Yeremiya 8:11 - Tonga Bible 1986

¹¹ Ŵachizga bala la ŵanthu ŵangu kamanavi keni, ŵatiti, ‘Chimangu, chimangu,’ penipo chimangu palivi.

Yeremiya 8:11 ပူးပေါင်းရင်းမြစ်များ

1 ŴaKaronga 22:13

Ndipo nthumi yo yingamudana Mikaya yinguti kwaku iyo, “Ehe, mazu gha ŵamchimi ngakuzomerezgana kuchimiya umampha pa karonga, mazu ghako nagho ughachite kuŵa ghakukozgana ndi mazu gha yumoza waku wo, ndipo ukambe gha umampha.”

1 ŴaKaronga 22:6

Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

Yeremiya 14:13

Sono ndinguti, “Na, Ambuya Chiuta, ehe, ŵamchimi ŵatiti kwaku wo, ‘Kuti mukawonanga lipanga cha, chingana nkhuti mukaŵanga ndi chilala cha, kweni ndikakupaskaninga chimangu chakuneneska mu malo ghenighano.’ ”

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Yeremiya 6:14

Ŵachizga bala la ŵanthu ŵangu kamanavi keni, ŵatiti, ‘Chimangu chimangu’, penipo kulivi chimangu.

Yeremiya 8:15

Tingulereze chimangu, kweni kuti tinguwona umampha cha, tingupenja nyengo yakuchizga, kweni ehe, kofya.

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Ezekiele 13:22

Chifukwa kwautesi mwachitiska chitima wakurunjika nanga ine kuti ndamuchitiska chitima cha, ndi mwalimbiska muheni, kuti ndamuchitiska chitima cha, ndi mwalimbiska muheni, kuti wareke kung'anamukako ku nthowa yake yiheni mwakuti wataske umoyo wake;

Mika 2:11

Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

1 ŴaTesalonika 5:3

Po ŵatiti, “Chimangu ndi wanangwa,” penipo ndipo phasulu lituŵawiya kwakubuchizga, uli ndimo urwirwi utumuŵiya wanthumbo; ndipo kuti wampozomoka kose cha.