Yeremiya 7:34 - Tonga Bible 1986

³⁴ Ndipo ndikakanizganga mu mizi yaku Yuda ndimu miseu ya Yerusalemu, mazu gha kadara ndi mazu ghakukondwa kuti ghakavwikanga cha, mazu ghamweni nthengwa ndi mazu ghamwali wanthengwa; pakuti charu chikasandukanga mapopa.

Yeremiya 7:34 ပူးပေါင်းရင်းမြစ်များ

Jobu 3:7

Inya usiku uwa uŵe mayiyi, mureke kutuwamo kukambura kwalikondwa.

Sumu 78:63

Ŵanyamata ŵangubayika mu nkhondo, ndipo ŵamwali pengavi yumoza wakuŵato nthengwa.

Yesaya 1:7

Charu chinu nchamapopa, mizi yinu yocheka ndi moto; mu maso ghakumwaŵeni ŵalendo ŵaphwanya charu chinu; nchamapopa, nge chatereskeke ndi ŵalendo.

Yesaya 3:26

Ndipo malikomo ghake ghakatenjenga ndi kuliya; wakubwanganduka, wakajanga pa dongo.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yeremiya 16:9

Pakuti atiti viyo Ambuya ŵa maŵanja, Chiuta waku Yisraele: Ehe, ku malo yagha, paurongo pa maso ghako mu mazuŵa ghako, ndikamarizganga mazu gha kadara ndi mazu gha kukondwa, mazu gha mweni nthengwa ndi mazu gha mwali wanthengwa.

Yeremiya 22:6

Pakuti viyo atiti Ambuya gha pa nyumba ya karonga waku Yuda; Ukozgana ndi Gileada kwaku ine, uli ndi malo ghakukwera gha Lebanoni, ndipuuli ndikakuchitanga kuŵa bozwa, msumba wambura ŵanthu.

Yeremiya 25:10

Ndipo so, ndikatuzgangamo mazu gha kadara ndi mazu gha likondwa, mazu gha mweninthengwa, ndi mazu gha mwali wanthengwa, kupera kwa zimphe, ndi ukweru wa nyali.

Yeremiya 27:17

Rekani kuŵategherezga; tataliyani karonga wa Babiloni mwakuti muŵe ŵamoyo. Chifukwa chine chakuti msumba uwu uŵe mapopa?

Yeremiya 33:10

“Viyo atiti Ambuya: Mu malo yagha ghenigho mutighanena kuti, ‘Ndi mapopa mwambura munthu pamwenga nyama,’ mu misumba yaku Yuda ndi miseu ya Yerusalemu yeniyo nja uyiku, yambura munthu, pamwenga wakujamo, pamwenga nyama, mwazamuvwika so

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Yeremiya 4:26

Ndingulereska, ndi ehe, charu cha minda chingusanduka bozwa, ndipo mizi yake yose yingupopeskeka paurongo pa Ambuya, paurongo pa ukari wawo wakofya.

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.

Yeremiya 44:6

Chifukwacho ukari wangu ndi kukwiya kwangu vingudika ndi vingukole mu msumba yaku Yuda ndi mu miseu ya Yerusalemu; ndipo vinguŵa phasulu ndi mapopa, nge ndimo kuliri msana wale.

Chitenje 5:14

Madoda ghareka kuja pachipata chamsumba ŵanyamata ŵareka kumba sumu zawo.

Ezekiele 26:13

Ndikarekeskanga kumba kwa sumu zako, kumba kwa ŵabangwi ŵako kuti kukavwikanga so cha.

Ezekiele 7:11

Nkhaza zakuwa kuŵa nthonga ya uheni; palivi yumoza waku iwo wakajanga, nanga vya uzali wawo, pamwenga usambasi wawo; ndipo kuti wakaŵangako cha wakuŵatenje mukati mwawo.

Hoseya 2:11

Ndipo nkhalekeskanga kukondwa kwake kose; madghera ghake, myezi yake yifya, ŵasabata ŵake, ndi madghera ghake ghose ghakunozgeka.

Hoseya 2:13

Ndipo ndimurangenge chifukwa cha mazuŵa gha madghera gha ŵaBala mwaku gho wawochanga vyakununkhira kwaku iwo, ndi wanguvwala mphete ndi vyakugalarika vyake, wangurondo ŵakumwanja ŵake, ndi wangundiruwa ine, atiti Ambuya.

ŴaLevi 26:33

Ndipo ndikaparghang'iyanga imwe mu mitundu, ndipo nkhawewepuwanga lipanga mu chibazi kukudikiskani; charu chinu chikaŵanga phasulu, ndipo misumba yinu yikaŵanga mapopa.

Mika 7:13

kweni charu chikaŵanga chakupasuka chifukwa cha ŵakujamo ŵake, chifukwa cha vyakutuwa mu milimu yawo.

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.