Yeremiya 7:31 - Tonga Bible 1986

³¹ Ndipo ŵazenga malo gha pachanya pa Tofeti, gho ghe mu dambo la mwana waku Hinomu, kwachocha ŵana ŵawo ŵanthurumi ndi ŵana ŵawo ŵanthukazi mu moto; chinthu cho ndengavi kuchitamula, chingana nkhuti chenga mu maghanughanu ghangu nako cha.

Yeremiya 7:31 ပူးပေါင်းရင်းမြစ်များ

2 ŴaKaronga 17:17

Ndipo ŵangocha ŵana ŵawo ŵanthurumi ŵanthukazi kuŵa mipasku ndipo wanguchita maula ndi kombeza ndipo ŵangujiguliska ku kuchita uheni mu maso gha Ambuya kuŵasosomole ku ukari.

2 ŴaKaronga 23:10

Ndipo ŵangukazuzga Tofeti, yo we mudambo la ŵana ŵaku Hinomu kuti paulevi yumoza wakuti wawochemo mwana wake munthurumi pamwenga mwana wake munthukazi kuŵa mpasku kwaku Moleki.

2 ŴaKaronga 23:20

Wangubaya ŵazukuru wose ŵa malo gha pachanya wo ŵenga mwenimuwa, wanguŵabayiya pa majochero ndipo wangocha viwanga vya ŵanthu pachanya pake.

2 Mikoka 28:3

ndipo wanguwocha vyakununkhira mu dambo la mwana waku Hinomu, ndi wangocha ŵana ŵake kuŵa sembe kwakuyana ndi kachitiro kaunyakazi ka mitundu yeniyo Ambuya anguyidikiska paurongo paku Yisraele.

2 Mikoka 33:6

Wangocha ŵana ŵake mu moto nge ndi mpasku mu dambo la mwana waku Hinomu, wanguchita maula ndi ufwiti, ndi kupenja viŵanda ndi ŵakuwombeza. Wanguchita ulakwi unandi pamoso gha Ambuya, kuyuskaukari wawo.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Yesaya 57:5

imwe mukore ndi malikhumbira mukati mu miti musina mu muti wose uŵisi; imwe mubaya ŵana ŵinu mu madambo, kusi ku malijengwajengwa gha majarawe?

Yeremiya 19:2

ndipo murute ku dambo la mwana waku Hinomo pa kuserere pa Likomo la Zinga; ndipo penipa ukamemeze mazu ghenigho nditukunene.

Yeremiya 2:23

Kumbi mungakamba uli kuti, ‘Ndakazuzgika cha, kuti ndandondoloska ŵaBala cha.’? Lereskani pa nthowa yinu muchidika, ziŵani cho mwachita, gamila mu mana wa mtafu wakwendayenda kosekose.

Yeremiya 32:34

Wakumika maukazuzi ghawo mu nyumba yeniyo yidanika ndi zina langu, kuyikazuzga.

Yeremiya 32:35

Ŵakuzenga vitanthali vyaku Bala mu dambo la mwana waku Hinomu, kwachipereka ŵana ŵawo ŵanthurumi ndi ŵanthukazi kwaku Moleke po ine ndengavi kuŵalanguliya, nanga nkhughanaghana kuti ŵachitenge ukazuzi uwu, kumulakwiska Yuda.

Ezekiele 16:20

Ndipo ŵana ŵanthurumi ndi ŵana ŵanthukazi wo ungupapiya ine, iwe ukuŵato kuŵapereka sembe kwaku wo kuti ŵarghike. Kumbi chifukwa cha maureŵi ghako kenga kanthu kawana-wana,

Ezekiele 20:26

ndinguŵakazuzga mu vyawanangwa vyaku iwo ŵeneko pakuŵachitiska kuti ŵapereke mpasku wapa moto ŵana ŵawo wose ŵaumwali, mwakuti ndiŵawofye, ndinguchita ichi alinga kuti ŵaziŵe kuti ine ndine Ambuya.

Ezekiele 20:31

Po mupereka vyawanangwa ndi kupereka ŵana ŵinu sembe yapa moto, mwajikazuzga imwe mwaŵeni ndi ŵangoza ŵinu wose mpaka ku zuŵa lino. Ndipo kumbi ndikafumbirikiyanga ndi imwe, owe nyumba yaku Yisraele? Mo ndiliri wamoyo, atiti Ambuya Chiuta, kuti ndikafumbirikiyanga ndi imwe cha.

ŴaLevi 18:21

Ungaperekangapo nanga njimoza wa ŵana ŵako, kuŵapereka mu moto kwaku Moleke cha; ndi kuwozga zina laku Chiuta winu. Ndine Ambuya.

Mika 6:7

Kumbi nkhaperekanga mwana wangu wa umwali chifukwa cha maulakwi ghangu, chipasi cha liŵavu langu chifukwa cha kwananga kwa mzimu wangu?”

Marangu 12:31

Mungachitanga viyo cha ku Ambuya Chiuta winu; chifukwa Ambuya Chiuta winu watinkha chinthu chose cha ukazuzi cho ŵachitiya ŵachiuta ŵawo, pakuti ŵatoche mu moto ŵachiuta ŵawo ŵana ŵawo ŵanthurumi ndi ŵana ŵawo ŵanthukazi.

Marangu 17:3

pakuteŵete ŵachiuta ŵanyake ndi kuŵasopa, pamwenga kusopa dazi, pamwenga mwezi, pamwenga che chose cha maliŵanja gha kuchanya, cho ndakanizga.

Marangu 18:10

Kungachisanirika cha mukati mwinu nanga njumoza wakocha mwana wake munthurumi pamwenga mwana wake munthukazi kuŵa sembe, we yose wakombeza, chanusi, pamwenga mungoma, pamwenga fwiti,

Yoswa 15:8

sono apa mphaka yikwera ndi dambo la mwana waku Hinomu kuchiri ku malawi ku ŵaYebusi (yo ndi Yerusalemu); ndipo mphaka yikwera pachanya pa phiri lo linyekezga ku dambo la Hinomu, ku zambwe, ku umari waku nkhonde wa dambo la Rafaimi;