Yeremiya 9:10 - Tonga Bible 1986

¹⁰ “Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 9:10 ပူးပေါင်းရင်းမြစ်များ

Yesaya 41:15

Ehe, ndikakuchitanga kuŵa mbuli ufya, wakuthwa ndi wakuŵa ndi minyu; iwe ukabulanga mapiri ndi kughaswa, ndipo mitunthu ukayichitanga kuŵa mwere.

Yesaya 49:19

“Kwakuneneska malo ghako gha mapopa ndi phasulu ndi charu chako chakuphwanyika kwakuneneska sono ukaŵanga mufinyi ukongwa ku ŵakujamo mwako ndipo wo ŵangukumeza sono ŵakaŵanga kutali ukongwa.

Yeremiya 12:10

Ŵaliska ŵanandi ŵabwanganduwa munda wangu wa mphereska, ŵapwatiya pasi chigaŵa chinga, charu changu cha kukondweska ŵachisanduska bozwa la uyiku.

Yeremiya 12:11

Ŵachisanduska uyiku; nchauyiku, chiliriya ine. Charu chose ŵachisanduska uyiku, kweni palivi munthu yo waphwereko ndi ichi.

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Yeremiya 14:6

Ŵaboli ŵatuma pa mitunthu pa mtetete, ŵaŵeŵefukiya mphepo uli mbakambwe; maso ghawo ghatondeka, chifukwa chipozwa kulivi.

Yeremiya 2:15

Nkharamu zamuwurumiya, zamukorome kwakubangula. Zapopeska charu chake; mizi yake njakupasuka, mulivi wakujamo.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Yeremiya 23:10

Pakuti charu chazazika ndi ŵareŵi; chifukwa cha thembo charu chitenje ndipo mauliska gha mubozwa ghamira. Kenderu kawo mbuheni, ndipo nthazi yawo kuti njakurunjika cha.

Yeremiya 50:3

“Pakuti kutuliya ku nkhonde mtundu waza kukwere paku iyo, wo ukachitanga charu chake kuŵa mapopa, ndipo paulengevi yumoza wakuja mwenimo; wose munthu ndi nyama ŵakathaŵanga.

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

Yeremiya 8:18

Chitima changu nchambura kuchizgika, mtima ngwakutama mukati mwangu.

Chitenje 1:16

“Paku ivi vinthu ndiliya; maso ghangu ghadira masozi, pakuti wakusangaruska we kutali ndi ine, yo wangandiwerezgamo nthazi; ŵana ŵangu ŵe ŵija, pakuti wakupindikana wapunda.”

Chitenje 2:11

Maso ghangu ghajaliya kuliya pe; mzimu wangu usuzgika; mtima wangu upungulikiya mu chitima chifukwa cha kubwangandulika kwa ŵanthu ŵangu, chifukwa malitema ndi ŵana ŵalakatuka, mu miseu ya msumba wo.

Chitenje 5:18

Chifukwa cha phiri Zioni lo ndauyiku; ŵakambwe ŵatendatenda paku lo.

Ezekiele 14:15

Asani ndidana vikoko vya mudondo kuporota mu charu, ndi kuchinanga, ndipo chituŵa mapopa, ndi kuti paulevi nanga ndi munthu yumoza wakuporotamo chifukwa cha vikoko;

Ezekiele 27:2

“Sono iwe, mwana wa munthu, buska chitenje paku Turo,

Ezekiele 29:11

Kuti rikaporotangamo rundi la munthu pamwenga la nyama cha; chikaŵanga charu chambura wakujamo kwa virimika machumi ghanayi (40).

Ezekiele 33:28

Ndipo ndikachitanga charu kuti chiŵe phasulu ndi mapopa; kujikuzga kwake kwa nthazi kukamaranga; ndipo mapiri mu Yisraele ghakaŵanga nadi phasulu mwakuti kuwulengevi yumoza wakuporotamo.

Ezekiele 6:6

Kweniko kose muja misumba yinu yikapasukanga, malo ghinu gha pachanya ghazgokenge mapopa, viyo kuti majochero ghinu ghakapasukanga ghakaŵanga mayiyi, ŵangoza ŵinu kufyoka ndi kuparghangika, majochero ghinu gha vyakusunkhizga ghakadumulikiyanga pasi, nchitu zinu zikamaranga.

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Yoele 1:19

Ambuya, ndililiya imwe. Chifukwa moto wawocha vipozwa mu dondo, ndi mlipu wawocha miti yose mu dondo.

Amosi 5:1

Vwani mazu yagha ndikutoriyani mu chitenje, nyumba yaku Yisraele!

Amosi 5:16

Chifukwa ichi atiti Ambuya, Chiuta wa maŵanja, Ambuya: “Mu maluluwa mose mukaŵangachitenje; ndipo mu ŵagurwi wose ŵakatinge, ‘Owe! owe!’ Ŵakadananga ŵalimi kuzachiliya ndi kwazachiliya ndi wo mbakugozga mu chitenje,

Mika 2:4

Mu zuŵa liya ŵakambanga sumu yakunyoza imwe, ndi kubongo ndi chitenje chikuru, ndi kuti, “Tapasuka ukongwa; wasintha phandi la ŵanthu ŵangu; mo walituzgiyako kwaku ine! Ŵagaŵiya minda yidu kwaku wo ŵatiko.”

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.