Yeremiya 8:9 - Tonga Bible 1986

⁹ Ŵanthu ŵazeru ŵakalengeskekanga, ŵakatenthemanga ndi kutoreka; ehe, ŵakana mazu gha Ambuya, na ndi zeru uli ze mwawo?

Yeremiya 8:9 ပူးပေါင်းရင်းမြစ်များ

2 ŴaKaronga 17:15

Ŵanguyeya vyeruzgu vyake, ndi phanganu lake lo wangupangana ndi auskeu, ndi kuchenjezgeka ko wanguŵachenjezga. Ŵangundondoloska ŵangoza ŵatesi ndipo ŵangusanduka ŵatesi, ŵangundondoloska mitundu yo yinguŵazunguliya, paku yeniyo Ambuya anguŵalanguliya kuti ŵangachitanga nge ndiyo cha.

Jobu 5:12

Wang'anamuskiya panyake fundu za ŵanthu ŵarghargha, mwakuti manja ghawo ghareke kufiska cho ŵakhumba.

Jobu 5:13

Wako ŵavinjeru mu urghargha wawo, ndi fundu za ŵachenjezi watizimara ruŵiruŵi.

Sumu 19:7

Dangu la Ambuya ndamampha kwakufikapo, liwerezgemo mzimu; chisimisimi cha Ambuya nchakukho, muzereza chitumusanduska wazeru;

Yesaya 19:11

Ŵeruzgi ŵa Zoani mbabereŵeza kwakufikapo, nduna za zeru zaku Farao zipaska fundu zakupusa. Ungakamba uli kwaku Farao, “Nde mwana wa ŵazeru, mwana wa ŵakaronga ŵamwaka”?

Yesaya 29:14

chifukwa cho ehe, ndiwerezgengepo kuchita vinthu vyakuziziswa ndi ŵanthu yaŵa, vyaminthondwe ndi vyakuziziswa; ndipo vinjeru vya ŵanthu ŵawo ŵazeru vikawaranga, ndipo kuteska kwa ŵanthu ŵawo ŵakuteska kukabisikanga.”

Yesaya 43:27

Auskemwe ŵakudanga ŵangulakwa, ndipo ŵamwenda pakati ŵinu ŵangundinangiya.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Yeremiya 2:8

Ŵazukuru ŵengavi kukamba, ‘Ambuya ŵepani?’ Ŵakuko dangu kuti ŵangundiziŵa cha ine; ŵakuwusa ŵangundichimwiya; ŵamchimi ŵanguchimiya paku Bala, ndipo ŵangundondoloska mu vinthu vyambura kwanduwa kanthu.

Yeremiya 49:7

Gha paku Edomu. Viyo atiti Ambuya ŵa maŵanja: “Kumbi zeru kuti zichalimu cha mu Temani? Kumbi fundu zaŵamariya ŵa zeru? Kumbi chinjeru chawo chikuzilimitiya?

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Yeremiya 6:19

Yivwa, wa charu chapasi we; ndikazanga ndi chiheni pa ŵanthu yaŵa, chipasi cha vipangu vyawo! Chifukwa walivi kuphwere mazu ghangu: ndipo nge ndi dangu langu ŵalikana.

Ezekiele 7:26

Soka lituza pa soka, mbiri yirondo mbiri; ŵapenja chiwona ku mchimi, kweni dangu limara ku mzukuru, ndi fundu ku ŵara.

Amosi 2:4

Viyo atiti Ambuya: “Chifukwa cha maulakwi ghatatu ghaku Yuda, ndi wachinayi, kuti ndiwezgenge kulangika kwake cha; chifukwa ŵakukana dangu la Ambuya, ndipo kuti ŵasunga virungu chizgu vyake cha, kweni mautesi ghawo gha ŵapuruska, ghenigho auskeu ŵangugharondo.

Zekariya 13:4

Mu zuŵa lo mchimi yose walengenge soni ndi chiwona chake wachichima; kuti wavwarenge munjilira waweya cha kujipusika nawo.

Marangu 4:6

Mughasunge ndi kughachita, pakuti ivi ndi zeru zinu ndikuziŵiska kwinu panthazi pa mitundu. Po Yivwenge visambizgo vyose ivi, yamukuti, ‘Nadi ŵanthu ŵa mtundu ukuru uwu mbazeru ndi ŵakuwamo.’

2 Timote 3:15

ndikuti kutuwa ku ulitema waghaziŵiriya malembo ghakupaturika ghenigho nganthazi kukusanduska wazeru kutaskikiya mu chivwanu chamwaku Kristu Yesu.