Yeremiya 8:12 - Tonga Bible 1986

¹² Kumbi ŵanguchita soni penipo wanguchita ukazuzi? Awa, kuti ŵanguchita soni ndi keni kamana cha; ŵengavi kuziŵa kuzimbwa. Chifukwa cho ŵakawanga mukati mu ŵakuwa, penipo ndikaŵalanganga ŵakathereskekanga, atiti Ambuya.

Yeremiya 8:12 ပူးပေါင်းရင်းမြစ်များ

Chiyambo 19:34

Ndipo pa zuŵa la pavuli, waumwali yo wanguti ku mhurwa wake, “Awona ndala nayo uskefwe usiku waruta; tiye timumweske vinyo usiku uno nawo; ndipo iwe ukasere ndi kula nayo alinga tisunge mphapu kuturiya ku uskefwe.”

Sumu 52:1

Utijitumbwiyanjimu uheni, wa chilimbi we, ndi viheni vyo vichitikiya pa wakopa Chiuta? Zuŵa lose, utata pharghaniko.

Sumu 52:7

“Awoni munthu yo wengavi kusanduska Chiuta kuŵa chakudingang'amo chake, kweni wangugomezga uzari wa usambasi wake, ndi mu uromba wake kuŵa chakudingang'amo chake.”

Yesaya 24:2

Ndipo kukaŵanga, mo kuliri ku ŵanthu, ndimo kukaŵiyanga mzukuru, mo kuliri ku muŵanda, ku mbuyake naku so viyo, nge nkhu muŵanda munthukazi, ku mbuyake munthukazi naku so viyo, nge nkhu wakugula malonda, ku wakusaska naku so viyo, nge nkhu wakubwereka, ku wakubwerekeska naku so viyo, nge nkhu wakukongola, ku wakukongoleska naku so viyo.

Yesaya 3:9

Ŵakaboni ŵawo ŵatesi ŵachita ukaboni paku wo, ŵamemeza uheni wawo nge ndi Sodomu, kuti ŵatiwubisa cha. Owe kwaku iwo! Pakuti ŵajitole uheni pa ŵeneko.

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yeremiya 14:15

Chifukwa cho atiti Ambuya gha pa ŵamchimi ŵeniwo ŵachimiya mu zina langu, chingana ndengavi kuŵatuma, ŵeniwo ŵatiti, ‘Lipanga ndi chilala kuti vikazanga pacharu ichi cha’: Ndi lipanga ndi chilala ŵakamaranga ŵamchimi wo.

Yeremiya 23:12

Chifukwa cho nthowa zawo zikaŵanga kwaku iwo nge ndi nthowa zakuteremuka mu mdima, mwenimo ŵakadikiskikiyangamo ndi kuwa; pakuti ndikatolenga chiheni pakuwo mu chirimika cha kulangika kwawo, atiti Ambuya.

Yeremiya 3:3

Chifukwa chenichi manthonera ghakanizgika ndipo vuwa ya chifuku palivi; ndipuuli iwe wendi chisku cha ureŵi, ukana kuchita soni.

Yeremiya 44:10

Ŵalivi kujiyuyuwa mpaka ku zuŵa lino, chingana nkhuti ŵawope cha, chingana nkhwenda mu dangu langu ndi malangulu ghangu ghenigho ndinguŵika paurongo pinu ndi paurongo pa auskemwe.

Yeremiya 6:15

Kumbi ŵanguchita soni pakuchita unyakazi? Awa, kuti ŵanguchita soni nanga mkhamana cha; ŵengavi kuziŵa kuzimbwa. Chifukwa cho ŵakawiyanga pamoza ndi wo ŵatauwa; pa nyengo yo ndikaŵalanganga, ŵakathereskekanga,” atiti Ambuya.

Yeremiya 6:21

Chifukwa cho atiti Ambuya; ‘Ehe, ndikaŵikanga paurongo pa ŵanthu yaŵa viguŵisku mwaku vyo ŵakaguŵanga: ŵawiskeu ndi ŵana ŵanthurumi pamoza, muzengezgani ndi bwezi ŵakamaranga.’ ”

Ezekiele 23:18

Chifukwa chakupinga ureŵi wake pakwero ndi kwanika nkhuli yake, ine ndingumusiya mwa kumutinkha, nge ndimo ndingusiyiya muku wake.

Hoseya 5:9

Efraimu wasandukenge mahame mu zuŵa lakurangika kwake; ndiziŵiska mafumu gha ŵaYisraele cho chikaŵangako nadi mukati mwawo.

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.