Yeremiya 8:2 - Tonga Bible 1986

² ndipo vikanikikanga pa lumwi ndi mwezi ndi maliŵanja ghose gha kuchanya, ghenigho ŵanthu wo ŵangwanja ndi kughatataliya, ghenigho wangurondo, ndi ghenigho ŵangupenja ndi ŵangughasopa, ndipo kuti vikaunjikikanga chingana nkhuŵikika cha: vikaŵanga nge ndi vundira pa chisku cha charu.

Yeremiya 8:2 ပူးပေါင်းရင်းမြစ်များ

2 ŴaKaronga 17:16

Kweni iwo ŵangujowo marangu ghose gha Ambuya Chiuta wawo, ŵangujichitiya vikozgu vyakwenguwa vya ng'ombe ziŵi, ŵangujichitiya Ashera, ndipo ŵangusopa maliŵanja ghose kuchanya, ndipo wangutataliya Bala.

2 ŴaKaronga 21:3

Pakuti wanguzenga so malo gha pachanya gho awiske Hezekiya ŵangubwanganduwa, ndipo wanguzenga majochero ghaku Bala ndi wangupanga Ashera, uli ndimo wanguchitiya Ahabu karonga wa waYisraele, ndipo wangusopa maŵanja ghose gha kuchanya, ndi kughateŵete.

2 ŴaKaronga 21:5

Wanguzenge maliŵanja ghose ghakuchanya majochero mu maluluwa ghaŵi gha nyumba ya Ambuya.

2 ŴaKaronga 23:5

Wangutuzgamo ŵazukuru ŵa ŵangoza wo ŵakaronga ŵaku Yuda ŵangumika kocha vyachema mu malo ghapachanya mu misumba yaku Yuda ndi kwakuzunguliya Yerusalemu, ndi ŵeniwo so wochiyanga vyachema Bala, ŵakoche lumwi, mwezi, ndiwumba wanyenyezi, ndi maŵanja ghose gha kuchanya.

Sumu 53:5

Ehe ko ŵali, mu chitenthe chikuru, mu chitenthe chenicho nanga ndi kalikuti chikuŵapo cha! Pakuti Chiuta waparghang'enge viwanga vya wambura kuziŵa Chiuta; ŵalengeskekenge, pakuti Chiuta waŵapata.

Sumu 83:10

wo ŵanguthereskeka pa Endoro, ŵeniwo vitanda vyawo vinguŵa vundira pa charu.

Sumu 83:11

Ŵarongozgi ŵawo ŵankhondo muŵachitenge ndi Orebe ndi Zebe. Thereskani mafumu ghawo ghose nge ndi Zeba ndi Zalamuna,

Wakutaula 6:3

Asani munthu wabala ŵana machumi pe chumi, ndi kuŵa ndi umoyo wa virimika vinandi, ndi kuti mazuŵa ghavirimika vyake nganandi, kweni umoyo wake kuti ukondwere mu vinthu vyamampha cha, ndipo so muwunda nawo walivi, ndikamba kuti wakupapika kwambura kufikapo pa nyengo yake ngwamampha ukongwa kuruska iyo.

Yeremiya 14:16

Ndipo ŵanthu, kwaku ŵeniwo ŵachimiya, ŵakapong'ekanga kubwalo mu miseu ya Yerusalemu, ŵakubayika ndi chilala ndi lipanga, pakaŵangavi ndi wakuŵaŵika, iwo, ŵawoli ŵawo, ŵana ŵawo ŵanthurumi ndi ŵana ŵawo ŵanthukazi. Pakuti ndikadiranga utimbanizi wawo paku iwo ŵeneko.

Yeremiya 16:11

Penipo iwe uŵamukenge kuti, ‘Chifukwa auskemwe ŵakundisiya, atiti Ambuya, ndipo ŵakundondoloska ŵachiuta ŵanyake kuŵatataliya ndi ku ŵasopa, ndipo ŵakundisiya ine, ndi ŵalivi kusunga dangu langu.

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Yeremiya 16:6

Wose ŵara ndi ŵamana ŵakafwiyanga mu charu ichi; kuti ŵakaŵikikanga cha, ndipo paulengevi yumoza wakuŵatenje nanga nkhujicheka pamwenga kumeta phala chifukwa chawo.

Yeremiya 19:13

Nyumba za Yerusalemu ndi nyumba za ŵakaronga ŵaku Yuda, nyumba zose zenizo pa mitenje yake vyachema vikochekiyapo ku liŵanja lose la kuchanya, ndi mipasku yakumwa yikudikiyapo ku ŵachiuta ŵanyake, zikakazuzgikanga, nge ndi malo gha Tofeti.’ ”

Yeremiya 22:19

Wakaŵikikanga nge ndi mbunda, wakaguguzikanga ndi kupong'eka kubwalo kwa malikomo gha Yerusalemu.”

Yeremiya 25:33

“Ndipo wo mbakubayika ndi Ambuya mu zuŵa lo ŵakawonekanga kutuwa ku chigoti chimoza cha charu chapasi kwachifika ku chigoti chinyake. Ŵanthu kuti ŵakaŵatenjenga, nanga nkhuŵaunjika, pamwenga kuŵaŵika cha; ŵakaŵanga vundira pa chisku cha charu chapasi.

Yeremiya 31:40

Dambo lose la viŵanda ndi vyoto, ndi minda yose kwachifika ku kamsinji ka Kidroni, kwachifika ku chisongo cha Likomo la Kavalo kurata ku vuma, pose pakaŵanga malo ghakupaturikiya ku Ambuya. Kuti ukazuwikanga nanga nkhubwangandulika so cha muyaya.”

Yeremiya 36:30

Chifukwa cho atiti Ambuya gha paku Yehoyakimu karonga waku Yuda: ‘Kuti wakaŵangupu nayo cha wakuja pa chitengo cha ufumu waku Davidi, ndipo chiŵanda chake chikapong'ekanga kubwalo, ku chifundizi ndi msana ndi ku chiuli ndi usiku.

Yeremiya 9:20

Mwa ŵanthukazi mwe, avwani mazu gha Ambuya, gutu linu lironde mazu gha mlomo wawo; ŵana ŵinu ŵanthukazi muŵarunguchizge chitenje, yose warunguchizge mwanasi wake sumu ya chitenje.

Yeremiya 9:21

Pakuti nyifwa yakwera yasere pa madangazi ghidu, yasere mu nyumba zidu za ufumu, kuŵadumuwa ŵana mu miseu ndi ŵanyamata mu mabwalo.

Yeremiya 9:22

Rongoro, “Viyo atiti Ambuya: ‘Viŵanda vya ŵanthurumi vikawanga uli ndi vundira mu munda wapakweru, nge ndi nchinda pavuli pa wakuvuna, ndipo paulengevi yumoza wakuviyora.’ ”

Ezekiele 29:5

Ndipo ndikakupong'anga mu mapopa, iwe pamoza ndi somba zamu misinji yako; wamukuwa mu dondo pakwero kuti ukawunjikikanga chingana nkhuŵikika cha. Ndakupereka kuŵa chakurgha cha vinyama vya charu ndi viyuni vya mude.

Ezekiele 39:5

Ukawanga pa bwaro pa mteteti; ndimo ndakambiya, atiti Ambuya Chiuta.

Ezekiele 6:5

Ndigonekenge viŵanda vya ŵaYisraele paurongo pa ŵangoza ŵawo, ndipo ndiparang'enge viwanga vinu kwakuzunguliya majochero ghinu.

Ezekiele 8:16

Ndipo wangunditore mu luluwa la mukati la nyumba ya Ambuya; awonani, pakhomo pa kasopi wa Ambuya, pakati pa khonde lake ndi jochero, penga akhumba ŵanthu machumi ghaŵi ndi ŵankhonde, ŵangurazga misana yawo ku kasopi wa Ambuya, visku vyawo vingurazga kuchiri ku vuma, ŵasopanga lumwi ku kutuliya kwake.

Zefaniya 1:17

Ndiŵaziyenge ŵanthu ndi suzgu, mwakuti ŵendenge nge mbachiburumutiya, chifukwa ŵanangiya Ambuya; ndopa zawo zipungulikenge nge ndi fuvu, ndi munofu wawo nge ndi mtawi.

Zefaniya 1:5

ndi wo ŵasopa pachanya pa nyumba, maŵanja gha kuchanya; ndi wo ŵasopa ndi kurapa ku Ambuya, ndipuuli ŵarapa Milikomu;

Machitidu gha Ŵakutumika 7:42

Kweni Chiuta wangung'anamuka, ndipo wanguŵapereka kwachiteŵete liŵanja la machanya uli ndimo kwalembeke mu buku la ŵamchimi: ‘Kumbi mungunditole vyakubayika ndi visopu, virimika machumi ghanayi (40) mu bozwa wanyumba we waku Yisraele?

Marangu 17:3

pakuteŵete ŵachiuta ŵanyake ndi kuŵasopa, pamwenga kusopa dazi, pamwenga mwezi, pamwenga che chose cha maliŵanja gha kuchanya, cho ndakanizga.

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.