwake cha?” “Chifukwa nchine ŵandisosomole ku kukwiya ndi ŵangoza ŵawo ŵakusemeka, ndipo ndi ŵangoza ŵawo ŵachilendo?”

Ezekiele 11:17

Chifukwa ichi unene kuti, ‘Viyo atiti Ambuya Chiuta: Ndikawunjikanga imwe kutuwa mu ŵanthu, ndi kuwungang'iska imwe kutuwa mu vyaru vyo mungumbininikyamo, ndipo ndikakupaskaninga charu cha Yisraele.’

Ezekiele 12:15

Ndipo ŵakaziŵanga kuti ine ndine Ambuya, asani ndaŵambininiskiya mukati mu mitundu ndi kuŵaparghang'iya mu vyaru.

Ezekiele 14:17

Pamwenga asani nditore lipanga pa charu chiya, ndi kuti, lipanga liporote mu charu; ndi kudumuwamo munthu ndi chakuŵeta;

Ezekiele 20:23

Ndipo so ndinguŵarapiyamu bozwa kuti ndikaŵambininiskiyanga mu mitundu ndi kuŵaparghang'iya mu vyaru vinyake,

Ezekiele 27:2

“Sono iwe, mwana wa munthu, buska chitenje paku Turo,

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

Ezekiele 5:2

Chigaŵa chimoza cha vigaŵa vitatu uwoche pa moto mukati mu msumba, asani mazuŵa ghakuwujarizgiya ghafiskika; chigaŵa chinyake uchipume-pume ndi lipanga kuzunguliya msumba; ndipo chigaŵa cha chitatu uchimbininiske ku mphepo, ndipo ine ndikasoronga lipanga pavuli pawo.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Amosi 5:16

Chifukwa ichi atiti Ambuya, Chiuta wa maŵanja, Ambuya: “Mu maluluwa mose mukaŵangachitenje; ndipo mu ŵagurwi wose ŵakatinge, ‘Owe! owe!’ Ŵakadananga ŵalimi kuzachiliya ndi kwazachiliya ndi wo mbakugozga mu chitenje,

Mika 2:4

Mu zuŵa liya ŵakambanga sumu yakunyoza imwe, ndi kubongo ndi chitenje chikuru, ndi kuti, “Tapasuka ukongwa; wasintha phandi la ŵanthu ŵangu; mo walituzgiyako kwaku ine! Ŵagaŵiya minda yidu kwaku wo ŵatiko.”

Zekariya 7:14

“Ndipo ndinguŵambininiska ndi kanthenga mukati mu mitundu yose yo iwo kuti ŵangiyiziŵa cha. Viyo charu cho ŵangutuwamo chinguja mahame, kwengavi munthu wakwendamo, ndipo charu chakutowa chenga bozwa.”

Marangu 28:25

“Ambuya akamuchitaninga kuti mupundike paurongo pa ŵamawongo ŵinu, mukaŵayukiyanga nthowa yimoza ndipo mukathaŵanga nthowa zinkhonde ndi ziŵi paurongo pawo, ndipo mukagwedukiyanga pasi pa maufumu ghose gha charu chapasi.

Marangu 28:36

“Ambuya akamuperekaninga pamoza ndi karonga winu yo mwamika pachanya pinu ku mtundu wo imwe nanga mbauskemwe ŵalivi kuwuziŵa, ndipo kwenikuwa mwamuteŵete ŵachiuta ŵanyake ŵa muti ndi ŵa mwa.

Marangu 28:64

Ndipo Ambuya akamumbininiskiyaninga mukati mu ŵanthu wose kwamba ku umari wa charu chapasi, kuya ku unyake, ndipo mwenimuwa mwamuteŵete ŵachiuta ŵamwenga, ŵa muti ndi mwa, ŵeniwo chingana ndimwe chingana mbauskemwe ŵengavi kuŵaziŵa kali.

Marangu 32:26

Mphanyi ndingukamba kuti, “Ndikaparghang'iyanga kutali, ndikamaranga chikumbusku chawo mu ŵanthu.”

Marangu 4:27

Ambuya akumuparghang'iyani mu mitundu ya ŵanthu, ndipo mwamusiyika mwamanavi mukati mu mitundu mwenimo Ambuya amudikiskiyeninge.

Yakobe 1:1

Kalata wakutuwa kwaku Yakobe, mteŵeti waku Chiuta ndi wa Mbuya Yesu Kristu, ku mafuku gho chumi ndi ghaŵi gha kuchapariya, moni.